أفَسُس 4:25 - كِتاب العَهد الجَّديد مِن الكِتاب المُقَدَّس

²⁵ عَلَشان كِدا، أرمو مِنَّكُم الكِضِب، و إتكَلَّمو الحَق كُلّو واحِد مَعَ جارو، عَلَشان نِحنا أعضاء بَعَضَنا مَعَ بَعض.

أفَسُس 4:25 Iomraidhean Croise

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

رُومِيَه 12:5

كِدا كَمان نِحنا الكَتيرين جِسِم واحِد في المَسيح، و أعضاء بَعَضَنا لِبَعض، كُلّو واحِد لِلتاني.

١ كُورِنْثُوس 10:17

عَلَشان في عيش واحِد، نِحنا، الكَتيرين، جِسم واحِد، عَشان كُلُّنا نَشتَرِك في العيش الواحِد.

٢ كُورِنْثُوس 7:14

أنا حَمَدتَكُم شوَيَه قِدّامو، و ما بِقيت خَجلان. لَكِن زي ما كَلَّمناكُم بِكُلّو حاجَه بِالحَق، كِدا كَمان حَمدَنا فيكُم لِتِيطُس كان الحَق.

أفَسُس 4:15

لَكِن نِتكَلَّم الحَق في المَحَبَّه عَشان نَكبَر في كُلّو حاجَه لِلرّاس، هو المَسيح.

أفَسُس 4:22

و بِخُصوص طَريق حَياتكُم المِن قُبّال، إنتو إتعَلَّمتو أن تَقلَعو مِنَّكُم النَّفس القَديمَه، الفيها خَراب بِسَبَب الشَّهوات البِغِشّو.

أفَسُس 4:31

و شيلو مِنَّكُم كُلّو قَلب مُر، و زَعل، و غَضَب، و كوراك شَديد، و كُلّو مَكَر.

أفَسُس 5:30

عَلَشان نِحنا أعضاء جِسمو.

كُولُوسِّي 3:8

لَكِن هَسَّع، أرمو مِنَّكُم كَمان كُلّو ديل: الزَّعل، و الغَضَب، و قَلب مُر، و التَّجديف، و الكَلام الوَسخان مِن خُشومكُم.

كُولُوسِّي 3:9

و ما تَكَضِّبو بَعضَكُم عَلى بَعض، عَلَشانكُم قَلَعتو الإنسان القَديم مَعَ أعمالو.

١ تِيمُوثَاوُس 1:10

القانون لِليَعمِلو الزِّنا و المِخَنِّسين، و لِلبِسرِقو النّاس، لِلكَضّابين، و البِحلِفو بِالكِضِب. و القانون لِأي شي تاني البِقاوِم التَّعليم الصَّحيح،

١ تِيمُوثَاوُس 4:2

تَعليم زي دا بِجي مِن ناس كَضّابين البِغِشّو، و ضَمايرُم مَحروقين زي بِمَكوَه سُخنَه.

تِيطُس 1:12

و واحِد مِنَّهُم، و هو النَّبي بِتاعُم، قال: ”ناس كَريت دايماً كَضّابين، وحوش بَطّالين، بُطونيين كَسلانين.“

تِيطُس 1:2

و في رَجاء الحَياة الأبَديَّه، الوَعَد بيها الله قُبّال زَمَن أبَدي. و الله ما بِقدَر يَكَضِّب.

عِبرانيين 12:1

و عَلَشان في حَوَلينا سِحابَه كَبيرَه زي دي مِن الشّاهِدين، خَلّونا نَرمي مِنَّنا كُلّو حِمِل و الخَطيَّه البِتضَيقنا بِالسُّرعَه. و خَلّونا نَجري بِالصَّبر السَّبَق المَختوت قِدّامنا.

يَعْقُوب 1:21

عَشان كِدا، أرمو مِنَّكُم كُلّو نَجاسَه و كَترَت شَر، و أقبَلو بِوَداعَه الكِلمَه المَزروعَه البِتَقدَر تَخَلِّص نُفوسكُم.

١ بُطْرُس 2:1

عَشان كِدا، أرمو مِنَّكُم كُلّو شَماتَه و كُلّو غِش و النِّفاق و الحَسَد و كُلّو شَتيمَه.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 22:15

عَشان بَرَّه في الكِلاب و البيَعمِلو السِّحِر و الزّانيين و الكاتِلين و البِيَعبُدو الأصنام، و كُلّو واحِد البِحِب الكِضِب و بِشتَغِل بيهو.