أفَسُس 4:15 - كِتاب العَهد الجَّديد مِن الكِتاب المُقَدَّس

¹⁵ لَكِن نِتكَلَّم الحَق في المَحَبَّه عَشان نَكبَر في كُلّو حاجَه لِلرّاس، هو المَسيح.

أفَسُس 4:15 Iomraidhean Croise

يُوحَنَّا 1:47

و يَسُوع شاف نَثَنَائِيل جاي ليهو، و قال عَنّو: ”شوف إِسْرَائِيلي بِالحَق، ما فيهو غِش.“

رُومِيَه 12:9

خَلّي المَحَبَّه تَكون مُخلِصَه. أكرَهو البَطّال، أمسِكو بِالكوَيس.

١ كُورِنْثُوس 11:3

لَكِن عاوِزكُم تَعرِفو، راس كُلّو راجِل هو المَسيح، و راس المَرَه هو الرّاجِل، و راس المَسيح هو الله.

٢ كُورِنْثُوس 4:2

لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

٢ كُورِنْثُوس 8:8

أنا ما بِدّيكُم أمر، لَكِن لَمّا أوَرِّيكُم إهتِمام التّانيين، أمتَحِن مَحَبَّتكُم إذا حَقيقي ولّا لا.

أفَسُس 1:22

و الله خَتَّ كُلّو شي تِحِت كِرعينو، و عَمَلو راس فوق كُلّو شي لِلكَنيسَه.

أفَسُس 1:4

عَشان هو إختارنا مِن قُبّال خَليقَة الدُّنيا عَشان نَكون قِدِّيسين و بِدون لوم قِدّامو.

أفَسُس 2:21

و فيهو كُل البُنا يَبني سَوا، و يَكبَر عَشان يَكون بيت مُقَدَّس في الرَّب.

أفَسُس 4:25

عَلَشان كِدا، أرمو مِنَّكُم الكِضِب، و إتكَلَّمو الحَق كُلّو واحِد مَعَ جارو، عَلَشان نِحنا أعضاء بَعَضَنا مَعَ بَعض.

أفَسُس 5:23

عَشان الرّاجِل هو راس المَرَه، زي ما المَسيح كَمان راس الكَنيسَه، و هو مُخَلِّص الجِّسِم.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

١ بُطْرُس 2:2

زي أطفال إتوَلَدو هَسَّع، دورو اللَّبَن الرّوحي الما فيهو غِش، عَشان تَكبَرو بيهو لِلخَلاص،

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.

١ يُوحَنَّا 3:18

يا أولادي، خَلّونا نَحِب، ما بِالكَلام، و لا بِاللِّسان، لَكِن بِالعَمَل و الحَق.