أفَسُس 3:19 - كِتاب العَهد الجَّديد مِن الكِتاب المُقَدَّس

¹⁹ و تَعرِفو مَحَبَّة المَسيح، الفوق المَعرِفَه، عَلَشان تَكونو مَليانين تَمام بِالله نَفسو.

أفَسُس 3:19 Iomraidhean Croise

مَتَّى 5:6

مُبارَكين الجَّعانين و العَطشانين لِلبِر عَشانُم بِكونو شَبعانين.

يُوحَنَّا 1:16

و نِحنا كُلُّنا أخَدنا مِن خيرو الكَتير، نِعمَه فوق نِعمَه.

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

رُومِيَه 8:35

مِنو بِقطَعنا عَن مَحَبَّة المَسيح؟ تَعب، ولّا ضيق، ولّا طَرد، ولّا جوع، ولّا عَشان نِحنا عَريانين، ولّا خَطَر، ولّا سيف؟

رُومِيَه 8:39

ولّا طول، ولّا غُرق، ولّا خَليقَه تانيَه، بِتَقدَر تَقطَعنا عَن مَحَبَّة الله الفي المَسيح يَسُوع رَبَّنا.

٢ كُورِنْثُوس 5:14

عَشان مَحَبَّة المَسيح عِندَها قُوَّه فوقنا حَتّى بِنَحسِب دا، إنّو واحِد مات عَن كُل النّاس. و عَلَشان كِدا كُلُّهُم ماتو.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

أفَسُس 1:23

و الكَنيسَه جِسمو الإتمَلا بيهو، و هو اليَملى كُلّو شي في كُلّو مَكان.

أفَسُس 3:18

حَتّى إنتو تَقدَرو تَفهَمو مَعَ كُل القِدِّسين كيف مَحَبَّة المَسيح واسِعَه و طَويلَه و عاليَه و غَريقَه.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

أفَسُس 5:25

يا رُجال، حِبّو نِسوانكُم، زي المَسيح كَمان حَبَّ الكَنيسَه و أدّا نَفسو فِشانّا،

فيلِبّي 1:7

و دا تَمام لَي أن أفتَكِر كِدا عَن كُلُّكُم، عَلَشان أحفَظكُم كُلُّكُم في قَلبي. فِشان كُلُّكُم تَشارِكوني في نِعمَة الله، إذا أنا في جَنازِير ولّا أحرِس الإنجيل و أوَرّي إنّو هو الحَق.

فيلِبّي 4:7

و سَلام الله، الفوق كُلّو فَهم، بِحفَظ قُلوبكُم و أفكاركُم في المَسيح يَسُوع.

كُولُوسِّي 1:10

و نَصَلّي لِدا، عَلَشان تَعيشو زي ما يِستَحِق لِلرَّب، و في كُلّو حاجَه تَفَرِّحوهو، و تَجِيبو ثِمار في كُلّو عَمَل كوَيس، و تَكبَرو في مَعرِفَة الله.

١ بُطْرُس 1:8

بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.