أفَسُس 3:17 - كِتاب العَهد الجَّديد مِن الكِتاب المُقَدَّس

¹⁷ عَشان المَسيح يَسكُن في قُلوبكُم بِالإيمان، عَلَشان عُروقكُم و أساسكُم بِكونو في المَحَبَّه،

أفَسُس 3:17 Iomraidhean Croise

مَتَّى 13:6

و لَكِن الشَّمِش لَمّا طَلَعَت حَرَقَت النَّبات. و بِقى يابِس، عَشان ما كان عِندو عِرق.

لُوقَا 6:48

هو مِثِل زول بِبني بيت، و بِحفِر تِحِت و بِخُت الأساس عَلى الحَجَر. و لَمّا المويَه مَلَت الأرض، و المويَه ضَرَبَت عَلى البيت داك، ما قِدِر تَهِزّو، عَشان كان أساسو عَلى الحَجَر.

يُوحَنَّا 14:17

ناس الدُّنيا ما بِقدَرو يَقبَلوهو، عَشان هُم ما يَشوفوهو و لا يَعرِفوهو. لَكِن إنتو بِتَعرِفوهو، عَشان هو قاعِد مَعاكُم و بِكون فيكُم.

يُوحَنَّا 14:23

يَسُوع رَدَّ عَليهو: ”إذا واحِد بِحِبّني، هو بِحفَظ كَلامي. و أبوي بِحِبّو. و نِحنا بِنَجي ليهو و نَعمِل بيتنا مَعاهو.

يُوحَنَّا 17:23

أنا فيهُم و إنتَ فِيني، عَشان يَكونو مَكَمَّلين لِواحِد. بِدا، خَلّي ناس الدُّنيا يَعرِفو إنتَ رَسَّلتَني، و حَبّيتُم زي ما حَبّيتني.

يُوحَنَّا 6:56

الياكُل جِسمي و يَشرَب دَمّي يَسكُن فِيني، و أنا فيهو.

رُومِيَه 5:5

و عَلَشان عِندَنا رَجاء، نِحنا ما خَجلانين، عَشان الله كَبَّ مَحَبَّتو في قُلوبنا بِالرّوح القُدُس الهو أدّانا.

١ كُورِنْثُوس 3:6

أنا زَرَعتَ، و أَبُلُّوس أدّاها مويَه، لَكِن الله، هو الكان بِزيدو.

١ كُورِنْثُوس 8:1

هَسَّع عَن الأكل اليَضبَحوهو لِلأصنام. بِنَعرِف كُلُّنا عِندَنا مَعرِفَه. المَعرِفَه تَعمِل الزّول مِتكَبِّر، لَكِن المَحَبَّه تَبني.

٢ كُورِنْثُوس 13:5

أعمِلو إمتِحان لِنُفوسكُم. إنتو عِندَكُم إيمان؟ جَرِّبو نُفوسكُم. ما بِتَعرِفو يَسُوع المَسيح فيكُم؟ إلّا إذا وَقَعتو في الإمتِحان.

٢ كُورِنْثُوس 6:16

و الإتِّفاق شِنو بين هيكَل الله و الأصنام؟ عَشان نِحنا هيكَل الله الحَي، زي ما الله قال: ”أنا بَسكُن فيهُم و أمشي في وَسِطُم، و بَكون ليهُم إلَه، و هُم بِكونو لَي ناس.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

كُولُوسِّي 2:7

و خَلّو عُروقكُم يَكونو فيهو، و أبنو نُفوسكُم فيهو. و كونو ثابِتين في الإيمان، زي ما عَلَّموكُم، و زيدو في الشُّكر.

١ يُوحَنَّا 4:16

و نِحنا عِرِفنا و صَدَّقنا مَحَبَّة الله الهو عِندو لينا. الله مَحَبَّه، و البِسكُن في المَحَبَّه بِسكُن في الله و الله فيهو.

١ يُوحَنَّا 4:4

إنتو مِن الله، يا أولاد، و غَلَبتوهُم. عَشان هو الفيكُم أكبَر مِن الفي الدُّنيا.

رؤيا 3:20

شوف! أنا واقِف عَلى الباب و بَدُق. إذا أي واحِد يَسمَع صوتي و يَفتَح الباب، بَدخُل ليهو و باكُل مَعاهو و هو مَعاي.