أفَسُس 3:16 - كِتاب العَهد الجَّديد مِن الكِتاب المُقَدَّس

¹⁶ أنا بَصَلّي عَشان هو بِدّيكُم حَسَب غِنى مَجدو عَلَشان تِتشَدَّدو بِالقُوَّه بِروحو جُوَّه نُفوسكُم،

أفَسُس 3:16 Iomraidhean Croise

مَتَّى 6:13

و ما تَدَخِّلنا في تَجرِبَه، و لَكِن خَلِّصنا مِن الشَّرّير.

رُومِيَه 2:29

لَكِن اليَهودي في جُوَّه، هو اليَهودي الحَقيقي. و طَهور القَلِب، هو الطَّهور الحَقيقي و دا بِالرّوح، مُش بِالكِتاب. و حَمدو ما مِن النّاس، لَكِن مِن الله.

رُومِيَه 7:22

عَشان بَكون مَبسوط بِقانون الله في جُوَّه نَفسي،

رُومِيَه 9:23

و عَمَل دا عَلَشان يَوَرّي غِنى مَجدو عَلى بُرام رَحمَه جَهَّزا مِن قُبّال لِلمَجد،

١ كُورِنْثُوس 16:13

أحرِسو، كونو ثابِتين في الإيمان، كونو رُجال و إتشَدَّدو.

٢ كُورِنْثُوس 12:9

لَكِن هو قال لَي: ”نِعمَتي كِفايَه ليك، عَشان قوَّتي بِتكون كاملَه في الضُّعف.“ عَلَشان كِدا، بِفَرَح كَتير بَحمَد ضَعفي، عَلَشان قُوَّة المَسيح تَغَطّيني.

٢ كُورِنْثُوس 4:16

عَلَشان كِدا ما نَقول ما في فايدَه. لَكِن إذا كان جِسِمنا يَبقى ضَعيف، نَفسَنا الفي جُوَّه بَتَبقى جَديدَه يوم بِيوم.

أفَسُس 1:18

و بَصَلّي عَشان أفكاركُم بِكونو مَفتوحين لِنورو، عَلَشان تَعرِفو الرَّجاء الهو إختاركُم ليهو، و تَعرِفو غِنى مَجد ميراثو في القِدِّسين.

أفَسُس 1:7

و فيهو عِندَنا الفِداء بِدَمّو، غُفران الخَطايا، بِحَسَب غِنى نِعمَتو.

أفَسُس 2:7

هو عَمَل دا عَشان يَوَرّي في الزَّمَن الجّاي، غِنى نِعمَتو الأكبَر بِرَحمَتو عَلينا في المَسيح يَسُوع.

أفَسُس 3:15

المِنّو كُلّو أهل في السَّما و عَلى الأرض ياخُد إسمو.

أفَسُس 3:8

و هو أدّا النِّعمَه دي لَي، و أنا أصغَر كُل القِدِّسين، عَشان أبَشِّر بين الأُمَم بِغِنى المَسيح الما نَقدَر نَفَسِّر بِالتَّمام.

أفَسُس 6:10

و في الآخِر، يا أخواني، كونو قَوّيين في الرَّب و في شِدَّة قُوَّتو.

فيلِبّي 4:13

أنا بَقدَر أعمِل كُلّو شي في المَسيح البِشَدِّدني.

فيلِبّي 4:19

و إلَهي بيَملا كُلّو إحتياجكُم بِحَسَب غِناهو في المَجد في المَسيح يَسُوع.

كُولُوسِّي 1:11

و تِتشَدَّدو بِكُلّو قُوَّه حَسَب قُدرَة مَجدو، عَشان تَقدَرو تَشيلو كُلّو حاجَه بِصَبر و روح طَويلَه و بِفَرَح.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

كُولُوسِّي 2:2

أنا بَعمِل دا عَلَشان قُلوبُم يِتعَزّو و بِكونو واحِد في المَحَبَّه، و بِكونو عِندَهُم كُلّو غِنى بِتاع تأكيد الفَهم. و عَلَشان كِدا يَعرِفو سِر الله، و هو المَسيح.

٢ تِيمُوثَاوُس 4:17

و لَكِن الرَّب وَقَف مَعاي و شَدَّدني عَلَشان أبَشِّر بِالإنجيل، و كُل الأُمَم بِسمَعو. و هو خَلَّصني مِن خَشم الأسَد.

عِبرانيين 11:34

و بَطَّلو قُوَّة النّار، و هَرَبو مِن الموت بِالسّيف. و هُم كانو ضَعيفين و بِقو شُداد، و بِقو أشَد في الحَرب، و غَلَبو جُيوش الغَريبين.

١ بُطْرُس 3:4

لَكِن خَليهو يَكون مِن إنسان القَلِب المَدسوس، الرّوح المِتواضَع و اللَّطيف، الما يَخسَر. و داك عِندو تَمَن كَتير قِدّام الله.