أفَسُس 2:8 - كِتاب العَهد الجَّديد مِن الكِتاب المُقَدَّس

⁸ عَلَشان بِالنِّعمَه إنتو مُخَلَّصين بِالإيمان. و داك مُش مِنَّكُم. هو هَديَّة الله،

أفَسُس 2:8 Iomraidhean Croise

مَتَّى 16:17

و يَسُوع قال ليهو: ”مُبارَك إنتَ، يا سِمْعَان إبن يُونَا. عَشان ناس ما وَرّوهو ليك، لَكِن أبوي الفي السَّما.

مَتَّى 20:9

و الشَّغّالين الكانو مَأجَّرين السّاعَه خَمسَه جو و اَخَدو دينار دينار.

مَرْقُس 16:16

هو اليَصَدِّق و يِتعَمَّد بِخلَص، و الما يَصَدِّق بِحكُمو عَليهو.

لُوقَا 7:50

و يَسُوع قال لِلمَرَه: ”إيمانِك خَلَّصِك. أمشي بِالسَّلام.“

يُوحَنَّا 3:36

هو البِآمِنو بِالإبن، ليهو الحَياة الأبَديَّه. و هو الما بِآمِنو بِالإبن، ما بِشوف الحَياة، لَكِن غَضَب الله يَبقى عَليهو.

يُوحَنَّا 4:10

يَسُوع قال ليها: ”إنتي إذا كُنتي تَعرِفي هَديَّة الله، و مِنو هو البقول ليكي: أدّيني عَشان أشرَب، كُنتي طَلَبتي مِنّو، و هو كان أدّاك مويَه حَيَّه.“

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

يُوحَنَّا 6:35

و يَسُوع قال ليهُم: ”أنا هو عيش الحَياة. البِجي لَي ما بِكون جَعان، و البِآمِنو بي ما يَعطَش أبَداً.

يُوحَنَّا 6:37

كُل الأبو يَدّيني، يَجي لَي. و البِجي لَي، ما بَطرُدو بَرَّه أبَداً.

يُوحَنَّا 6:40

عَشان دي إرادَة أبوي، كُل البِشوف الإبن و بِآمِنو بيهو، تَكون ليهو الحَياة الأبَديَّه. و أنا بَقَوِّمو في اليوم الأخير.“

يُوحَنَّا 6:44

ما في واحِد يَقدَر يَجي لَي إلّا الأبو الرَّسَّلني يَجيبو لَي. و أنا بَقَوِّمو في اليوم الأخير.

يُوحَنَّا 6:65

و هو قال: ”عَشان كِدا، أنا قُلتَ ليكُم: ما في واحِد يَقدَر يَجي لَي إلّا إذا أبوي أدّاهو.“

أعمال الرُّسُل 13:39

و بيهو كُلّو واحِد البِآمِن، يِتبَرَّر مِن كُلّو شي قانون مُوسَى ما قِدِر يَعمِلو بار.

أعمال الرُّسُل 14:27

و لَمَّن وِصلو، جَمَعو الكَنيسَه، و خَبَّرو بِكُلّو حاجَه الله عَمَل مَعاهُم، و كيف فَتَح لِلأُمَم باب الإيمان.

أعمال الرُّسُل 15:11

لَكِنّا بِنِعمَة الرَّب يَسُوع المَسيح نآمِن عَشان نَخَلَص، زي ما هُم يَخلَصو كَمان.“

أعمال الرُّسُل 16:14

و كانَت في مَرَه بِتَسمَعنا إسِما لِيدِيَّه البِتبيع قُماش بَنَفسَجي، مِن مَدينَه ثَيَاتِيرَا، و بِتخاف الله. و الرَّب فَتَح قَلبا عَشان تَخَلّي بالا لِلبِقولو بُولُس.

أعمال الرُّسُل 16:31

و قالو: ”آمِن بِالرَّب يَسُوع، و بِتَخلَص، إنتَ و أهل بيتَك.“

رُومِيَه 10:14

و لَكِن كيف بِنادو لِلما آمَنو بيهو؟ و كيف بِآمِنو بِالما سِمِعوهو؟ و كيف بِسمَعو بِدون مُبَشِّر؟

رُومِيَه 10:17

عَلَشان كِدا، الإيمان يَجي مِن الخَبَر، و الخَبَر بِكِلمَة المَسيح.

رُومِيَه 4:16

عَلَشان كِدا، الوَعَد بِجي بِالإيمان، عَشان يَكون بِنِعمَه، و يَكون بِتأكيد، لِكُل الأولاد، مُش ليهُم البِطيعُو القانون بَس، لَكِن ليهُم المِن إيمان إِبْرَاهِيم كَمان. و هو أبو لِكُلُّنا.

رُومِيَه 4:5

و الزّول الما بيَعمِل لَكِن بِآمِن بِالله اليَبَرِّر الخاطي، إيمانو إتحَسَب ليهو بِر.

رُومِيَه 9:16

عَلَشان كِدا هو ما سؤَال عَن إرادَة إنسان ولّا عَن تَعبو، لَكِن عَن رَحمَة الله.

غَلَاطِيَّه 3:14

هو فَدانا عَشان بَرَكَة إِبْرَاهِيم تَكون لِلأُمَم في المَسيح يَسُوع، عَشان نَقبَل وَعَد الرّوح بِالإيمان.

غَلَاطِيَّه 3:22

و لَكِن الكِتاب حَبَس كُل الدُّنيا تِحِت قُوَّة الخَطيَّه. و كان كِدا عَشان يَدّي الحاجَه الهو وَعَد بيها بِإيمان بِيَسُوع المَسيح، لِلمؤمِنين.

أفَسُس 1:19

و بَصَلّي عَشانكُم تَعرِفو قُوَّتو الكَبيرَه لينا. و القُوَّه دي فوق كُلّو شي و بِتساعِدنا المؤمِنين.

أفَسُس 2:10

عَلَشان نِحنا شُغل الله، و هو خَلَقنا في المَسيح يَسُوع عَشان نَعمِل أعمال كوَيسَه، الجَّهَّزا الله مِن قُبّال عَشان نَعمِلا.

أفَسُس 2:5

عَمَلنا حَيين مَعَ المَسيح لَمّا كُنّا مَيِّتين بِالخَطايا. عَشان بِالنِّعمَه إنتو مُخَلَّصين.

فيلِبّي 1:29

عَشان كِدا، الله، فِشان المَسيح، أدّا ليكُم مُش أن تَآمِنو فيهو بَس، لَكِن أن تِتوَجَّعو عَشان خاطِرو كَمان،

كُولُوسِّي 2:12

دَفَنوكُم مَعاهو في المَعموديَّه، و قَوَّموكُم مَعاهو كَمان بِالإيمان بِعَمَل الله القَوَّمو مِن بين المَيِّتين.

٢ تَسَالُونِيكِي 1:9

و الجِّزا بِتاعُم هو خَراب أبَدي، و يَفَرِّقوهُم مِن وَش الرَّب و مِن مَجد قُوَّتو،

عِبرانيين 6:4

و في ناس الكانو عِندَهُم النّور مِن قُبّال، و ضاقو الهَدِيَّه المِن السَّما، و بِقو شُرَكا في الرّوح القُدُس.

١ بُطْرُس 1:5

إنتو البِقُوَّة الله مَحروسين بِالإيمان لِلخَلاص الجّاهِز هَسَّع، و البِظهَر في الزَّمَن الأخير.