أفَسُس 2:12 - كِتاب العَهد الجَّديد مِن الكِتاب المُقَدَّس

¹² عَشان إنتو كُنتو في الوَكِت داك بِدون المَسيح، غَريبين عَن أهل إِسْرَائِيل، غَريبين عَن إتِّفاقات الوَعَد، بِدون رَجاء و بِدون الله في الدُّنيا.

أفَسُس 2:12 Iomraidhean Croise

لُوقَا 1:72

عَشان يَعمِل رَحمَه مَعَ أبَهاتنا، و إتزَكَّر إتِّفاقو المُقَدَّس.

يُوحَنَّا 10:16

و أنا عِندي خِرفان تانيين، و هُم ما مِن الزَّريبَه دي. ديل كَمان لازِم أجيبُم. و هُم بِسمَعو صوتي. و بَعدين يَكون مُراح واحِد و راعي واحِد.

يُوحَنَّا 15:5

أنا شَجَرَة العِنَب و إنتو الفُروع. البِسكُن فِيني، و أنا فيهو، هو البِجيب ثِمار كَتير. عَشان إنتو بِدوني ما تَقدَرو تَعمِلو حاجَه.

يُوحَنَّا 4:22

إنتو بِتَعبُدو الما بِتَعرِفوهو. نِحنا نَعبُد البِنَعرِفو، عَشان الخَلاص مِن اليَهود.

أعمال الرُّسُل 2:39

عَشان ليكُم الوَعَد، و لِأولادكُم و لِكُل النّاس البَعيدين، لِكُلُّهُم البِناديهُم الرَّب إلَهنا.“

أعمال الرُّسُل 28:20

و بِالسَّبَب دا، ناديتكُم عَشان أشوفكُم و أكَلِّمكُم. عَلَشان خاطِر رَجاء إِسْرَائِيل أنا مَربوط بِالجَّنزير دا.“

أعمال الرُّسُل 3:25

و إنتو أولاد الأنبياء و أولاد الإتِّفاق. و الله أدّى أبَهاتنا الإتِّفاق دا. هو قال لِإِبْرَاهِيم: بِأولادَك كُلّو قَبايل الأرض بِكونو مُبارَكين.

رُومِيَه 9:8

يَعني مُش أولاد الجِّسِم هُم أولاد الله، لَكِن أولاد الوَعَد يَحسِبوهُم أولاد.

غَلَاطِيَّه 4:8

مِن قَبِل، لَمّا ما كُنتو تَعرِفو الله، كُنتو عَبيد لِآلِهَه بِطَبيعَه مُش آلِهَه.

أفَسُس 2:19

و عَلَشان كِدا، بَعَد دا إنتو مُش غَريبين و ناس مِن بَرَّه، لَكِن مُراح واحِد مَعَ القِدِّسين و أعضاء أهل بيت الله.

أفَسُس 4:18

و الفِكر بِتاعُم ضُلُمَّه، و هُم ما عِندَهُم جُزو في حَياة الله، عَلَشان ما عِندَهُم مَعرِفَه، بِسَبَب قُلوبُم القَوّيَّه.

كُولُوسِّي 1:21

و إنتو قُبّال دا كُنتو غَريبين عَن الله، و عُدوان ليهو في الفِكر، و بِالأعمال البَطّالَه.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

كُولُوسِّي 1:5

فِشان الرَّجاء المَحفوظ ليكُم في السَّما، الإنتو سِمِعتو بيهو قُبّال دا في كِلمَة حَق الإنجيل،

١ تَسَالُونِيكِي 4:13

لَكِن ما عاوِزينكُم تَكونو بِدون مَعرِفَه، يا أخوان، عَن الراقِدين، عَلَشان ما تَحزَنو زي التّانيين الما عِندَهُم رَجاء.

١ تَسَالُونِيكِي 4:5

و ما في شَهوَه شَرّيرَه زي الأُمَم الما يَعرِفو؛ الله.

٢ تَسَالُونِيكِي 2:16

و رَبَّنا يَسُوع المَسيح نَفسو، و الله أبونا، الحَبّانا و أدّانا بِنِعمَتو شَجاعَه أبَديَّه و رَجاء كوَيس،

١ تِيمُوثَاوُس 1:1

مِن بُولُس، رَسول المَسيح يَسُوع بِحَسَب أمر الله مُخَلِّصنا و المَسيح يَسُوع رَجاءنا،

عِبرانيين 11:34

و بَطَّلو قُوَّة النّار، و هَرَبو مِن الموت بِالسّيف. و هُم كانو ضَعيفين و بِقو شُداد، و بِقو أشَد في الحَرب، و غَلَبو جُيوش الغَريبين.

عِبرانيين 6:18

و الله عَمَل دا عَلَشان في حاجَتين الما بِتغَيَّرو، و ما مُمكِن هو يَكَضِّب فيهُم. عَلَشان كِدا، نِحنا الهَربنا ليهو عَشان نَمسِك بِالرَّجاء المَختوت قِدّامنا، عِندَنا شَجاعَه شَديدَه.

عِبرانيين 8:6

و لَكِن هَسَّع المَسيح حَصَّل عَلى خِدمَه أحسَن بِكَتير عَشان بِالحَق، هو وَسيط لِإتِّفاق أحسَن و أساسو عَلى وُعود أحسَن.

١ بُطْرُس 1:21

إنتو البيهو بِتآمِنو بِالله القَوَّمو مِن بين المَيِّتين و أدّاهو المَجد، و عَشان كِدا إيمانكُم و رَجاكُم هُم في الله.

١ بُطْرُس 1:3

مُبارَك الله أبو رَبَّنا يَسُوع المَسيح! حَسَب رَحمَتو الكَتيرَه هو أدّانا وِلادَه تانيَه لِرَجاء حَي بِقيامَة يَسُوع المَسيح مِن بين المَيِّتين.

١ بُطْرُس 3:15

لَكِن قَدِّسو الرَّب المَسيح في قُلوبكُم. و كونو جاهِزين دايماً عَشان تَرُدّو عَلى كُلّو واحِد البِسألكُم عَن سَبَب الرَّجاء الفيكُم. و لَكِن أعمِلوهو بِوَداعَه و إحتِرام.

١ يُوحَنَّا 3:3

و كُلّو واحِد العِندو الرَّجاء دا فيهو، يَنَضِّف نَفسو زي ما هو نَضيف.