كُولُوسِّي 3:8 - كِتاب العَهد الجَّديد مِن الكِتاب المُقَدَّس

⁸ لَكِن هَسَّع، أرمو مِنَّكُم كَمان كُلّو ديل: الزَّعل، و الغَضَب، و قَلب مُر، و التَّجديف، و الكَلام الوَسخان مِن خُشومكُم.

كُولُوسِّي 3:8 Iomraidhean Croise

مَتَّى 5:22

و لَكِن أنا أقول ليكُم، كُل اليَزعَل عَلى أخوهو، هو قَرَّب لِلحُكم. و اليَقَول لِأخوهو: يا بَليد، هو قَرَّب لِلمَجِلس. و اليَقول: يا غَشيم، هو قَرَّب لِنار جَهَنَّم.

مَرْقُس 7:22

و الطَّمَع، و الشَّر، و الغِش، و السَّفاهَه، و العين الشَّرّيرَه، و الكِضِب عَلى زول، و الكِبِر، و العَمَل البَليد.

رُومِيَه 13:13

خَلّونا نَعيش بِالإحتِرام زي في النَّهار، ما بِالحَفلات البَطّالَه و السُّكر، ولّا بِالفَضيحَه و الخَراب، ولّا بِالمُشاكَلَه و الحَسَد.

١ كُورِنْثُوس 3:3

عَشانكُم لِسَّع ناس جِسميين، عَشان إذا كان فيكُم حَسَد و شَكلَه، إنتو ما ناس جِسميين و ماشين حَسَب ناس الدُّنيا؟

٢ كُورِنْثُوس 12:20

أنا بَخاف لَمّا بَجي ليكُم ما بَلقاكُم زي ما أنا عاوِز، و إنتو ما تَلقوني زي ما إنتو عاوزين. أنا بَخاف إنّو بِتكون بينكُم شَكلات و حَسَد و زَعل و إنقِسامات و شَتايِم و وَسوَسَه و كِبِر و دَوشَه.

غَلَاطِيَّه 5:15

و إذا تَعُضّو و تَبلَعو بَعضَكُم بَعض، شوفو عَشان ما تَخَرِّبو بَعضَكُم بَعض.

غَلَاطِيَّه 5:20

و عِبادَة الأصنام، و السَّحِر، و العَداوَه، و الخُصومَه، و الحَسَد، و الغَضَب، و مَحَبَّة النَّفس، و الشَّكلات، و الأقسام،

غَلَاطِيَّه 5:26

واجِب عَلينا أن ما نَشكُر نُفوسنا، ولّا نَزَعِّل بَعَضَنا بَعض، ولّا نَحسُد بَعَضَنا بَعض.

أفَسُس 4:22

و بِخُصوص طَريق حَياتكُم المِن قُبّال، إنتو إتعَلَّمتو أن تَقلَعو مِنَّكُم النَّفس القَديمَه، الفيها خَراب بِسَبَب الشَّهوات البِغِشّو.

أفَسُس 4:25

عَلَشان كِدا، أرمو مِنَّكُم الكِضِب، و إتكَلَّمو الحَق كُلّو واحِد مَعَ جارو، عَلَشان نِحنا أعضاء بَعَضَنا مَعَ بَعض.

أفَسُس 4:26

أزعَلو و ما تَعمِلو خَطيَّه. ما تَخَلّو زَعلكُم يِستَنّى بَعَد المَغرِب.

أفَسُس 4:29

ما تَخَلّو كَلام بَطّال يَمرُق مِن خُشومكُم، لَكِن كَلام كوَيس البِساعِد، عَشان يَدّي نِعمَه لِلنّاس اليَسمَعو.

أفَسُس 5:4

و كِدا ما تِتكَلَّمو كَلام وَسخان ولّا بَليد ولّا كَلام خَفيف الما يَوافِق. لَكِن أدّو الشُّكر لِلَّه.

كُولُوسِّي 3:5

عَلَشان كِدا، أكتُلو كُلّو حاجَه فيكُم البِتكون مِن الأرض: الزِّنا، و النَّجاسَه، و الشَّهوَه الشَّديدَه، و الشَّهوات البَطّالَه، و الطَّمَع، يَعني عِبادَة الأصنام.

كُولُوسِّي 3:9

و ما تَكَضِّبو بَعضَكُم عَلى بَعض، عَلَشانكُم قَلَعتو الإنسان القَديم مَعَ أعمالو.

١ تِيمُوثَاوُس 1:13

مَعَ إنّي كُنتَ بَجَدِّف و بَطرُد و بَشتِم مِن قُبّال. و لَكِن لِقيت رَحمَه عَلَشان أنا عَمَلتَ داك لَمّا كُنتَ بِدون مَعرِفَه و ما عِندي إيمان.

١ تِيمُوثَاوُس 1:20

و مِنَّهُم هِمِنَايُوس و الإِسْكَنْدَر الأنا سَلَّمتَهُم لِلشّيطان عَشان يِتعَلَّمو أن ما يَجَدِّفو.

عِبرانيين 12:1

و عَلَشان في حَوَلينا سِحابَه كَبيرَه زي دي مِن الشّاهِدين، خَلّونا نَرمي مِنَّنا كُلّو حِمِل و الخَطيَّه البِتضَيقنا بِالسُّرعَه. و خَلّونا نَجري بِالصَّبر السَّبَق المَختوت قِدّامنا.

يَعْقُوب 2:7

ما هُم البِجَدِّفو عَلى الإسِم المُحتِرَم البِسَمّوكُم بيهو؟

١ بُطْرُس 2:1

عَشان كِدا، أرمو مِنَّكُم كُلّو شَماتَه و كُلّو غِش و النِّفاق و الحَسَد و كُلّو شَتيمَه.

٢ بُطْرُس 2:18

عَشان هُم يِتكَلَّمو بِكِلمات مِتكَبِّرَه و فاضيَه. و يَغِشّو بِشَهوات الجِّسِم و الخَراب، النّاس القَرَّبو يَنجو مِن ديل البِعيشو في الغَلطَه.

٢ بُطْرُس 2:7

و هو خَلَّص لوط البار، الإتحَيَّر مِن الحَياة الوَسخانَه بِتاعَت النّاس البِدون قانون.

يَهُوذَا 1:13

أمواج بَحَر مُحَرَّكَه مَزَبِّدَه بِخَجَلُم، نُجوم ضالَّه، مَحفوظَه لِضَلام أسوَد جِدّاً لِلأبَد.

يَهُوذَا 1:8

و كِدا كَمان، ديل، البِحلَمو، بيَعمِلو حاجات يَنَجِّسو أجسامُم، و يَرفُضو السُّلطَه و يَشتِمو الكُبار الفي السَّما.

رؤيا 16:9

و النّاس إنحَرَقو بِحَر شَديد و جَدَّفو عَلى إسم الله العِندو سُلطَه عَلى الضَّرَبات دي. و هُم ما تابو عَشان يَمَجِّدوهو.