كُولُوسِّي 3:24 - كِتاب العَهد الجَّديد مِن الكِتاب المُقَدَّس

²⁴ عَلَشان إنتو تَعرِفو أنَّكُم بِتاخدو ميراث مِن الرَّب زي أُجرَه، عَشان إنتو بِتَخدِمو الرَّب المَسيح.

كُولُوسِّي 3:24 Iomraidhean Croise

مَتَّى 10:41

البِقبَل نَبي بِإسم نَبي، بِقبَل أُجرَة نَبي. و البِقبَل الزّول البار بِإسم زول بار، بِقبَل أُجرَة زول بار.

مَتَّى 5:12

أفرَحو و كونو مَبسوطين، عَشان أُجرَتكُم كَبيرَه في السَّما. عَشان النّاس كِدا طَرَدو الأنبياء الكانو قُبّالكُم.

مَتَّى 5:46

فِشان إذا إنتو بِتحِبّو البِحِبّوكُم، الأُجرَه بِتاعَتكُم شِنو؟ النّاس البِلِمّو الطُلبَه ما يَعمِلو زي دا كَمان؟

مَتَّى 6:16

و لَمّا تَصومو، ما تَوَرّو نُفوسكُم زي ناس تَعبانين، زي ما يَعمِلو المُنافِقين، عَشانُم بِغَيِّرو وَشُّم عَشان النّاس بِشوفو إنَّهُم يَصومو. بِالحَق أقول ليكُم، عِندَهُم أُجرَتُم.

مَتَّى 6:5

و لَمّا تَصَلّو، ما تَكونو زي المُنافِقين، عَلَشان هُم بِحِبّو يَصَلّو واقفين في بِيوت الرَّب و في مَحَل فاضي جَمب السِّكَك عَشان النّاس يَشوفوهُم. بِالحَق أقول ليكُم، هُم اَخَدو الأُجرَه بِتاعَتُم.

لُوقَا 14:14

و بِتكون مُبارَك، عَشان ما عِندَهُم البِرَجِّعوهو ليك، و إنتَ بِتاخُد أُجرَتَك يوم قيامَة البارين.“

لُوقَا 6:35

لَكِن حِبّو عُدوانكُم، و أعمِلو الخير ليهُم و أدّو سُلفَه، و ما تَنتَظِرو حاجَه. و أُجرَتكُم تَكون كَبيرَه، و إنتو تَكونو أولاد الله العالي. عَشان هو عِندو نِعمَه لِلما يَشكُروهو و الشَّرّيرين.

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

رُومِيَه 1:1

الجَّواب دا مِن بُولُس. أنا خَدّام يَسُوع المَسيح، و الله إختارني عَشان أبَشِّر بِإنجيلو.

رُومِيَه 14:18

عَشان البِخدِم المَسيح كِدا، هو يَبسِط الله و يَكون مَقبول بِالنّاس.

١ كُورِنْثُوس 11:23

عَشان القِبِلتَ مِن الرَّب، كَمان سَلَّمتو ليكُم. يَعني، الرَّب يَسُوع، في اللّيلَه لَمَّن خانوهو، أخَد عيش.

١ كُورِنْثُوس 3:8

و المُزارِع و البِدّيها مويَه هُم واحِد، و كُلّو واحِد بياخُد أُجرَتو بِحَسَب شُغلو.

١ كُورِنْثُوس 7:22

عَشان الناداهو الرَّب و هو عَبد، هو بِقى حُر في الرَّب. و كِدا كَمان الكان حُر لَمّا الرَّب ناداهو، هو عَبد لِلمَسيح.

غَلَاطِيَّه 1:10

هَسَّع بَطلُب أكون مَقبول قِدّام النّاس، ولّا قِدّام الله؟ ولّا بَطلُب أن أبسِط النّاس؟ إذا أنا لِسَّع أبسِط النّاس، ما بَكون خَدّام لِلمَسيح.

أفَسُس 6:6

ما تَخدِموهُم لَمّا هُم يَعاينو ليكُم بَس عَشان تَعمِلوهُم مَبسوطين مِنَّكُم. لَكِن زي خَدّامين المَسيح، أعمِلو إرادَة الله مِن القَلب.

أفَسُس 6:8

عَلَشان إنتو بِتَعرِفو كُلّو واحِد اليَعمِل حاجَه طَيبَه، هو بِقبَل زيهو مِن الرَّب، إذا هو عَبد ولّا حُر.

كُولُوسِّي 2:18

ما تَخَلّو واحِد يَحكُم عَليكُم عَشان هو مَبسوط مِن التَّواضُع و الحَمد لِلمَلائكَه. الزّول زي دا يتكَلَّم كَتير عَن الحاجات الهو شافا. و عَقلو المُش روحي يَحمِد نَفسو بِأفكار بِدون فايدَه.

عِبرانيين 10:35

و عَلَشان كِدا، ما تَرمو عَنكُم تأكيدكُم العِندو أُجرَه كَبيرَه.

عِبرانيين 11:6

و بِدون إيمان ما مُمكِن نَبسِط الله. عَشان أي زول اليَقَرِّب لِلَّه لازِم يآمِن هو مَوجود و هو بِدّي أُجرَه ليهُم اليَطلُبوهو.

عِبرانيين 9:15

و عَلَشان كِدا، المَسيح وَسيط إتِّفاق جَديد، عَشان هُم، المُختارين بِقبَلو الميراث الأبَدي المَوعود. و دا بِكون كِدا عَلَشان هو مات لِفِداء الخَطايا العَمَلوها تِحِت الإتِّفاق الأوَّل.

١ بُطْرُس 1:4

لِميراث الما تَهلِك ولّا تَخسَر ولّا تَفوت، و مَحفوظَه ليكُم في السَّما.

٢ بُطْرُس 1:1

مِن سِمْعَان بُطْرُس خَدّام يَسُوع المَسيح و رَسولو، ليهُم القِبلو إيمان غالي زي إيمانَنا بِبِر إلَهنا و مُخَلِّصنا يَسُوع المَسيح.

يَهُوذَا 1:1

مِن يَهُوذَا خَدّام يَسُوع المَسيح و أخو يَعْقُوب، لِلمُختارين و المَحبوبين في الله الأبو و المَحفوظين لِيَسُوع المَسيح.