كُولُوسِّي 3:13 - كِتاب العَهد الجَّديد مِن الكِتاب المُقَدَّس

¹³ أصبُرو بَعضَكُم بَعض، و أغفِرو بَعضَكُم بَعض إذا كان واحِد عِندو شَكوى عَلى تاني. أغفِرو زي ما الرَّب غَفَر ليكُم.

كُولُوسِّي 3:13 Iomraidhean Croise

مَتَّى 5:44

و لَكِن أنا أقول ليكُم، حِبّو عُدوانكُم و صَلّو عَشان اليَطرُدوكُم،

مَتَّى 6:12

و أغفِر لينا خَطايانا زي ما نِحنا كَمان غَفَرنا لِليَخطو لينا.

مَرْقُس 11:25

و لَمّا تَقيفو و تَصَلّو، أغفِرو إذا عِندَكُم أي شي عَلى زول، عَشان أبوكُم كَمان الفي السَّما يَغفِر ليكُم خَطاياكُم.

لُوقَا 11:4

و أغفِر لينا خَطايانا، عَشان نِحنا كَمان نَغفِر لِكُل اليَخطو لينا. و ما تَدَخِّلنا في تَجرِبَه. [لَكِن نَجّينا مِن الشَّرّير.“]

لُوقَا 23:34

و يَسُوع قال: ”يا أبوي، أغفِر ليهُم، عَشان هُم ما عارِفين شِنو العَمَلوهو.“ و وَكِت هُم قَسَمو هِدومو، رَمو عَليهو القُرعَه.

رُومِيَه 15:7

عَلَشان كِدا، أقبَلو بَعضَكُم بَعض، زي ما المَسيح قِبِلنا لِمَجد الله.

٢ كُورِنْثُوس 2:10

إذا إنتو بِتَغفِرو شي لِأي واحِد، أنا كَمان بَغفِر ليهو. و الغَفَرتَ ليهو، إذا كان أنا غَفَرتَ ليهو أي شي، عَلَشانكُم غَفَرتَ ليهو قِدّام المَسيح.

٢ كُورِنْثُوس 6:6

بِقَلب نَضيف، و مَعرِفَه، و صَبر طَويل، و رَحمَه، بِالرّوح القُدُس، بِمَحَبَّه مُخلِصَه.

غَلَاطِيَّه 6:2

شيلو الأحمال بَعضَكُم بَعض، و كِدا تَكَمِّل قانون المَسيح.

أفَسُس 4:2

كونو مِتواضِعين و لُطَفاء، و أصبُرو بَعضَكُم بَعض في المَحَبَّه.

أفَسُس 4:32

كونو شَفوقين بَعضَكُم بَعض، بِقَلِب رَحيم. و أغفِرو بَعضَكُم بَعض، زي ما الله فِشان المَسيح غَفَر ليكُم.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

كُولُوسِّي 3:12

عَلَشان كِدا، زي النّاس الإختارُم الله، القِدِّسين، المَحبوبين، لَبِّسو القَلِب الرَّحيم و اللُطف و التَّواضُع و الوَداعَه و الصَّبر الطَّويل.

يَعْقُوب 2:13

عَشان الحُكم بِدون رَحمَه هو عَلى الما يَعمِل رَحمَه. الرَّحمَه تَغلِب عَلى الحُكم.

١ بُطْرُس 2:21

الله ناداكُم لِدا، عَشان المَسيح كَمان إتوَجَّع عَشان خاطِركُم، و خَلّى ليكُم مَثَل، عَشان تَتبَعو دَربو.