كُولُوسِّي 3:11 - كِتاب العَهد الجَّديد مِن الكِتاب المُقَدَّس

¹¹ هِنا ما في إغريقي ولّا يَهودي، ولّا طَهور ولّا ما طَهور، ولّا غَريب ولّا سِكِّيثِي، ولّا عَبد ولّا حُر. لَكِن المَسيح هو الكُل و هو في الكُل.

كُولُوسِّي 3:11 Iomraidhean Croise

يُوحَنَّا 14:23

يَسُوع رَدَّ عَليهو: ”إذا واحِد بِحِبّني، هو بِحفَظ كَلامي. و أبوي بِحِبّو. و نِحنا بِنَجي ليهو و نَعمِل بيتنا مَعاهو.

يُوحَنَّا 15:5

أنا شَجَرَة العِنَب و إنتو الفُروع. البِسكُن فِيني، و أنا فيهو، هو البِجيب ثِمار كَتير. عَشان إنتو بِدوني ما تَقدَرو تَعمِلو حاجَه.

يُوحَنَّا 17:23

أنا فيهُم و إنتَ فِيني، عَشان يَكونو مَكَمَّلين لِواحِد. بِدا، خَلّي ناس الدُّنيا يَعرِفو إنتَ رَسَّلتَني، و حَبّيتُم زي ما حَبّيتني.

أعمال الرُّسُل 15:17

عَلَشان باقي النّاس التّانيين و كُل الأُمَم الاَخَدو إسمي عَليهُم، يَطلُبو الرَّب العامِل الحاجات دي، يَقول الرَّب.

أعمال الرُّسُل 28:2

و ناس الجَّزيرَه عَمَلو لينا مَعروف فوق العادَه، عَشان هُم وَلَّعو نار و قِبلو كُلُّنا، عَشان الدُّنيا كانَت مَطَرَه و كان في بَرد.

أعمال الرُّسُل 28:4

و لَمّا ناس الجَّزيرَه شافو الدَّبيب مَسَك بِإيدو، قالو بَعضَهُم لِبَعض: ”ما في شَك الزّول دا كاتِل النّاس، و لَو هو مُخَلَّص مِن البَحَر، العَدِل ما خَلّاهو يَعيش.“

رُومِيَه 1:14

أنا عِندي دين لِناس إغريقيين و الما إغريقيين، لِلفاهمين و الغُشام.

رُومِيَه 10:12

عَشان ما في فارِق بين اليَهودي و الإغريقي، عَشان في رَب واحِد لِلكُل، و هو غَني لِكُل البِنادو ليهو.

رُومِيَه 3:22

و بِر الله دا بِالإيمان بِيَسُوع المَسيح، لِكُل البِآمِنو. عَشان ما في فارِق،

رُومِيَه 3:29

الله لِليَهود بَس؟ هو ما لِلأُمَم كَمان؟ أيوَه، لِلأُمَم كَمان.

١ كُورِنْثُوس 12:13

عَشان كُلُّنا بِروح واحِد إتعَمَّدنا لِجِسِم واحِد، إذا كُنّا يَهود ولّا ناس إغريقيين، خَدّامين ولّا العِندَهُم حُرّيَّه. و هو أدّانا كُلُّنا روح واحِد عَشان نَشرِبو.

١ كُورِنْثُوس 14:11

كِدا، إذا كان ما بَعرِف مَعنى اللُّغَه، أنا بَكون لِلزّول البِتكَلَّم بيها غَريب، و البِتكَلَّم بيها بِكون لَي غَريب.

١ كُورِنْثُوس 7:19

الطَّهور ما شي و البِدون الطَّهور ما شي، لَكِن حِفظ أمر الله، دا مُهِم.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

أفَسُس 1:23

و الكَنيسَه جِسمو الإتمَلا بيهو، و هو اليَملى كُلّو شي في كُلّو مَكان.

أفَسُس 2:14

عَشان هو سَلَامنا، و هو عَمَل اليَهود و الأُمَم واحِد. و كَسَّر الحيطَه الفي وَسِط. الكانَت تَقَسِّم بينَنا.

أفَسُس 2:15

و في جِسمو بَطَّل العَداوَه، الكان في القانون مَعَ أوامِرو و تَرتيباتو. و هو عَمَل دا عَلَشان يَخلُق في نَفسو، مِن الإتنين واحِد إنسان جَديد، و كِدا بيَعمِل سَلام.

أفَسُس 3:17

عَشان المَسيح يَسكُن في قُلوبكُم بِالإيمان، عَلَشان عُروقكُم و أساسكُم بِكونو في المَحَبَّه،

أفَسُس 3:6

و دا هو السِّر، إنّو الأُمَم يَشتَرِكو سَوا في الميراث، و هُم أعضاء سَوا في جِسِم واحِد. و يَشتَرِكو سَوا في الوَعَد في المَسيح يَسُوع بِالإنجيل.

أفَسُس 6:8

عَلَشان إنتو بِتَعرِفو كُلّو واحِد اليَعمِل حاجَه طَيبَه، هو بِقبَل زيهو مِن الرَّب، إذا هو عَبد ولّا حُر.

كُولُوسِّي 2:10

و إنتو بِقيتو مَليانين فيهو. و هو راس كُلّو رياسَه و سُلطَه.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

٢ يُوحَنَّا 1:9

و الما بِستَمِر في تَعليم المَسيح و يَجري قِدّامو، ما عِندو الله. و البِستَمِر في تَعليم المَسيح، هو عِندو الأبو و الإبن، هُم الإتنين.