كُولُوسِّي 3:10 - كِتاب العَهد الجَّديد مِن الكِتاب المُقَدَّس

¹⁰ و لِبِستو الإنسان الجَّديد، المِتجَدِّد في المَعرِفَه عَلى صورَة الله الخَلَقو.

كُولُوسِّي 3:10 Iomraidhean Croise

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

رُومِيَه 13:12

اللّيل قَرَّب يَفوت، و النَّهار قَرَّب يَجي. عَشان كِدا، خَلّونا نَسيب أعمال الضُّلُمَّه، و نَلبَس سِلاح النّور.

رُومِيَه 13:14

لَكِن ألبَسو الرَّب يَسُوع المَسيح، و ما تَفَكِّرو في الجِّسِم عَشان تَكَمِّل شَهوَتو.

رُومِيَه 6:4

و كُنّا مَدفونين مَعاهو بِالمَعموديَّه لِلموت، عَلَشان زي ما المَسيح قام مِن بين المَيِّتين بِمَجد الأبو، نِحنا كَمان نَعيش حَياة جَديدَه.

رُومِيَه 8:29

عَشان ديل الإختارُم الله مِن قُبّال، هو عَيَّنُم كَمان عَشان يَبقو زي إبنو، عَلَشان إبنو يَكون الأوَّل بين أخوان كَتيرين.

٢ كُورِنْثُوس 3:18

و نِحنا كُلُّنا بِوَش بِدون غَطا، بِنشوف مَجد الرَّب، زي في المِرايا. و نِتغَيَر لِصورَتو مِن مَجد لِمَجد. و المَجد دا هو عَمَل مِن الرَّب الرّوح.

٢ كُورِنْثُوس 4:16

عَلَشان كِدا ما نَقول ما في فايدَه. لَكِن إذا كان جِسِمنا يَبقى ضَعيف، نَفسَنا الفي جُوَّه بَتَبقى جَديدَه يوم بِيوم.

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

٢ كُورِنْثُوس 5:17

عَلَشان كِدا، إذا واحِد في المَسيح، هو خَليقَه جَديدَه. و الحاجات القَديمَه فاتَت. و شوف! الكُل بِقى جَديد.

غَلَاطِيَّه 3:27

عَشان كُلُّكُم الإتعَمَّدتو لِلمَسيح، لِبِستو المَسيح.

غَلَاطِيَّه 6:15

عَشان في المَسيح يَسُوع الطَّهور ما ليهو فايدَه، ولّا الما مُطَهَّر، لَكِن الخَليقَه الجَديدَه.

أفَسُس 2:10

عَلَشان نِحنا شُغل الله، و هو خَلَقنا في المَسيح يَسُوع عَشان نَعمِل أعمال كوَيسَه، الجَّهَّزا الله مِن قُبّال عَشان نَعمِلا.

أفَسُس 2:15

و في جِسمو بَطَّل العَداوَه، الكان في القانون مَعَ أوامِرو و تَرتيباتو. و هو عَمَل دا عَلَشان يَخلُق في نَفسو، مِن الإتنين واحِد إنسان جَديد، و كِدا بيَعمِل سَلام.

كُولُوسِّي 3:12

عَلَشان كِدا، زي النّاس الإختارُم الله، القِدِّسين، المَحبوبين، لَبِّسو القَلِب الرَّحيم و اللُطف و التَّواضُع و الوَداعَه و الصَّبر الطَّويل.

كُولُوسِّي 3:14

و فوق دا كُلّو، لَبِّسو المَحَبَّه، الهي رُباط الكَمال.

فِلِيمُون 1:6

بَصَلّي أن شَرِكَة إيمانَك بِتساعِدكُم عَشان تَعرِفو كُل الخير الفينا بِالمَسيح.

عِبرانيين 6:6

و بَعَد دا وَقَعو! ما مُمكِن نَجيبُم مَرَّه تانيَه لِلتّوبَه، عَشانُم نُفوسُم يَصلُبو إبن الله تاني مَرَّه، و يَعمِلوهو خَجلان قِدّام النّاس.

١ يُوحَنَّا 2:3

و بِدا بِنَعرِف بِالحَق نِحنا بِنَعرِفو، إذا نَحفَظ أوامِرو.

١ يُوحَنَّا 2:5

لَكِن البِحفَظ كلمَتو، بِالحَق مَحَبَّة الله كَمَلَت فيهو. بِدا بِنَعرِف نِحنا فيهو.

رؤيا 21:5

و القاعِد عَلى الكُرسي قال: ”شوف! أنا بَسَوّي كُلّو شي جَديد.“ و قال لَي كَمان: ”أكتِب، عَشان الكِلمات دي صادِقَه و أمينَه.“