كُولُوسِّي 2:8 - كِتاب العَهد الجَّديد مِن الكِتاب المُقَدَّس

⁸ خَلّو بالكُم عَلَشان أي واحِد ما يَغِشّكُم بِتَعليم حِكمَة الإنسان و الغِش الفاضي حَسَب تَرتيب النّاس، حَسَب التَّعليم الأساسي بِتاع الدُّنيا، و مُش حَسَب المَسيح.

كُولُوسِّي 2:8 Iomraidhean Croise

مَتَّى 10:17

لَكِن خَلّو بالكُم مِن النّاس، عَشانُم بِسَلِّموكُم لِلمَجالِس، و بِجلِدوكُم في بِيوت الرَّب بِتوعُم،

مَتَّى 16:6

و يَسُوع قال ليهُم: ”خَلّو بالكُم و أحرِسو مِن خَميرَة الفَرِّيسِيِّين.“

مَتَّى 7:15

خَلّو بالكُم مِن الأنبياء الكَضّابين، البِجوكُم بِهِدوم الخِرفان، و لَكِنَّهُم مِن جُوَّه مَرافعين جَعانين جِدّاً.

أعمال الرُّسُل 17:18

و بَعض مِن النّاس مِن المِتعَلِّمين قابَلوهو، الأَبِيكُورِيِّين و الرِّوَاقِيِّين. و بَعض مِنَّهُم قالو: ”الغَلَباوي دا عاوِز يَقول شِنو؟“ و تانيين قالو: ”يَظهَر إنّو يَنادي بِآلِهَه غَريبَه.“ و قالو كِدا عَلَشانو كان بِبَشِّر بِيَسُوع و القيامَه.

أعمال الرُّسُل 17:32

و لَمّا سِمِعو عَن القيامَه مِن بين المَيِّتين، بَعض مِنَّهُم ضِحِكو عَليهو. و تانيين قالو: ”بِنَسمَع مِنَّك عَن دا مَرَّه تانيَه.“

رُومِيَه 16:17

أطلُب ليكُم، يا أخوان، تَخُتّو بالكُم لِليَعمِلو إنقِسامات و البِخُتّو في سِكَّتكُم مُخالِف التَّعليم الإتعَلَّمتوهو. خَلّوهُم.

١ كُورِنْثُوس 10:12

عَلَشان كِدا، اليَفتَكِر هو يَقوم، لازِم يَخَلّي بالو عَشان ما يَقَع.

١ كُورِنْثُوس 8:9

لَكِن شوفو عَشان سُلطَتكُم دي ما تَكون سَبَب خَطيَّه لِلضَّعيفين.

٢ كُورِنْثُوس 10:5

نَخَرِّب صُوَر الأفكار و كُلّو حاجَه عاليَه البِتكون مَرفوع ضِد الله. و نَقبُض عَلى كُلّو فِكر عَشان نَسَويهو يَطيع المَسيح.

غَلَاطِيَّه 1:14

و كُنتَ بَتقَدَّم في دين اليَهودي فوق كَتيرين مِن أصحابي في أُمَّتي، و كُنتَ أشَد مِنَّهُم في الغيرَه في عادات أبَهاتي.

غَلَاطِيَّه 4:3

و كِدا نِحنا كَمان، لَمّا كُنّا أولاد صُغار، عَمَلونا عَبيد لِقَوانين الدُّنيا.

غَلَاطِيَّه 4:9

لَكِن هَسَّع إنتو تَعرِفو الله، ولّا بِالأكتَر، الله يَعرِفكُم. كيف تَرجَعو لِلقَوانين الضَّعيفَه و المِسكينَه؟ بِتدورو تَكونو عَبيد ليها مَرَّه تانيَه؟

غَلَاطِيَّه 5:15

و إذا تَعُضّو و تَبلَعو بَعضَكُم بَعض، شوفو عَشان ما تَخَرِّبو بَعضَكُم بَعض.

أفَسُس 2:2

و إنتو مَشيتو فيها مِن قُبّال، حَسَب طُرُق الدُّنيا دي، حَسَب رَئيس سُلطَة الهَوا، الرّوح البِشتَغِل هَسَّع في النّاس الما بِطيعُو.

أفَسُس 4:20

لَكِن إنتو ما إتعَلَّمتو كِدا عَن المَسيح،

أفَسُس 5:6

ما تَخَلّو أي زول يَغِشّكُم بِكِلمات بِدون فايدَه، عَلَشان بِسَبَب الحاجات دي، زَعل الله يَجي عَلى النّاس الما بِطيعُو.

فيلِبّي 3:2

خَلّو بالكُم مِن الكِلاب. خَلّو بالكُم مِن اليَعمِلو الشَّر. خَلّو بالكُم مِن اليَقطَعو الجِسم.

كُولُوسِّي 2:18

ما تَخَلّو واحِد يَحكُم عَليكُم عَشان هو مَبسوط مِن التَّواضُع و الحَمد لِلمَلائكَه. الزّول زي دا يتكَلَّم كَتير عَن الحاجات الهو شافا. و عَقلو المُش روحي يَحمِد نَفسو بِأفكار بِدون فايدَه.

كُولُوسِّي 2:20

إذا كُنتو مُتّو مَعَ المَسيح عَن التَّعليم الأساسي بِتاع الدُّنيا، لِشِنو تَطيعو قَوانينو زي البِعيشو في الدُّنيا؟

كُولُوسِّي 2:22

و كُل الحاجات ديل بِخسَرو لَمّا يَشتَغِلو بيهُم حَسَب أوامِر و تَعاليم النّاس.

كُولُوسِّي 2:23

و الحاجات ديل عِندَهُم مَنظَر الحِكمَه في العِبادَه بِقوَّة النَّفس و التَّواضُع و شِدَّه لِلجِّسِم، لَكِن ما في فايدَه مِنَّهُم أبَداً عَشان يَمنَعو شَهوات الجِّسِم.

١ تِيمُوثَاوُس 6:20

يا تِيمُوثَاوُس، أحفَظ الحاجَه السَّلَّموها ليك. كون بَعيد مِن الكَلام الفاضي و الوَسخان و مِن البِعاكِس، البِسَمّوها ”المَعرِفَه“ بِالكِضِب.

٢ تِيمُوثَاوُس 3:13

لَكِن النّاس البَطّالين و البِغِشّو بِزيدو في الشَّر، و هُم بِغِشّو و بِكونو مَغشوشين.

عِبرانيين 13:9

ما تَخَلّو تَعاليم مُختَلِفَه و غَريبَه تَسوقكُم مِن الحَق. عَشان دا كوَيس إذا القَلِب يَكون ثابِت بِالنِّعمَه، مُش بِأكِل مَخصوص. و النّاس الأكَلوهو ما لِقو مِنّو فايدَه.

عِبرانيين 3:12

شوفو، يا أخوان، عَشان ما بِكون في أي واحِد مِنَّكُم قَلِب بَطّال و بِدون إيمان، البِرَجِّع عَن الله الحَي.

١ بُطْرُس 1:18

عَشان تَعرِفو أن الله فَداكُم مِن طَرِيقَة حَياتكُم الما ليها فايدَه الأخَدتوها مِن أبَهاتكُم. و دا ما كان بِحاجات تَخسَر مِثِل الفِضَّه و الدَّهَب،

٢ بُطْرُس 3:17

و عَلَشان كِدا، إنتو، يا مَحبوبين، عارِفين دا مِن قُبّال، أحرِسو عَشان غَلَط النّاس الما يَحفَظو القانون ما يَقودكُم و إنتو تَقَعو مِن مَحَلّكُم الثّابِت.

٢ يُوحَنَّا 1:8

شوفو نُفوسكُم عَشان ما تَوَدِّرو الإشتَغَلنا ليهو، لَكِن تَقبَلو أُجرَه تَمام.