كُولُوسِّي 2:18 - كِتاب العَهد الجَّديد مِن الكِتاب المُقَدَّس

¹⁸ ما تَخَلّو واحِد يَحكُم عَليكُم عَشان هو مَبسوط مِن التَّواضُع و الحَمد لِلمَلائكَه. الزّول زي دا يتكَلَّم كَتير عَن الحاجات الهو شافا. و عَقلو المُش روحي يَحمِد نَفسو بِأفكار بِدون فايدَه.

كُولُوسِّي 2:18 Iomraidhean Croise

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

رُومِيَه 1:25

عَشانُم غَيَّرو حَق الله بِالكِضِب، و عَبَدو و خَدَمو المَخلوق بِدال الخالِق، الهو مُبارَك لِلأبَد.

رُومِيَه 16:18

عَشان ناس زي ديل ما بِخدِمو رَبَّنا المَسيح لَكِن بُطونُم. و بِالكِلمات الحِلوَه و كَلام الحَمد يَغِشّو قُلوب المُخلِصين.

١ كُورِنْثُوس 13:4

المَحَبَّه عِندَها صَبر طَويل، و تَشفُق. المَحَبَّه ما عِندَها حَسَد. المَحَبَّه ما تَحمَد نَفسا و ما مِتكَبِّره.

١ كُورِنْثُوس 3:3

عَشانكُم لِسَّع ناس جِسميين، عَشان إذا كان فيكُم حَسَد و شَكلَه، إنتو ما ناس جِسميين و ماشين حَسَب ناس الدُّنيا؟

١ كُورِنْثُوس 4:18

بَعض مِنَّكُم بِقيتو مِتكَبِّرين و تَفتَكِرو أنا ما بَجيكُم.

١ كُورِنْثُوس 4:6

عَشان خاطِركُم يا أخوان، خَتّيت دا كُلّو عَلى نَفسي و عَلى أَبُلُّوس، زي مَثَل عَشان تِتعَلَّمو مِنَّنا أن ما تَفَكِّرو في النّاس فوق ما الكِتاب يَقول. و كِدا إنتو ما بِتكونو مِتكَبِّرين الواحِد فوق التّاني.

١ كُورِنْثُوس 8:1

هَسَّع عَن الأكل اليَضبَحوهو لِلأصنام. بِنَعرِف كُلُّنا عِندَنا مَعرِفَه. المَعرِفَه تَعمِل الزّول مِتكَبِّر، لَكِن المَحَبَّه تَبني.

١ كُورِنْثُوس 9:24

ما بِتَعرِفو؟ اليَجرو في السَّبَق كُلَّهُم يَجرو، لَكِن واحِد ياخُد الأُجرَه؟ و كِدا، أجرو عَشان تَحَصِّلو عَليها.

٢ كُورِنْثُوس 11:3

لَكِن أنا بَخاف زي ما الدَّبيب غَشّا حَوا بِغِشّو، كَمان إنتو تَضِلّو في أفكاركُم عَن الإخلاص و القَلِب النَّضيف الفي المَسيح.

٢ كُورِنْثُوس 12:20

أنا بَخاف لَمّا بَجي ليكُم ما بَلقاكُم زي ما أنا عاوِز، و إنتو ما تَلقوني زي ما إنتو عاوزين. أنا بَخاف إنّو بِتكون بينكُم شَكلات و حَسَد و زَعل و إنقِسامات و شَتايِم و وَسوَسَه و كِبِر و دَوشَه.

أفَسُس 4:17

و بَقول دا و أشهَد في الرَّب، ما تَعيشو بَعَد دا زي الأُمَم كَمان بِأفكار بِدون فايدَه.

أفَسُس 5:6

ما تَخَلّو أي زول يَغِشّكُم بِكِلمات بِدون فايدَه، عَلَشان بِسَبَب الحاجات دي، زَعل الله يَجي عَلى النّاس الما بِطيعُو.

فيلِبّي 3:14

و اجري طَوّالي لِلقَصِد عَشان أقبَل الأُجرَه الهو بِالمَسيح يَسُوع ناداني ليها نَحو فوق.

كُولُوسِّي 2:23

و الحاجات ديل عِندَهُم مَنظَر الحِكمَه في العِبادَه بِقوَّة النَّفس و التَّواضُع و شِدَّه لِلجِّسِم، لَكِن ما في فايدَه مِنَّهُم أبَداً عَشان يَمنَعو شَهوات الجِّسِم.

كُولُوسِّي 2:4

بَقول دا ليكُم عَشان واحِد ما بِغِشّكُم بِكَلام شاطِر.

كُولُوسِّي 2:8

خَلّو بالكُم عَلَشان أي واحِد ما يَغِشّكُم بِتَعليم حِكمَة الإنسان و الغِش الفاضي حَسَب تَرتيب النّاس، حَسَب التَّعليم الأساسي بِتاع الدُّنيا، و مُش حَسَب المَسيح.

١ تِيمُوثَاوُس 1:7

و هُم عاوزين يَكونو مُعَلِّمين القانون، و ما يَفهَمو الحاجَه البِقولو ولّا اليَشهَدو ليهو.

١ تِيمُوثَاوُس 4:1

و الرّوح يَقول بِكِلمات بَايِنَه، بَعض مِن النّاس بِخَلّو الإيمان في الزَّمَن الأخير، و يَمشو وَرا أرواح بِغِشّو و تَعاليم شياطين.

٢ بُطْرُس 2:14

و هُم بِعاينو لِلزّانيين، و ما بِكونو تَعبانين مِن الخَطيَّه أبَداً، و يَغِشّو النّاس الما ثابِتين. و هُم بِقو شاطرين في الطَّمَع، أولاد اللَّعنَه!

١ يُوحَنَّا 2:26

أكتِب دا ليكُم عَن البِغِشّوكُم.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رؤيا 13:14

و يَغِش سُكّان الأرض بِالعَلامات الأدّو ليهو أن يَعمِل قِدّام الوَحَش. و يأمُر سُكّان الأرض أن يَصنَعو صَنَم لِلوَحَش الكان عِندو جَرَح السّيف و حِيى.

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“

رؤيا 3:11

أنا جاي قَوام، أمسِك بِالحاجَه العِندَك، عَشان واحِد ما بِشيل تاجَك.