كُولُوسِّي 2:12 - كِتاب العَهد الجَّديد مِن الكِتاب المُقَدَّس

¹² دَفَنوكُم مَعاهو في المَعموديَّه، و قَوَّموكُم مَعاهو كَمان بِالإيمان بِعَمَل الله القَوَّمو مِن بين المَيِّتين.

كُولُوسِّي 2:12 Iomraidhean Croise

لُوقَا 17:5

و الرُّسُل قالو لِلرَّب: ”زيد أيمانّا.“

أعمال الرُّسُل 14:27

و لَمَّن وِصلو، جَمَعو الكَنيسَه، و خَبَّرو بِكُلّو حاجَه الله عَمَل مَعاهُم، و كيف فَتَح لِلأُمَم باب الإيمان.

أعمال الرُّسُل 2:24

لَكِن الله قَوَّمو مِن بين المَيِّتين و فَكَّ ليهو أوجاع الموت، عَلَشان ما كان مُمكِن لِلموت أن يَمسِكو.

أعمال الرُّسُل 2:32

و الله قَوَّم يَسُوع دا، و نِحنا كُلُّنا شاهِدين بِالحَقيقَه دي.

رُومِيَه 4:24

لَكِن فِشان نِحنا كَمان. عَشان الله يَسَوّينا بارين، نِحنا البِنآمِن بيهو القَوَّم رَبَّنا يَسُوع مِن بين المَيِّتين.

رُومِيَه 7:4

كِدا يا أخوان، إنتو كَمان مُتّو لِلقانون بِجِسِم المَسيح عَلَشان تَبقو لِتاني، ليهو القام مِن بين المَيِّتين، فِشان نَجيب ثِمار لِلَّه.

١ كُورِنْثُوس 12:13

عَشان كُلُّنا بِروح واحِد إتعَمَّدنا لِجِسِم واحِد، إذا كُنّا يَهود ولّا ناس إغريقيين، خَدّامين ولّا العِندَهُم حُرّيَّه. و هو أدّانا كُلُّنا روح واحِد عَشان نَشرِبو.

١ كُورِنْثُوس 15:20

و لَكِن المَسيح بِالحَق قام مِن بين المَيِّتين، و بِقى الأوَّل القام مِن بين الراقِدين.

غَلَاطِيَّه 3:27

عَشان كُلُّكُم الإتعَمَّدتو لِلمَسيح، لِبِستو المَسيح.

أفَسُس 2:8

عَلَشان بِالنِّعمَه إنتو مُخَلَّصين بِالإيمان. و داك مُش مِنَّكُم. هو هَديَّة الله،

أفَسُس 3:17

عَشان المَسيح يَسكُن في قُلوبكُم بِالإيمان، عَلَشان عُروقكُم و أساسكُم بِكونو في المَحَبَّه،

أفَسُس 3:7

أنا بِقيت خَدّام لِلإنجيل دا بِهَديَّة النِّعمَه الأدّاها لَي الله حَسَب عَمَل قُوَّتو.

أفَسُس 4:5

في رَب واحِد، و إيمان واحِد، و مَعموديَّه واحدَه،

أفَسُس 5:14

عَلَشان كِدا هو بِقول: ”أفتَح عُيونَك، إنتَ البِتنوم، و قوم مِن بين المَيِّتين، و المَسيح بِدّيك نور.“

فيلِبّي 1:29

عَشان كِدا، الله، فِشان المَسيح، أدّا ليكُم مُش أن تَآمِنو فيهو بَس، لَكِن أن تِتوَجَّعو عَشان خاطِرو كَمان،

كُولُوسِّي 1:29

و أنا أتعَب لِدا كَمان، و بَشتَغِل شَديد حَسَب قُدرَتو التَّشتَغِل فِيني بِقُوَّه.

كُولُوسِّي 2:13

لَمّا كُنتو مَيِّتين في الخَطايا و جِسِمكُم ما كان مُطَهَّر، الله عَمَلكُم حَيين مَعاهو. هو غَفَر لينا كُلّو خَطايانا.

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

عِبرانيين 6:2

و التَعليم عَن المَعموديات، و خَتَّ الإيدين، و قيامَة المَيِّتين، و الدّينونَه الأبَديَه.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.