كُولُوسِّي 2:1 - كِتاب العَهد الجَّديد مِن الكِتاب المُقَدَّس

¹ أنا عاوِزكُم تَعرِفو كيف أنا بَشتَغِل شَديد خَلاص عَلَشانكُم، و عَلَشان ديل الفي لاوُدِكِيَّة، و كُل الما شافو وَشّي في الجِّسِم.

كُولُوسِّي 2:1 Iomraidhean Croise

لُوقَا 22:44

و هو كان في ضيق، و كان بِصَلّي شَديد. و المويَه مِن جِسمو نَقَّط زي الدَّم عَلى الأرض.

أعمال الرُّسُل 20:25

و هَسَّع شوفو، أنا بَعرِف إنتو ما بِتشوفو وَشّي تاني مَرَّه، إنتو، يا كُل الأنا مَشيت بِينُم بَبَشِّر بِالمَلَكوت.

أعمال الرُّسُل 20:38

و بِقو حَزنانين زِيادَه عَلى الكِلمَه القالا ليهُم: ”إنتو ما بِتشوفو وَشّي مَرَّه تانيَه.“ و بَعَد دا، مَشو مَعاهو لِلمُركَب.

غَلَاطِيَّه 4:19

يا أولادي، زي الأُم لَمّا تَلِد، أنا أتعَب نَفس الوَجَع حَتّى المَسيح يِتصَوَر فيكُم.

فيلِبّي 1:30

و ليكُم نَفس التَّعب الإنتو شُفتوني فيهو، و هَسَّع تَسمَعو إنّي فيهو.

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

كُولُوسِّي 1:29

و أنا أتعَب لِدا كَمان، و بَشتَغِل شَديد حَسَب قُدرَتو التَّشتَغِل فِيني بِقُوَّه.

كُولُوسِّي 2:5

و لَو أنا مُش مَعاكُم في الجِّسِم، أنا مَعاكُم بِالرّوح، و مَبسوط عَشان أشوف تَرتيبكُم و كيف إيمانكُم ثابِت في المَسيح.

١ تَسَالُونِيكِي 2:2

و تِعِبنا قَبل كِدا، و شَتَمونا في فيلِبّي، زي ما إنتو عارفين. لَكِن شَجَّعنا في إلَهنا أن نَكَلِّمكُم بِإنجيل الله، و لَو هُم قاوَمونا شَديد.

عِبرانيين 5:7

و في أيام حَياتو عَلى الأرض، يَسُوع قَدَّم صَلَوات و طَلَبات بِكوراك شَديد و دِموع لِلَّه، القِدِر يَخَلِّصو مِن الموت. و الله سِمِع ليهو، عَلَشان هو كان بِخاف الله.

١ بُطْرُس 1:8

بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

رؤيا 1:11

و الصّوت قال: ”أكتِب الحاجَه التَّشوفا في كِتاب، و رَسِّلو لِلسَّبعَه كَنايس، لِأفَسُس و لِسِمِيرْنَا و لِبَرْغَامُس و لِثَيَاتِيرَا و لِسَارْدِس و لِفِيلَادَلْفِيَا و لِلاوُدِكِيَّه.“