كُولُوسِّي 1:5 - كِتاب العَهد الجَّديد مِن الكِتاب المُقَدَّس

⁵ فِشان الرَّجاء المَحفوظ ليكُم في السَّما، الإنتو سِمِعتو بيهو قُبّال دا في كِلمَة حَق الإنجيل،

كُولُوسِّي 1:5 Iomraidhean Croise

لُوقَا 12:33

بيعو الحاجات العِندَكُم، و أدّو لِلمَساكين. و أعمِلو ليكُم أكياس الما بِتشَرَّطو، و كَنز في السَّما الما بِتَخلَص، و الحَرامي ما يَقدَر يَقَرِّبو ليهو، و السوس ما ياكلو.

أعمال الرُّسُل 10:36

و دي الكِلمَه الله رَسَّلا لِناس إِسْرَائِيل، و بَشَّر بِالسَّلام بِيَسُوع المَسيح. و هو رَب الكُل.

أعمال الرُّسُل 13:26

يا أخوان، أولاد إِبْرَاهِيم و البِخافو الله بينكُم، الله رَسَّل لينا نِحنا كِلمات الخَلاص دا.

أعمال الرُّسُل 23:6

و عَلَشان بُولُس عِرِف جُزو مِنَّهُم صَدّوقيين و الجُّزو التّاني فَرّيسيِّين، كورَك في المَجِلس: ”يا رُجال و أخوان، أنا فرِّيسي، إبن فرِّيسي. و بِسَبَب رَجاء قيامَة المَيِّتين يَحكُمو عَلي.“

أعمال الرُّسُل 24:15

و عِندي رَجاء بِالله، زي ما هُم كَمان عِندَهُم رَجاء. و بَنتَظِر إنّو بِتكون في قيامَه مِن بين المَيِّتين لِلبارين و الخاطيين.

رُومِيَه 10:8

لَكِن يَقول شِنو؟ ”الكِلمَه قَريبَه مِنَّك، في خَشمَك و في قَلبَك.“ يَعني كِلمَة الإيمان النَّبَشِّر بيها.

١ كُورِنْثُوس 13:13

و هَسَّع يِستَمِرّو الإيمان و الرَّجاء و المَحَبَّه، التّلاتَه ديل. و لَكِن الأكبَر فيهُم المَحَبَّه.

١ كُورِنْثُوس 15:19

إذا كان عِندَنا رَجاء في المَسيح في الحَياة دي بَس، نِحنا مَساكين مِن كُل النّاس.

٢ كُورِنْثُوس 5:19

يَعني الله كان يَصالِح الدُّنيا لِنَفسو في المَسيح. و ما يَحسِب ليهُم خَطاياهم. و خَتَّ فينا كِلمَة المُصالَحَه.

٢ كُورِنْثُوس 6:7

بِكَلام الحَق، بِقوَّة الله، بِأسلِحَة البِر عَن اليَمين و عَن الشِّمال.

غَلَاطِيَّه 2:14

و لَمّا شُفتُم ما ماشين دُغري بِحَسَب حَق الإنجيل، قُلتَ لِبُطْرُس قِدّام كُلَّهُم: ”إنتَ يَهودي و تَعيش زي الأُمَم، و ما زي اليَهود. لِشِنو تَجبُر الأُمَم يَعِيشو زي اليَهود؟“

غَلَاطِيَّه 2:5

و ما سِمِعنا ليهُم و لا ساعَه، عَشان نَحفَظ ليكُم حَق الإنجيل.

غَلَاطِيَّه 5:5

عَشان نِحنا بِالرّوح، بِالإيمان، نِستَنّا رَجاء البِر.

أفَسُس 1:13

و إنتو كَمان إتَّكَلتو عَلى المَسيح لَمّا سِمِعتو كِلمَة الحَق، إنجيل خَلاصكُم. و لَمّا آمَنتو بيهو، الله خَتَّ عَليكُم خِتِم، الرّوح القُدُس، الوَعَد بيهو.

أفَسُس 4:21

إذا بِالحَق سِمِعتوها و إتعَلَّمتو مِنّو حَسَب الحَق الفي يَسُوع.

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

١ تَسَالُونِيكِي 2:13

و نِحنا كَمان نَشكُر الله دايماً لِلسَّبَب دا. لَمّا أخَدتو كِلمَة الله السِّمِعتو مِنَّنا، قِبِلتوها مُش زي كِلمَة النّاس، لَكِن زي ما هي بِالحَقيقَه، كِلمَة الله. و الكِلمَه دي تَشتَغِل فيكُم، إنتو المؤمِنين كَمان.

٢ تَسَالُونِيكِي 2:16

و رَبَّنا يَسُوع المَسيح نَفسو، و الله أبونا، الحَبّانا و أدّانا بِنِعمَتو شَجاعَه أبَديَّه و رَجاء كوَيس،

١ تِيمُوثَاوُس 1:15

و الكِلمَه دي أمينَه و مُستَحِقَّه لِكُلّو قُبول، إنّو المَسيح يَسُوع جا لِلدُّنيا عَشان يَخَلِّص الخاطيين. و أنا أوَّل واحِد فيهُم.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

تِيطُس 1:2

و في رَجاء الحَياة الأبَديَّه، الوَعَد بيها الله قُبّال زَمَن أبَدي. و الله ما بِقدَر يَكَضِّب.

عِبرانيين 7:19

عَشان القانون ما عَمَل أي شي كامِل. لَكِن رَجاء أحسَن جا، و بيهو نَقَرِّب لِلَّه.

١ بُطْرُس 2:2

زي أطفال إتوَلَدو هَسَّع، دورو اللَّبَن الرّوحي الما فيهو غِش، عَشان تَكبَرو بيهو لِلخَلاص،

١ بُطْرُس 3:15

لَكِن قَدِّسو الرَّب المَسيح في قُلوبكُم. و كونو جاهِزين دايماً عَشان تَرُدّو عَلى كُلّو واحِد البِسألكُم عَن سَبَب الرَّجاء الفيكُم. و لَكِن أعمِلوهو بِوَداعَه و إحتِرام.

٢ بُطْرُس 1:12

عَلَشان كِدا أنا بَكون جاهِز دايماً عَشان أذَكِّركُم بِالحاجات دي، مَعَ أنَّكُم بِتَعرِفوها و إنتو ثابِتين في الحَق العِندَكُم.

١ يُوحَنَّا 3:3

و كُلّو واحِد العِندو الرَّجاء دا فيهو، يَنَضِّف نَفسو زي ما هو نَضيف.