كُولُوسِّي 1:29 - كِتاب العَهد الجَّديد مِن الكِتاب المُقَدَّس

²⁹ و أنا أتعَب لِدا كَمان، و بَشتَغِل شَديد حَسَب قُدرَتو التَّشتَغِل فِيني بِقُوَّه.

كُولُوسِّي 1:29 Iomraidhean Croise

لُوقَا 13:24

و قال ليهُم: ”إشتَغِلو شَديد، عَشان تَدخُلو مِن الباب الضَّيِّق. عَشان أقول ليكُم، ناس كُتار دايرين يدخُلو، و لَكِن ما يَقدَرو.

رُومِيَه 15:20

لَكِن تَرتيبي دايماً كان دا: عَشان أبَشِّر بِالإنجيل في المَحَل الفيهو إسِم المَسيح ما كان مَعروف. عَلَشان ما أبني عَلى أساس واحِد تاني.

رُومِيَه 15:30

أطلُب ليكُم، يا أخوان، بِرَبَّنا يَسُوع المَسيح و بِمَحَبَّة الرّوح، أن تَتعَبو مَعاي في الصَّلَوات لِلَّه فِشانّي.

١ كُورِنْثُوس 12:11

لَكِن الرّوح الواحِد نَفسو يَعمِل كُلّو دا، و يَدّي كُلّو واحِد بَراهو زي ما هو داير.

١ كُورِنْثُوس 12:6

و في أنواع أعمال، لَكِن الله واحِد البيَعمِل كُلّو شي في كُل النّاس.

١ كُورِنْثُوس 15:10

لَكِن بِنِعمَة الله أنا زي ما أنا، و نِعمَتو الأدّاها لَي ما كانَت بِدون فايدَه. لَكِن أنا تِعِبتَ أكتَر مِنَّهُم كُلُّهُم. و لَكِن مُش أنا، لَكِن نِعمَة الله المَعاي.

٢ كُورِنْثُوس 11:23

هُم خَدّامين المَسيح؟ أنا أحسَن. بَتكَلَّم زي المَجنون. أنا تِعِبتَ زِيادَه كَتير، جَلَدوني أكتَر، كُنتَ في السِّجِن مَرّات أكتَر، و في خَطَر الموت مَرّات كَتيرَه.

٢ كُورِنْثُوس 13:3

عَشان إنتو تَطلُبو بيّنَه إنّو المَسيح بِتكَلَّم فِيني. و هو ما ضَعيف في عَمَلو مَعاكُم، لَكِن هو قَوّي فيكُم.

٢ كُورِنْثُوس 5:9

عَلَشان كِدا فوق كُلّو شي، نِحنا عاوزين نَبسِطو إذا نِستَنّا في بيتنا هِنا ولّا نَمشي نَكون مَع الرَب.

٢ كُورِنْثُوس 6:5

في ضَرَبات، و في سُجون، و في دَوشَه، و في تَعب شَديد، و في ليالي بِدون نوم، و في جوع.

أفَسُس 1:19

و بَصَلّي عَشانكُم تَعرِفو قُوَّتو الكَبيرَه لينا. و القُوَّه دي فوق كُلّو شي و بِتساعِدنا المؤمِنين.

أفَسُس 3:20

و لِلبِقدَر يَعمِل فوق كُلّو حاجَه زِيادَه جِدّاً مِن كُلّو شي النَطلُب ولّا نَفتَكِر، بِحَسَب القُوَّه التَّشتَغِل فينا،

أفَسُس 3:7

أنا بِقيت خَدّام لِلإنجيل دا بِهَديَّة النِّعمَه الأدّاها لَي الله حَسَب عَمَل قُوَّتو.

فيلِبّي 1:27

عَلى كِدا، عيشو بِطَرِيقَه مُستَحِقَّه إنجيل المَسيح. كِدا، إذا بَجي أشوفكُم ولّا إذا أنا ما في، بَسمَع عَنكُم إنَّكُم ثابِتين في روح واحِد، و إنَّكُم تَتعَبو بِنَفس واحدَه لِإيمان الإنجيل،

فيلِبّي 1:30

و ليكُم نَفس التَّعب الإنتو شُفتوني فيهو، و هَسَّع تَسمَعو إنّي فيهو.

فيلِبّي 2:13

فِشان الله هو العامِل فيكُم الإرادَه و العَمَل عَشان تَعمِلو الحاجات التَّدّيهو فَرَح.

فيلِبّي 2:16

مِقَدِّمين كِلمَة الحَياة. إذا تَعمِلو كِدا، أنا بَقدَر بَفخَر في يوم المَسيح، فِشان ما جَريت ساكِت و لا تِعِبتَ بِدون فايدَه.

كُولُوسِّي 2:1

أنا عاوِزكُم تَعرِفو كيف أنا بَشتَغِل شَديد خَلاص عَلَشانكُم، و عَلَشان ديل الفي لاوُدِكِيَّة، و كُل الما شافو وَشّي في الجِّسِم.

كُولُوسِّي 2:12

دَفَنوكُم مَعاهو في المَعموديَّه، و قَوَّموكُم مَعاهو كَمان بِالإيمان بِعَمَل الله القَوَّمو مِن بين المَيِّتين.

كُولُوسِّي 4:12

و أَبَفْرَاس يَسَلِّم عَليكُم، و هو مِنَّكُم، و خَدّام يَسُوع المَسيح. هو دايماً بِصَلّي بِكُلّو قُوَّتو فِشانكُم، عَلَشان تَثبُتو كامِلين و بِتأكيد تَمام في كُلّو إرادَة الله.

١ تَسَالُونِيكِي 2:9

و إنتو تِتزَكَّرو، يا أخوان، الشُّغل بِتاعنا و التَّعب. إشتَغَلنا بِاللّيل و بِالنَّهار عَشان ما نَكون حِمِل عَلى أي واحِد مِنَّكُم وَكِت ما بَشَّرنا بِإنجيل الله.

٢ تَسَالُونِيكِي 3:8

و ما أكَلنا عيش واحِد زول مَجّاناً. لَكِن كُنّا نَشتَغِل بِتَعب شَديد ليل و نَهار، عَلَشان ما نَكون حِمِل لِأي واحِد مِنَّكُم.

٢ تِيمُوثَاوُس 2:10

عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي.

عِبرانيين 12:4

عَشان في الحَرب بِتاعكُم ضِد الخَطيَّه، إنتو لِسَّع ما قاوَمتو حَتّى الدَّم.

عِبرانيين 13:21

الله يَعمِلكُم كامِلين في كُلّو عَمَل طَيب عَشان تَعمِلو إرَادَتو. و هو يَشتَغِل فيكُم الحاجَه التَّبسِطو كَتير، بِيَسُوع المَسيح. و لِلمَسيح المَجد لِلأبَد. آمين.

رؤيا 2:3

و عِندَك صَبر و إتحَمَّلتا التَّعب عَشان خاطِر إسمي و ما بِقيت تَعبان.