كُولُوسِّي 1:28 - كِتاب العَهد الجَّديد مِن الكِتاب المُقَدَّس

²⁸ و نِحنا نَبَشِّر بيهو، و نَحَذِّر كُلّو زول و نَعَلِّم كُلّو زول بِكُلّو حِكمَه. و نَسَوّي دا عَلَشان نَقَدِّم كُلّو زول كامِل في المَسيح.

كُولُوسِّي 1:28 Iomraidhean Croise

مَتَّى 28:20

و عَلِّموهُم أن يَحفَظو كُل الأمَرتَكُم بيهو. و شوفو! أنا مَعاكُم كُل الأيام، لِغايَة آخِر الدُّنيا.“

مَتَّى 3:7

و لَمّا شاف كَتير مِن الفَرِّيسِيِّين و الصَّدّوقيين قاعِدين يَجو لِلمَعموديَّه، يُوحَنَّا قال ليهُم: ”يا أولاد الدَّبايب، مِنو خَبَّركُم بِالخَطَر عَشان تَجرو مِن الزَّعل الجّاي؟

مَتَّى 5:48

عَلَشان كِدا، كونو كامِلين زي ما أبوكُم الفي السَّما هو كامِل.

مَرْقُس 6:34

و لَمّا يَسُوع طَلَع، هو شاف ناس كُتار، و حَنَّه عَليهُم، فِشان هُم زي خِرفان بِدون راعي. و بِقى يَعَلِّمُم حاجات كَتيرَه.

لُوقَا 21:15

عَشان أنا بَدّيكُم كَلام و حِكمَه، و عُدوانكُم ما بِقدَرو يَغلِبو كَلامكُم ولّا يَعاكِسوهو.

أعمال الرُّسُل 10:36

و دي الكِلمَه الله رَسَّلا لِناس إِسْرَائِيل، و بَشَّر بِالسَّلام بِيَسُوع المَسيح. و هو رَب الكُل.

أعمال الرُّسُل 11:20

و لَكِن بَعض مِنَّهُم مِن قُبرُص و القَيْرَوَان، لَمّا دَخَلو أَنْطَاكِيَه، كانو بِكَلِّمو ناس إغريقيين كَمان، و بِبَشِّروهُم بالرَب يَسُوع.

أعمال الرُّسُل 13:38

خَليهو يَكون مَعروف ليكُم، يا أخوان، نِحنا نَبَشِّر بِيَسُوع غُفران الخَطايا.

أعمال الرُّسُل 17:18

و بَعض مِن النّاس مِن المِتعَلِّمين قابَلوهو، الأَبِيكُورِيِّين و الرِّوَاقِيِّين. و بَعض مِنَّهُم قالو: ”الغَلَباوي دا عاوِز يَقول شِنو؟“ و تانيين قالو: ”يَظهَر إنّو يَنادي بِآلِهَه غَريبَه.“ و قالو كِدا عَلَشانو كان بِبَشِّر بِيَسُوع و القيامَه.

أعمال الرُّسُل 17:3

و يَوَرّيهُم، و يَثَبِّت إنّو المَسيح كان لازِم يِتوَجَّع، و يَقوم مِن بين المَيِّتين. و قال: ”يَسُوع دا، الأنا بَبَشِّركُم بيهو، هو المَسيح.“

أعمال الرُّسُل 20:31

عَلَشان كِدا، أحرِسو و إتزَكَّرو أنا مُدَّة تلاتَه سِنين ما وَقَّفتَ ليل و نَهار أهَظِّر كُلّو واحِد مِنَّكُم بِالدِّموع.

أعمال الرُّسُل 3:20

و هو يَرَسِّل المَسيح يَسُوع المُعَيَّن ليكُم مِن قُبّال.

أعمال الرُّسُل 5:42

و كانو كُلّو يوم في الهيكَل و في البُيوت، و ما بَطَّلو أبَداً بِعَلِّمو و بِبَشِّرو بِيَسُوع المَسيح.

أعمال الرُّسُل 8:35

و فِيلُبُّس فَتَح خَشمو، و إبتَدا مِن الفَصِل دا، و بِشَّرو بِيَسُوع.

أعمال الرُّسُل 8:5

و فِيلُبُّس نَزَل لِمَدينَه مِن السَّامِرَه، و كان بِبَشِّرُم بِالمَسيح.

أعمال الرُّسُل 9:20

و طَوّالي إبتَدا يَبَشِّر في بِيوت الرَّب بِيَسُوع إنّو إبن الله.

رُومِيَه 16:25

و لِلقادِر يَثَبِّتكُم حَسَب إنجيلي الأنا أبَشِّر بِيَسُوع المَسيح، و حَسَب السِّر الكان مَدسوس في الزَّمَن الأبَديَّه.

١ كُورِنْثُوس 1:23

و لَكِن نِحنا نَبَشِّر بِالمَسيح المَصلوب، لِليَهود عَترَه و لِناس إغريقيين حاجَه بَليدَه.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

١ كُورِنْثُوس 12:8

عَلَشان الله يَدّي كَلام حِكمَه بِالرّوح لِواحِد، و كَلام مَعرِفَه لِتاني بِحَسَب نَفس الرّوح.

١ كُورِنْثُوس 15:12

و لَكِن إذا نَبَشِّر بِالمَسيح، إنّو قام مِن بين المَيِّتين، كيف بَعض مِنَّكُم يَقولو ما في قيامَة المَيِّتين؟

١ كُورِنْثُوس 2:15

الإنسان الرّوحي يَحكُم في كُلّو حاجَه، لَكِن النّاس ما بِقدَرو يَفهَموهو.

١ كُورِنْثُوس 2:6

لَكِن نِتكَلَّم بِحِكمَه بين الكامِلين، و الحِكمَه دي ما مِن الزَّمَن دا، ولّا مِن مُديرين الزَّمَن دا، البِكونو بِدون فايدَه.

١ كُورِنْثُوس 4:14

ما بَكتِب دا عَشان أخَجِّلكُم، لَكِن أحَزِّركُم مِثِل أولادي المَحبوبين.

٢ كُورِنْثُوس 10:14

نِحنا ما نَمشي بَعيد حَتّى ما نوصَل ليكُم. لَكِن جينا و وِصِلنا ليكُم بِإنجيل المَسيح.

٢ كُورِنْثُوس 11:2

عَشان أنا غَيور عَليكُم بِغيرَة الله. عَشان أنا وَعَدتَكُم لِراجِل واحِد عَشان أقَدِّم عَذراء نَضيفَه لِلمَسيح.

٢ كُورِنْثُوس 4:5

عَشان ما نَبَشِّر بِنُفوسنا، لَكِن بِيَسُوع المَسيح الرَّب. و نِحنا خَدّامين ليكُم عَشان خاطِر يَسُوع.

أفَسُس 3:8

و هو أدّا النِّعمَه دي لَي، و أنا أصغَر كُل القِدِّسين، عَشان أبَشِّر بين الأُمَم بِغِنى المَسيح الما نَقدَر نَفَسِّر بِالتَّمام.

أفَسُس 5:27

عَشان يَقَدِّما لِنَفسو كَنيسَه مَجيدَه، ما فيها نُقطَه ولّا كَرمَش ولّا أي شي زي دا، و لَكِن تَكون مُقَدَّسَه و بِدون عيب.

كُولُوسِّي 1:22

لَكِن هَسَّع هو صالَحكُم بِجِسمو الإنساني بِالموت. و هو عَمَل دا عَلَشان يَجيبكُم قِدّامو قِدِّيسين و بِدون عيب ولّا لوم.

كُولُوسِّي 2:10

و إنتو بِقيتو مَليانين فيهو. و هو راس كُلّو رياسَه و سُلطَه.

كُولُوسِّي 2:3

و كُلّو كُنوز الحِكمَه و المَعرِفَه مَدسوسَه فيهو.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

كُولُوسِّي 4:12

و أَبَفْرَاس يَسَلِّم عَليكُم، و هو مِنَّكُم، و خَدّام يَسُوع المَسيح. هو دايماً بِصَلّي بِكُلّو قُوَّتو فِشانكُم، عَلَشان تَثبُتو كامِلين و بِتأكيد تَمام في كُلّو إرادَة الله.

١ تَسَالُونِيكِي 4:6

عَشان واحِد ما يَظلِم و يَغِش أخوهو في الحاجَه دي. عَشان الرَّب، هو اليَنتَقِم لِكُل اليَعمِلو دا، زي ما قُلنا ليكُم مِن قَبِل و حَزَّرناكُم.

١ تِيمُوثَاوُس 3:16

و نَشهَد أن سِر الدّين بِتاعنا مُهِم: هو ظَهَر في الجِّسم، و إتبَرَّر في الرّوح، و المَلائكَه شافوهو، و بِشَّرو بيهو بين الأُمَم، و آمَنو بيهو في الدُّنيا، و رَفَعوهو في المَجد.

١ تِيمُوثَاوُس 3:2

و المُلاحِظ لازِم يَكون بِدون عيب، راجِل عِندو مَرَه واحدَه، ماسِك نَفسو، عاقِل، مُحتِرَم، بِفتَح بيتو لِلغَريبين، بِقدَر يَعَلِّم.

عِبرانيين 10:14

عَشان بِتَقدِمَه واحدَه هو عَمَلُم كامِلين لِلأبَد، ديل الهو قاعِد يَقَدِّسُم.

عِبرانيين 13:21

الله يَعمِلكُم كامِلين في كُلّو عَمَل طَيب عَشان تَعمِلو إرَادَتو. و هو يَشتَغِل فيكُم الحاجَه التَّبسِطو كَتير، بِيَسُوع المَسيح. و لِلمَسيح المَجد لِلأبَد. آمين.

٢ بُطْرُس 3:15

و أحسِبو إنّو صَبر رَبَّنا فُرصَه لِلخَلاص. زي ما أخونا الحَبيب بُولُس كَمان كَتَب ليكُم بِحَسَب الحِكمَه الأدّاهو الله.