كُولُوسِّي 1:14 - كِتاب العَهد الجَّديد مِن الكِتاب المُقَدَّس

¹⁴ و لينا فيهو الفِداء بِدَمّو، غُفران الخَطايا.

كُولُوسِّي 1:14 Iomraidhean Croise

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

لُوقَا 5:20

و لَمّا شاف إيمانُم، قال لِلرّاجِل: ”يا زول، خَطاياك مَغفورَه ليك.“

أعمال الرُّسُل 10:43

و كُل الأنبياء يَشهَدو ليهو أن كُلّو واحِد البِآمِن بيهو بِقبَل بِإسمو غُفران الخَطايا.“

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

غَلَاطِيَّه 3:13

المَسيح فَدانا مِن لَعنَة القانون، عَلَشان هو بِقى لَعنَه فِشانّا. عَلَشان مَكتوب: ”مَلعون كُلّو واحِد إتعَلَّق عَلى شَجَرَه.“

أفَسُس 1:7

و فيهو عِندَنا الفِداء بِدَمّو، غُفران الخَطايا، بِحَسَب غِنى نِعمَتو.

أفَسُس 4:32

كونو شَفوقين بَعضَكُم بَعض، بِقَلِب رَحيم. و أغفِرو بَعضَكُم بَعض، زي ما الله فِشان المَسيح غَفَر ليكُم.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

كُولُوسِّي 2:13

لَمّا كُنتو مَيِّتين في الخَطايا و جِسِمكُم ما كان مُطَهَّر، الله عَمَلكُم حَيين مَعاهو. هو غَفَر لينا كُلّو خَطايانا.

كُولُوسِّي 3:13

أصبُرو بَعضَكُم بَعض، و أغفِرو بَعضَكُم بَعض إذا كان واحِد عِندو شَكوى عَلى تاني. أغفِرو زي ما الرَّب غَفَر ليكُم.

١ تِيمُوثَاوُس 2:6

الأدّا نَفسو فِداء عَن كُل النّاس، و دي الشِّهادَه في وَكتو الموافِق.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

عِبرانيين 9:12

هو ما دَخَل بِدَم غَنَم و عُجول، لَكِن بِدَم نَفسو مَرَّه واحدَه لِقُدُس الأقداس، و جاب لينا فِداء أبَدي.

عِبرانيين 9:22

و بِحَسَب القانون يَنَضِّفو كُل الحاجات تَقريباً بِالدَّم. و إذا ما يَكُبّو الدَّم، ما بِكون في غُفران.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

١ يُوحَنَّا 1:9

إذا نَعتَرِف بِخَطايانا، هو أمين و عادِل، و يَغفِر لينا خَطايانا و يَنَضِّفنا مِن كُلّو شَر.

١ يُوحَنَّا 2:12

أكتِب ليكُم، يا أولاد، عَشان خَطاياكُم مَغفورَه ليكُم عَشان خاطِر إسمو.

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

رؤيا 14:4

ديل هُم الما نَجَّسو نُفوسُم مَعَ النِّسوان، عَشان هُم نُضاف. و هُم يَتبَعو الحَمَل لِأي مَحَل الهو يَمشي ليهو. و كانو مُشتَرين مِن بين النّاس، أوَّل ثِمار لِلَّه و لِلحَمَل.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.