أعمال الرُّسُل 9:40 - كِتاب العَهد الجَّديد مِن الكِتاب المُقَدَّس

⁴⁰ و بُطْرُس مَرَّق كُلُّهُم بَرَّه و رَكَع عَلى رُكبَتيهو و صَلّى. و بَعَد دا، إتلَفَت لِلجِّسِم و قال: ”يا طابيثا، قومي.“ و هي فَتَحَت عُيونا، و لَمّا شافَت بُطْرُس، قَعَدت.

أعمال الرُّسُل 9:40 Iomraidhean Croise

مَتَّى 6:6

و لَكِن إنتَ لَمّا تَصَلّي، أدخُل بيتَك، و أقفِل بابَك، و صَلّي لِأبوك الفي السِّر. و أبوك اليَشوف في السِّر بِرَجِّع ليك كوَيس.

مَتَّى 9:25

لَكِن لَمّا مَرَّقو الجَّماعَه، يَسُوع دَخَل و أخَدا بِإيدا، و البِت قامَت.

مَرْقُس 9:25

و لَمّا يَسُوع شاف النّاس يَجو جاريين سَوا، وَبَّخ الرّوح النَّجِس، و قال ليهو: ”يا الرّوح الأبكَم الأطرَش، أنا بَدّيك أمر اطلَع مِنّو، و لا تَدخُلو مَرَّه تانيَه أبَداً.“

لُوقَا 22:41

و هو مَرَق مِنَّهُم مَسافَه تَقريباً زي ما تَرمي حَجَر. و رَكَع عَلى رُكَبو و صَلّى.

لُوقَا 8:54

لَكِن هو مَسَك إيدا و نادى و قال: ”يا بِت، قومي!“

أعمال الرُّسُل 20:36

و لَمّا قال دا، رَكَع عَلى رُكبَتيهو مَعَ كُلُّهُم و صَلّى.

أعمال الرُّسُل 21:5

و لَكِن لَمّا الوَكِت فات، مَرَقنا و مَشينا. و كُلُّهُم مَشو مَعانا مَعَ النِّسوان و الأولاد لِبَرَّه المَدينَه. و رَكَعنا عَلى رُكبَتينا عَلى الرَّملَه و صَلينا.

أعمال الرُّسُل 28:8

و كان أبو بُوبْلِيُوس راقِد في عَنقَرِيبو، عِندو حُمَّه و عَيّان بِدُسُنتاريَا. و بُولُس دَخَل ليهو، و صَلّى، و خَتَّ إيدينو عَليهو، و شَفاهو.

أعمال الرُّسُل 7:60

و بَعَد دا، وَقَع عَلى رُكبَتيهو و كورَك بِصوت عالي: ”يا رَب، ما تَخُت الخَطيَّه دي لِحِسابُم.“ و لَمّا قال كِدا، هو نام.