أعمال الرُّسُل 9:36 - كِتاب العَهد الجَّديد مِن الكِتاب المُقَدَّس

³⁶ و كانَت في يَافَا تِلمِيذَه إسِما طابيثا، و مَعناهو غَزالَه. و هي كانَت مَليانَه بِالأعمال الطَّيبَه، و كانَت بِتساعِد المَساكين.

أعمال الرُّسُل 9:36 Iomraidhean Croise

مَتَّى 25:17

و كِدا، الأخَد الميتين جِنيه زادو بِميتين تاني.

يُوحَنَّا 15:5

أنا شَجَرَة العِنَب و إنتو الفُروع. البِسكُن فِيني، و أنا فيهو، هو البِجيب ثِمار كَتير. عَشان إنتو بِدوني ما تَقدَرو تَعمِلو حاجَه.

يُوحَنَّا 15:8

بِدا، أبوي يِتمَجَّد إذا تَجِيبو ثِمار كَتير، و كِدا بِتكونو تَلاميذي.

أعمال الرُّسُل 10:23

و عَلَشان كِدا، بُطْرُس عَزَمُم يدخُلو البيت و يَكونو ضُيوفو. و في الصَّباح بُطْرُس قام و مَرَق مَعاهُم، و بَعض مِن الأخوان مِن يَافَا كَمان مَشو مَعاهو.

أعمال الرُّسُل 10:31

و قال لَي: يا كَرْنِيلِيُوس، الله سِمِع صَلَواتَك و إتزَكَّر صَدَقَاتَك لِلمَساكين.

أعمال الرُّسُل 10:8

و خَبَّرُم بِكُلّو حاجَه، و رَسَّلُم لِيَافَا.

أعمال الرُّسُل 11:13

و هو خَبَّرنا كيف شاف المَلاك واقِف في بيتو و يَقول ليهو: رَسِّل لِيَافَا و نادي سِمْعَان الإسمو بُطْرُس.

أعمال الرُّسُل 11:5

”كُنتَ بَصَلّي في مَدينَة يَافَا، و شُفتَ في رؤيا حاجَه تَنزِل مِن السَّما زي مِلايَه كَبيرَه مَربوطَه بِأركانا الأربَعَه، و جات لَي.

أعمال الرُّسُل 9:38

و لُدَّه كانَت قَريبَه مِن يَافَا. و التَّلاميذ سِمِعو بُطْرُس كان في لُدَّه. و هُم رَسَّلو ليهو راجلين و سألوهو كَتير و قالو: ”مِن فَضلَك، تَعال قَوام.“

أعمال الرُّسُل 9:42

و الخَبَر مَشى في كُلّو يَافَا، و كَتيرين آمَنو بِالرَّب.

أفَسُس 2:10

عَلَشان نِحنا شُغل الله، و هو خَلَقنا في المَسيح يَسُوع عَشان نَعمِل أعمال كوَيسَه، الجَّهَّزا الله مِن قُبّال عَشان نَعمِلا.

فيلِبّي 1:11

مَليانين مِن ثِمار البِر البِجي بِيَسُوع المَسيح لِمَجد الله و حَمدو.

كُولُوسِّي 1:10

و نَصَلّي لِدا، عَلَشان تَعيشو زي ما يِستَحِق لِلرَّب، و في كُلّو حاجَه تَفَرِّحوهو، و تَجِيبو ثِمار في كُلّو عَمَل كوَيس، و تَكبَرو في مَعرِفَة الله.

١ تَسَالُونِيكِي 4:10

إنتو بِتَعمِلو كِدا كَمان لِكُل الأخوان الفي كُلّو مَكِدونيَّه. و أطلُب ليكُم، يا أخوان، تَزيدو في دا أكتَر و أكتَر.

١ تِيمُوثَاوُس 5:10

و النّاس يَعرِفوها بِأعمالا الكوَيسَه. هي كانَت رَبَّت الأولاد، و فَتَحَت بيتا لِلغَريبين، و غَسَّلَت كِرعين القِدِّسين، و ساعَدَت المَظلومين، و أدَّت نَفسَها لِكُلّو عَمَل كوَيس.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

تِيطُس 2:7

و أعمِل نَفسَك مَثَل في كُلّو حاجَه لِلأعمال الكوَيسَه. في تَعليمَك، كون مُخلِص و عاقِل.

تِيطُس 3:8

الكِلمَه دي أمينَه. و أنا عاوزَك تَشهَد بِتأكيد لِلحاجات دي، عَلَشان ديل، الآمَنو بِالله، بِهتَمّو عَشان يَعمِلو أعمال كوَيسَه. و الحاجات دي طَيبَه و عِندَها فايدَه لِلنّاس.

عِبرانيين 13:21

الله يَعمِلكُم كامِلين في كُلّو عَمَل طَيب عَشان تَعمِلو إرَادَتو. و هو يَشتَغِل فيكُم الحاجَه التَّبسِطو كَتير، بِيَسُوع المَسيح. و لِلمَسيح المَجد لِلأبَد. آمين.

يَعْقُوب 1:27

الدّين النَّضيف و البِدون عيب قِدّام الله الأبو، هو زيارَة اليَتامى و الأرامِل في تَعبُم، و حِفظ الإنسان نَفسو بِدون نَجاسَه مِن الدُّنيا.