أعمال الرُّسُل 9:31 - كِتاب العَهد الجَّديد مِن الكِتاب المُقَدَّس

³¹ و كِدا، ناس الكَنيسَه في كُل اليَهُودِيَّه و الجَّليل و السَّامِرَه كان عِندَهُم سَلام و بِقو شُداد. و كانو يَخافو الرَّب، و عِندَهُم تَعزيَه في الرّوح القُدُس، و كانو يَزيدو في العَدَد.

أعمال الرُّسُل 9:31 Iomraidhean Croise

أعمال الرُّسُل 12:24

و كِلمَة الله كانَت تَكبَر و تَزيد.

أعمال الرُّسُل 16:5

و الكَنايس كانو بِشَدِّدو في الإيمان، و بِزيدو في العَدَد كُلّو يوم.

أعمال الرُّسُل 2:47

و كانو يَحمَدو الله و يَلقو نِعمَه قِدّام كُل النّاس. و الرَّب جَمَع لِلكَنيسَه كُلّو يوم الكانو بِخلَصو.

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

أعمال الرُّسُل 5:11

و خوف عَظيم وَقَع عَلى كُل الكَنيسَه و عَلى كُل السِّمِعو بِداك.

أعمال الرُّسُل 6:7

و كِلمَة الله كانَت تَكبَر، و نِمرَت التَّلاميذ بِقَت كَتيرَه جِدّاً في أُورُشَلِيم. و نِمرَه كَتيرَه مِن القُسُس كانو بِطيعُو الإيمان.

أعمال الرُّسُل 8:1

و شَاوُل كان رَضيان بِكَتَلو. و حَصَل في اليوم داك تَعب كَتير عَلى الكَنيسَه الفي أُورُشَلِيم. و كُلُّهُم إلّا الرُّسُل إتشَتَّتو في بِلاد اليَهُودِيَّه و السَّامِرَه.

رُومِيَه 14:17

عَشان مَلَكوت الله ما أكل ولّا شُرُب، لَكِن هو بِر و سَلام و فَرَح في الرّوح القُدُس.

رُومِيَه 14:19

عَلَشان كِدا، خَلّونا نَتبَع الحاجات التَّعمِل السَّلام و الحاجات التَّشَدِّدنا بَعَضَنا بَعض.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

رُومِيَه 5:5

و عَلَشان عِندَنا رَجاء، نِحنا ما خَجلانين، عَشان الله كَبَّ مَحَبَّتو في قُلوبنا بِالرّوح القُدُس الهو أدّانا.

١ كُورِنْثُوس 14:12

و كِدا إنتو كَمان. إذا إنتو غَيورين لِلهَدايا المِن الرّوح، أطلُبو عَشان تَزيدو فيها عَشان تَساعِدو الكَنيسَه.

١ كُورِنْثُوس 14:26

و كِدا نَقول شِنو، يا أخوان؟ لَمّا تِتلَمّو، كُلّو واحِد مِنَّكُم عِندو مَزمور، ولّا عِندو تَعليم، ولّا عِندو رؤيا، ولّا عِندو لُغَه، ولّا عِندو تَرجَمَه. خَلّي كُلّو حاجَه تَكون لِلمُساعَدَه.

٢ كُورِنْثُوس 10:8

عَشان إذا أشكُر نَفسي زِيادَه شوَيَه بِالسُّلطَه الأدّانا الله عَشان أبنيكُم و ما عَلَشان أخَرِّبكُم، أنا ما خَجلان.

٢ كُورِنْثُوس 12:19

و تَفتَكِرو كُل الوَكِت دا نِحنا بِنَعمِل نُفوسنا بارين قِدّامكُم؟ نِحنا نِتكَلَّم قِدّام الله في المَسيح، لَكِن، يا مَحبوبين، بِنَعمِل كُلّو حاجَه، عَشان نَقَويكُم.

٢ كُورِنْثُوس 13:10

عَلَشان كِدا بَكتِب دا و أنا ما مَعاكُم، عَشان لَمّا بَجي، ما لازِم أكون شَديد بِحَسَب السُّلطَه الأدّاها لَي الرَّب. و هو أدّاني السُّلطَه دي عَشان أبنيكُم، مُش عَشان أخَرِّبكُم.

٢ كُورِنْثُوس 7:1

و عَشان عِندَنا الوُعود ديل، يا مَحبوبين، خَلّونا نَنَضِّف نُفوسنا مِن كُلّو نَجاسَة الجِّسم و الرّوح، و نَكَمِّل القَداسَه في خوف الله.

أفَسُس 4:12

و هو عَمَل دا عَلَشان القِدِّسين يَكونو كاملين في شُغل الخِدمَه، عَشان يَبنو جِسِم المَسيح.

أفَسُس 4:16

و مِنّو كُل الجِّسِم بِكون مَربوط سَوا بِمُساعدَة كُلّو رُباط. و الجِّسِم يَكبَر و يَبني نَفسو في المَحَبَّه لَمّا كُلّو عُضو يَعمِل شُغلو.

أفَسُس 4:29

ما تَخَلّو كَلام بَطّال يَمرُق مِن خُشومكُم، لَكِن كَلام كوَيس البِساعِد، عَشان يَدّي نِعمَه لِلنّاس اليَسمَعو.

أفَسُس 5:21

و تَطيعو بَعضَكُم لِبَعض في خوف الرَّب.

فيلِبّي 2:1

كِدا، إذا عِندَكُم كَلام شَجاعَه في المَسيح، إذا أي تَعزيَه بِمَحَبَّتو، إذا أي شَرِكَه في الرّوح، إذا أي مَحَبَّه و رَحمَه،

كُولُوسِّي 1:10

و نَصَلّي لِدا، عَلَشان تَعيشو زي ما يِستَحِق لِلرَّب، و في كُلّو حاجَه تَفَرِّحوهو، و تَجِيبو ثِمار في كُلّو عَمَل كوَيس، و تَكبَرو في مَعرِفَة الله.

١ تَسَالُونِيكِي 5:11

عَشان كِدا، عَزّو بَعضَكُم بَعض، و ساعِدو كُلّو واحِد التّاني، زي ما بِتَعمِلو كَمان.

١ تِيمُوثَاوُس 1:4

ولّا يَخَلّو بالُم لِحِكايات ولّا يَفَتِّشو عَلى الأجيال بِدون نِهايَه. الحاجات ديل يَجيبو الأسئلَه بَدَل مِن تَرتيب الله بِالإيمان.

عِبرانيين 4:9

عَلَشان كِدا، راحَة سَبِت تِستَمِر لِشَعب الله.

يَهُوذَا 1:20

لَكِن إنتو، يا مَحبوبين، أبنو نُفوسكُم في إيمانكُم القُدّوس، و صَلّو في الرّوح القُدُس.