أعمال الرُّسُل 9:13 - كِتاب العَهد الجَّديد مِن الكِتاب المُقَدَّس

¹³ و لَكِن حَنانيّا رَدَّ و قال: ”يا رَب، سِمِعتَ مِن كَتيرين عَن الرّاجِل دا، بِكُل الحاجات البَطّالَه الهو عَمَل لِقِدِّسينَك في أُورُشَلِيم.

أعمال الرُّسُل 9:13 Iomraidhean Croise

مَتَّى 10:16

شوف! أرَسِّلكُم زي خِرفان في وَسط مَرفَعين. عَشان كِدا، كونو شاطرين زي الدَّبايب و لَكِن بُسَطاء زي الحَمام.

أعمال الرُّسُل 22:4

و طَرَدتَ الطَّريق دا حَتّى الموت، و قَبَضتَ عَلى رُجال و نِسوان، و رَميتُم في السِّجِن.

أعمال الرُّسُل 8:3

و لَكِن شَاوُل كان بِخَسِّر الكَنيسَه، و بِدخُل البِيوت، و بِجُر الرُّجال و النِّسوان، و بِخُتُّم في السِّجِن.

أعمال الرُّسُل 9:1

لَكِن شَاوُل كان لِسَّع يتكَلَّم تَهديد، و كَلام كَتَل ضِد تَلاميذ الرَّب. و هو مَشى لِرَئيس القُسُس.

أعمال الرُّسُل 9:21

و كُل السِّمِعوهو إتعَجَّبو و قالو: ”دا هو الكان بِكتُل في أُورُشَلِيم البِنادو بِالإسِم دا؟ و هو جا هِنا عَشان يَسوقُم مَربوطين لِلقُسُس الكُبار.“

أعمال الرُّسُل 9:32

و لَمّا بُطْرُس كان بِسافِر في البِلاد دي كُلّو، هو مَشى كَمان لِلقِدِّسين السّاكنين في لُدَّه.

أعمال الرُّسُل 9:41

و هو أخَدا بِإيدا و رَفَعا، و نادى القِدِّسين و الأرامِل، و قَدَّما ليهُم حَيَّه.

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

رُومِيَه 15:31

صَلّو عَشان أخلَص مِن الما مؤمِنين في اليَهُودِيَّه، و عَشان خِدمَتي لِأُورُشَلِيم تَكون مَقبولَه لِلقِدِّسين هِناك.

رُومِيَه 16:15

سَلِّمو عَلى فِيلُولُوغُوس و وَجُولِيَا و وَنِيرِيُوس و أُختو و وَأُولُمْبَاس و عَلى كُل القِدِّسين المَعاهُم.

رُومِيَه 16:2

عَلَشان تَقبَلوها في الرَّب زي ما يِستَحِق لِلقِدِّسين. و تَساعِدوها في أي شي تَحتاج ليهو مِنَّكُم. عَشان هي ساعَدَت كَتيرين و ساعَدَتني أنا كَمان.

١ كُورِنْثُوس 1:2

لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.

١ كُورِنْثُوس 14:33

عَشان الله مُش إلَه لَخبَطَه، لَكِن إلَه سَلام.

١ كُورِنْثُوس 16:1

و عَن لَمَّة القُروش فِشان القِدِّسين. زي ما أمَرتَ كَنايس غَلَاطِيَّه، كِدا أعمِلو إنتو كَمان.

١ كُورِنْثُوس 6:5

أقول دا عَشان بِتكونو خَجلانين. صَحيح ما في راجِل فَهيم و لا واحِد بينكُم، البِقدَر يَحكُم بين أخوانو؟

أفَسُس 1:1

مِن بُولُس رَسول يَسُوع المَسيح بِإرادَة الله، لِلقِدِّسين الفي أفَسُس و المؤمِنين بِالمَسيح يَسُوع.

فيلِبّي 1:1

بُولُس، و تِيمُوثَاوُس، خَدّامين المَسيح يَسُوع، لِكُل المُقَدَّسين في المَسيح يَسُوع الفي فيلِبّي، مَعَ المُلاحِظين و خَدّامين الكَنيسَه.

فيلِبّي 4:22

كُل القِدِّسين يَسَلِّمو عَليهُم، خُصوصاً هُم المِن بيت قَيصَر.

كُولُوسِّي 1:2

لِلأخوان القِدِّسين، المؤمِنين في المَسيح في كُولُوسِّي. نِعمَه ليكُم و سَلام مِن الله أبونا و الرَّب يَسُوع المَسيح.

عِبرانيين 13:24

سَلِّمو عَلى كُلّو رؤساكُم و عَلى كُل القِدِّسين. و هُم المِن إيطاليَا يَسَلِّمو عَليكُم.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.