أعمال الرُّسُل 8:37 - كِتاب العَهد الجَّديد مِن الكِتاب المُقَدَّس

³⁷ و فِيلُبُّس قال: ”كان بِتآمِن بِكُلّو قَلبَك، مُمكِن ليك.“ و الخِصي رَدَّ و قال ليهو: ”أنا بآمِن أن يَسُوع المَسيح هو إبن الله.“

أعمال الرُّسُل 8:37 Iomraidhean Croise

مَتَّى 16:16

سِمْعَان بُطْرُس رَدَّ عَليهو و قال: ”إنتَ المَسيح، إبن الله الحَي!“

مَتَّى 28:19

عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس.

مَرْقُس 16:16

هو اليَصَدِّق و يِتعَمَّد بِخلَص، و الما يَصَدِّق بِحكُمو عَليهو.

يُوحَنَّا 11:27

قالَت ليهو: ”أيوَه، يا سَيِّد، أنا آمَنتَ إنتَ إبن الله الحَي الجّاي لِلدُّنيا.“

يُوحَنَّا 20:31

لَكِن دي مَكتوبَه عَشان تَآمِنو إن يَسُوع هو المَسيح إبن الله. و لَمّا تَآمِنو، تَكون ليكُم حَياة بِإسمو.

يُوحَنَّا 6:68

سِمْعَان بُطْرُس رَدَّ و قال ليهو: ”يا سَيِّد، نِحنا نَمشي لِمِنو؟ إنتَ عِندَك كَلام الحَياة الأبَديَّه.

يُوحَنَّا 9:35

و يَسُوع سِمِع هُم طَرَدوهو بَرَّه. و لِقاهو و قال ليهو: ”إنتَ بِتآمِن بِإبن الله؟“

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

أعمال الرُّسُل 8:12

و لَكِن لَمّا صَدَّقو فِيلُبُّس، و هو بِبَشِّرُم بِمَلَكوت الله و بِإسم يَسُوع المَسيح، هُم إتعَمَّدو، رُجال و نِسوان.

أعمال الرُّسُل 8:21

إنتَ ما عِندَك قِسم ولّا جُزو في الحاجَه دي، عَلَشان قَلبَك ما صَحيح قِدّام الله.

أعمال الرُّسُل 8:36

و وَكِت ما هُم ماشين في السِّكَّه، جو لِمَحَل فيهو مويَه. و الخِصي قال: ”شوف! في مويَه! ما مُمكِن أتعَمَّد؟“

أعمال الرُّسُل 8:38

و أمَرُم يَوَقِّفو العَرَبيَه. و هُم الإتنين، فِيلُبُّس و الخِصي، نَزَلو لِلمويَه، و دَخَلو فيها و فِيلُبُّس عَمَّد الخِصي.

أعمال الرُّسُل 9:20

و طَوّالي إبتَدا يَبَشِّر في بِيوت الرَّب بِيَسُوع إنّو إبن الله.

رُومِيَه 10:10

عَشان الإنسان بِآمِنو بِالقَلب لِلبِر، و بِعتَرِف بِالخَشم عَشان يَخلَص.

١ كُورِنْثُوس 12:3

عَشان كِدا أخَبِّركُم، واحِد ما بِقول: ”لَعنَه لِيَسُوع!“ و هو يتكَلَّم بِروح الله. و واحِد ما بِقدَر يَقول: ”يَسُوع الرَّب،“ إلّا بِالرّوح القُدُس.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

١ يُوحَنَّا 4:15

البِعتَرِف بِيَسُوع هو إبن الله، الله بِسكُن فيهو و هو في الله.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.

١ يُوحَنَّا 5:10

البِآمِن بِإبن الله، عِندو الشَّهادَه في نَفسو. الما بِآمِنو بِالله سَوَّاهو كَضّاب، عَلَشان ما آمَن بِالشَّهادَه الشِّهِد بيها الله عَن إبنو.

١ يُوحَنَّا 5:5

مِنو هو البِغلِب الدُّنيا؟ بَس البِآمِن أن يَسُوع هو إبن الله.