أعمال الرُّسُل 8:30 - كِتاب العَهد الجَّديد مِن الكِتاب المُقَدَّس

³⁰ و فِيلُبُّس جَرى ليهو، و سِمِعو يَقرا في إِشَعْيَاء النَّبي. و قال: ”بِتَفهَم البِتَقراهو؟“

أعمال الرُّسُل 8:30 Iomraidhean Croise

مَتَّى 13:19

لَمّا أي واحِد يَسمَع كِلمَة المَلَكوت و ما يَفهَما، الشَّرّير يَجي و يَمسِك المَزروع في قَلبو. دا الكان مَزروع عَلى الطَّرِيق.

مَتَّى 13:23

و الكان مَزروع في التُّراب السَّمِح، هو البِسمَع الكِلمَه و بِفهَما. هو بِجيب ثِمار، الواحِد مِيَّه، و التّاني سِتّين، و التّاني تَلاتين.“

مَتَّى 13:51

فِهِمتو كُلّو دا؟“ قالو ليهو: ”أيوَه.“

مَتَّى 15:10

و نادى النّاس و قال ليهُم: ”أسمَعو و أفهَمو:

مَتَّى 24:15

عَلى كِدا، بِتشوفو الحاجَه المَكروهَه التَّخرَب، واقفَه في المَحَل المُقَدَّس. النَّبي دانيال إتكَلَّم عَنّو. (خَلّي الزّول اليَقرا الكَلام دا يَفهَم!)

مَرْقُس 13:14

و لَمّا تَشوفو الشّي النَّجِس اليَخرَب، واقِف في المَحَل الما لازِم يَكون في، (خَلّي اليَقرا يَفهَم)، في الوَكِت دا،

يُوحَنَّا 4:34

يَسُوع قال ليهُم: ”الأكل بِتاعي هو أن أعمِل إرادَة الرَّسَّلني، و أكَمِّل عَمَلو.

يُوحَنَّا 5:39

إنتو تَفَتِّشو الكُتُب، عَشان إنتو تَفتَكِرو عِندَكُم فيهُم الحَياة الأبَديَّه. و هُم البِشهَدو لَي.

أعمال الرُّسُل 8:27

و هو قام و مَشى. و شوف! راجِل حَبَشي خِصي، و وَزير لِكَنداكَه، مَلِكَة الحَبَشَه قابَلو. و هو كان مَسؤول عَلى كُلّو أموالا، و كان جا لِأُورُشَلِيم عَشان يَعبُد الله.

أعمال الرُّسُل 8:29

و الرّوح قال لِفِيلُبُّس: ”قَرِّب و أمشي مَعَ العَرَبيَه دي.“

أعمال الرُّسُل 8:31

و قال: ”كيف بَقدَر أفهَم إن كان واحِد ما بِعَلِّمني؟“ و طَلَب لِفِيلُبُّس أن يَطلَع و يَقعُد مَعاهو.

أعمال الرُّسُل 8:5

و فِيلُبُّس نَزَل لِمَدينَه مِن السَّامِرَه، و كان بِبَشِّرُم بِالمَسيح.

١ كُورِنْثُوس 14:19

و لَكِن في الكَنيسَه، أنا داير أتكَلَّم خَمسَه كِلمات بِفَهمي، عَشان أعَلِّم بيها التّانيين، مِن أن أتكَلَّم أكتَر مِن عَشَرَة آلاف كِلمَه بِلُغَه غَريبَه.

أفَسُس 5:17

عَلَشان كِدا ما تَكونو بِدون حِكمَه، لَكِن أفهَمو شِنو إرادَة الله.

رؤيا 13:18

و هِنا في حِكمَه. هو العِندو فَهم، خَليهو يَحسِب عَدَد الوَحَش، عَشان هو عَدَد زول. و عَدَدو سُتُّميَه و سِتَّه و سِتّين.