أعمال الرُّسُل 8:20 - كِتاب العَهد الجَّديد مِن الكِتاب المُقَدَّس

²⁰ و بُطْرُس قال ليهو: ”خَلّي قُروشَك تَخسَر مَعاك، عَلَشانَك إفتَكَرتَ تَقدَر تَشتَري هَديَّة الله بِقُروش.

أعمال الرُّسُل 8:20 Iomraidhean Croise

مَتَّى 10:8

أشفو العَيّانين، قَوِّمو المَيِّتين، نَضِّفو العِندَهُم الجِّزام، طَلِّعو الشّياطين. أخَدتو مَجّاناً، أدّو مَجّاناً.

مَتَّى 15:19

عَشان مِن القَلب يَجو الأفكار البَطّالَه، و الكَتل، و الزِّنا، و الأخلاق البَطّالَه، و السِّرقَه، و الشَّهادَه الكَضّابَه، و الشَّتيمَه.

أعمال الرُّسُل 1:18

الرّاجِل دا إشتَرى حِتَّت أرض مِن أُجرَة خَطِيَّتو، و هِناك وَقَع عَلى رَاسو و جِسمو إتشَقَّق مِن الوَسِط و بَطَنو كُلّو إدَّفَق.

أعمال الرُّسُل 10:45

و كُل المؤمِنين المُطَهَّرين الجّو مَعَ بُطْرُس، إستَغرَبو عَشان الله أدّا لِلنّاس الما كانو يَهود هَديَّة الرّوح القُدُس كَمان.

أعمال الرُّسُل 11:17

إذا كان الله أدّاهُم زات الهَدِيَّه الأدّانا لَمّا آمَنّا بالرَب يَسُوع المَسيح، أنا مِنو حَتّى أقدَر أوَقِّف الله؟“

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

أعمال الرُّسُل 8:19

و قال: ”أدّيني أنا كَمان السُّلطَه دي، عَشان كُلّو واحِد البَخُت إيديني عَليهو بِقبَل الرّوح القُدُس.“

أعمال الرُّسُل 8:22

عَلَشان كِدا، توب مِن خَطيَّتَك دي، و صَلّي لِلرَّب. يِمكِن هو بِغفِر ليك فِكر قَلبَك.

١ تِيمُوثَاوُس 6:9

لَكِن النّاس العاوزين يَكونو غَنيين يَقَعو في التَجرِبَه و الفَخ، و في شَهوات كَتيرَه، بَليدَه و مُضِرَّه، البِجُرّو النّاس لِلخَراب و الهَلاك.

يَعْقُوب 5:3

دَهَبكُم و فِضَّتكُم صَدّو، و صَداهُم بِشهَد عَليكُم و بياكُل لَحَمكُم زي نار. حَفَظتو كَنز في الأيام الأخيرَه.

رؤيا 18:15

و التُّجّار الباعو الحاجات دي و بِقو غَنيين مِنَّها بِقيفو بَعيد خايفين مِن عَذابا. هُم بِيَبكو و بِكونو حَزنانين،