أعمال الرُّسُل 7:56 - كِتاب العَهد الجَّديد مِن الكِتاب المُقَدَّس

⁵⁶ و قال: ”شوفو، أنا بَشوف السَّما مَفتوحَه، و إبن الإنسان واقِف عَن يَمين الله.“

أعمال الرُّسُل 7:56 Iomraidhean Croise

مَتَّى 25:31

لَمّا إبن الإنسان بِجي في مَجدو، و كُل المَلائكَه مَعاهو، في الوَكِت داك بِيَقعُد عَلى كُرسي مَجدو.

مَتَّى 3:16

و لَمّا يُوحَنَّا عَمَّد يَسُوع، هو طَلَع طَوّالي مِن المويَه. و شوف، السَّما إنفَتَحَت، و هو شاف روح الله نازِل زي حَمامَه، و جاي فوقو.

مَتَّى 8:20

و يَسُوع قال ليهو: ”التَّعالِب عِندَهُم مَحَلّات النّوم، و طُيور السَّما عِندَهُم مَحَلّات كَمان، لَكِن إبن الإنسان ما عِندو مَحَل يَخُت رَاسو فيهو.“

مَرْقُس 1:10

و يَسُوع، لَمّا طَلَع مِن المويَه، طَوّالي شاف السَّما مَفتوحَه، و الرّوح نازِل زي حَمامَه فوقو.

لُوقَا 3:21

و لَمّا كُل النّاس إتعَمَّدو، و بَعَد ما يَسُوع كَمان إتعَمَّد، و وَكِت ما كان بِصَلّي، السَّما إنفَتَحَت.

يُوحَنَّا 1:51

و قال ليهو: ”الحَق الحَق أقول ليكُم، بِتشوفو السَّما مَفتوحَه، و مَلائِكَة الله بِطلَعو و بِنزِلو عَلى إبن الإنسان.“

أعمال الرُّسُل 10:11

و شاف السَّما مَفتوحَه، و حاجَه زي مِلايَه كَبيرَه تَنزِل لِلأرض، مَربوطَه بِأربَعَه أركان.

أعمال الرُّسُل 10:16

و حَصَل كِدا تلاتَه مَرّات، و بَعَد دا طَوّالي رَفَعوها لِلسَّما.

أعمال الرُّسُل 7:57

و هُم كورَكو بِصوت عالي، و قَفَلو إضنينُم، و هَجَمو عَليهو بِفِكر واحِد.

رؤيا 11:19

و هيكَل الله الفي السَّما إنفَتَح، و تابوت الإتِّفاق ظَهَر في هيكَل الله. و حَصَل بُروق و أصوات و رُعود و زَلزَلَه و بَرَد تَقيل.

رؤيا 19:11

و بَعدين شُفتَ السَّما مَفتوحَه. و شوف! حُصان أبيَض، و الرّاكِب فوقو إسمو، الأمين و الصّادِق. و هو يَحكُم و يَحارِب بِالعَدل.

رؤيا 4:1

و بَعَد دا عايَنتَ. و شوف! كان في باب مَفتوح في السَّما. و الصّوت الأوَّل، السِّمِعتو يَكَلِّمني زي صوت بوق، قال: ”اطلَع هِنا، و أنا بَوَرّيك حاجات لازِم تَحصَل بَعَد دا.“