أعمال الرُّسُل 6:14 - كِتاب العَهد الجَّديد مِن الكِتاب المُقَدَّس

¹⁴ عَشان سِمِعناهو يَقول يَسُوع النّاصِري دا بِخَرِّب المَحَل دا و بِغَيِّر العادات السَّلَّما لينا مُوسَى.“

أعمال الرُّسُل 6:14 Iomraidhean Croise

مَتَّى 26:61

و قالو: ”الزّول دا قال: أنا بَقدَر أخرَب هيكَل الله، و أبنيهو في تَلاتَة أيام.“

مَرْقُس 14:58

”نِحنا سِمِعناهو يَقول: أنا بَخرَب الهيكَل دا المَصنوع بِالإيد، و بَعَد تَلاتَة أيام أبني واحِد تاني، ما مَصنوع بِالإيد.“

لُوقَا 21:24

و يَقَعو بِالسّيف، و يَكونو مَسجونين لِكُل الأُمَم. و الأُمَم يَدوسو أُورُشَلِيم تِحِت كِرعينُم، لِغايَة ما وَكِت الأُمَم بِتِم.

لُوقَا 21:6

”بِخُصوص الحاجات دي الإنتو تَشوفوها، الوَكِت بِجي لَمّا ما بِخَلّو حَجَر فوق حَجَر الما بِرموهو تِحِت.“

يُوحَنَّا 2:19

يَسُوع رَدَّ و قال ليهُم: ”كَسِّرو الهيكَل دا، و أنا أبنيهو في تَلاتَة أيام.“

يُوحَنَّا 4:21

يَسُوع قال ليها: ”يا سِت، صَدِقيني، تَجي السّاعَه، الما في الجَّبَل دا ولّا في أُورُشَلِيم يَعبُدو الأبو.

أعمال الرُّسُل 15:1

و بَعض مِن الرُّجال نَزَلو مِن اليَهُودِيَّه لِأَنْطَاكِيَه، و كانو بِعَلِّمو الأخوان و يَقولو: ”إن كان ما تَكونو مُطَهَّرين حَسَب عادَة مُوسَى، ما بِتَقدَرو تَخلَصو.“

أعمال الرُّسُل 21:21

و ناس خَبَّروهُم كيف إنتَ بِتعَلِّم كُل اليَهود السّاكنين بين الأُمَم عَشان يَسيبو مُوسَى، و بِتقول ليهُم أن ما يَطَهِّرو أولادُم، و ما يَمشو حَسَب العادات.

أعمال الرُّسُل 25:8

و بُولُس قال في رَدّو: ”أنا ما عَمَلتَ خَطيَّه ضِد قانون اليَهود ولّا ضِد الهيكَل ولّا ضِد قَيصَر.“

أعمال الرُّسُل 26:3

و خُصوصاً فِشان إنتَ بِتَعرِف كُل العادات و القَضايا بين اليَهود. عَلَشان كِدا، بَطلُب ليك تَسمَعني بِالصَّبر.

أعمال الرُّسُل 28:17

و بَعَد تَلاتَة أيام، بُولُس نادى كُبار اليَهود. و لَمّا إتلَمّو، قال ليهُم: ”يا رُجال و أخوان، أنا ما سَوّيت شي ضِد الشَّعب، و لا ضِد عادات أبَهاتنا. لَكِن خَتّوني في السِّجِن في أُورُشَلِيم، و سَلَّموني لِإيدين ناس رومانيين.

غَلَاطِيَّه 3:19

عَلَشان كِدا لِشِنو القانون؟ الله زادو بِسَبَب الذُّنوب، لِغايَة ما الوَلَد الهو وَعَد بيهو يَجي. القانون جا بِتَرتيب مَلائكَه عَلى إيد وَسيط.

غَلَاطِيَّه 3:23

و لَكِن قُبّال ما الإيمان جا، نِحنا كُنّا مَحفوظين تِحِت القانون، و مَقفول عَلينا حَتّى الإيمان الجّاي يَظهَر.