أعمال الرُّسُل 6:11 - كِتاب العَهد الجَّديد مِن الكِتاب المُقَدَّس

¹¹ و هُم أدّو هَدِيَّه بِالسِّر لِرُجال عَشان يَقولو: ”نِحنا سِمِعناهو يتكَلَّم بِكَلام بَطّال ضِد مُوسَى و ضِد الله.“

أعمال الرُّسُل 6:11 Iomraidhean Croise

يُوحَنَّا 1:17

عَشان الله أدّا القانون بِمُوسَى، لَكِن النِّعمَه و الحَق جو بِيَسُوع المَسيح.

يُوحَنَّا 16:3

و بيَعمِلو بيكُم كِدا فِشان هُم ما عِرفو الأبو ولّا عِرفوني.

يُوحَنَّا 9:29

نِحنا بِنَعرِف الله كَلَّم مُوسَى، لَكِن الزّول دا، نِحنا ما عارفين هو مِن وين.“

أعمال الرُّسُل 15:21

عَشان مِن الزَّمَن القَديم، بِبَشِّرو بِمُوسَى في كُلّو مَدينَه، و بِقروهو في بُيوت الرَّب كُلّو سَبِت.“

أعمال الرُّسُل 18:6

لَكِن لَمّا اليَهود كانو بِقاوِمو و بِشتِموهو، بُولُس هَز هِدومو و قال ليهُم: ”دَمّكُم عَلى روسينكُم! أنا بِدون ذَنب. و مِن هَسَّع بَمشي لِلأُمَم.“

أعمال الرُّسُل 21:28

و كورَكو: ”يا رُجال إِسْرَائِيل، ساعِدونا! دا هو الرّاجِل البِعَلِّم كُل النّاس في كُلّو مَكان ضِد الشَّعب و القانون و المَحَل دا. و هو كَمان جاب ناس إغريقيين لِلهيكَل، و نَجَّس المَحَل المُقَدَّس دا.“

أعمال الرُّسُل 25:3

و طَلَبو مِنّو يَعمِل مَعروف، و يَرَسِّل بُولُس لِأُورُشَلِيم، عَلَشان هُم قَطَعو الدَرِب عَشان يَكتُلوهو.

أعمال الرُّسُل 25:7

و لَمّا بُولُس جا، اليَهود النَّزَلو مِن أُورُشَلِيم وَقَفو حَواليهو، و قَدَّمو عَليهو شَكاوي كَتيرَه و صَعبَه. و ما قِدرو يَثَبِّتوها.

أعمال الرُّسُل 26:11

و مَرّات كَتيرَه كُنتَ بَعاقِبُم في كُلّو بُيوت الرَّب، و جَرَّبتَ أعمِلُم يَجَدِّفو الله. و عَشان زِعِلتَ مِنَّهُم شَديد، كُنتَ بَطرُدُم حَتّى لِلبِلاد الفي بَرَّه.

أعمال الرُّسُل 6:10

و ما قِدرو يَقولو أي شي ضِد حِكمَة اسْتِفَانُوس ولّا الرّوح الكان بِتكَلَّم بيهو.

أعمال الرُّسُل 6:12

و حَرَّكو النّاس و الشُّيوخ و مُعَلِّمين القانون. و قامو و قَبَضو عَليهو، و جابوهو لِلمَجِلس.

أعمال الرُّسُل 6:13

و جابو شاهِدين كِضِب البِقولو: ”الرّاجِل دا ما بِوَقِّف أبَداً يتكَلَّم كِلمات بَطّالَه ضِد المَحَل المُقَدَّس دا و ضِد القانون.

رُومِيَه 3:8

لِشِنو ما نَقول: ”خَلّونا نَعمِل الشَّر عَشان الخير بِجي؟“ و بَعَد النّاس يَكَضِّبو عَلينا، و يَقولو أن نِحنا نَقول كِدا. دينونَة النّاس ديل عادِل.

١ تِيمُوثَاوُس 1:13

مَعَ إنّي كُنتَ بَجَدِّف و بَطرُد و بَشتِم مِن قُبّال. و لَكِن لِقيت رَحمَه عَلَشان أنا عَمَلتَ داك لَمّا كُنتَ بِدون مَعرِفَه و ما عِندي إيمان.