أعمال الرُّسُل 5:36 - كِتاب العَهد الجَّديد مِن الكِتاب المُقَدَّس

³⁶ عَشان قُبّال الأيام دي، قام توداس، القال عَن نَفسو، هو كَبير. و بَعض مِن الرُّجال إتلَمّو ليهو أُربُعمِيَّه تَقريباً. لَكِن هو كان مَكتول، و كُل المَشو وَراهو أتفَرتَقو، و كُلّو بِقو كَلام فاضي.

أعمال الرُّسُل 5:36 Iomraidhean Croise

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

مَتَّى 24:26

عَشان دا، إذا هُم بِقولو ليكُم: هو في الخَلا، ما تَمرُقو. ولّا: أهو دا، في جُوَّه البيت دا، ما تَصَدِّقو.

مَتَّى 24:5

عَشان ناس كُتار بِجو بِإسمي و يَقولو: أنا هو المَسيح، و يَغِشّو ناس كُتار.

أعمال الرُّسُل 21:38

ما إنتَ المَصري القام بِفِتنَه قُبّال الأيام دي؟ و مَرَق لِلخَلا مَعَ أربَعَة آلاف راجِل مِن الكاتِلين؟“

أعمال الرُّسُل 5:35

في الوَكِت دا قال ليهُم: ”يا رُجال إِسْرَائِيل، خَلّو بالكُم بِالإنتو دايرين تَعمِلو بِالرُّجال ديل.

أعمال الرُّسُل 8:9

و لَكِن كان في راجِل في المَدينَه إسمو سيمون الكان بيَعمِل عَمَل السِّحر قُبّال دا، و ناس السَّامِرَه إستَغرَبو مِنّو. و هو قال إنّو زول كَبير.

غَلَاطِيَّه 2:6

و لَكِن المُحتَرمين ما زادو و لا شي لِبِشارتي. و المُحتَرمين كانو شِنو ما بِهِمّني، عَشان الله ما بِشوف الوشوش.

غَلَاطِيَّه 6:3

و إذا واحِد يَفتَكِر نَفسو حاجَه، و هو ما حاجَه، هو بِغِش نَفسو.

٢ بُطْرُس 2:18

عَشان هُم يِتكَلَّمو بِكِلمات مِتكَبِّرَه و فاضيَه. و يَغِشّو بِشَهوات الجِّسِم و الخَراب، النّاس القَرَّبو يَنجو مِن ديل البِعيشو في الغَلطَه.

٢ بُطْرُس 2:2

و كَتيرين ماشين يَتبَعو طُرُقُم البِخَرِّبو. و بِالسَّبَب دا النّاس يَجَدِّفو عَلى طَريق الحَق.

يَهُوذَا 1:16

و ديل يَشتَكو و يَنَقنِقو، و هُم يَمشو حَسَب شَهوَاتُم. و خُشومُم يِتكَلَّمو بِكِلمات كِبِر، و يَشوفو الوشوش فِشان الفايدَه.

رؤيا 17:3

و المَلاك شَالني بِالرّوح لِلخَلا. و شُفتَ مَرَه قاعِدَه عَلى وَحَش أحمَر. و الوَحَش كان مَليان أسامي تَجديف، و عِندو سَبعَه رؤوس و عَشَرَه قُرون.

رؤيا 17:5

و مَكتوب عَلى جَبهَتا إسم سِرّي: ”بابِل العَظيمَه، أُم الزّانين و الحاجات المَكروهَه في الأرض.“