أعمال الرُّسُل 4:29 - كِتاب العَهد الجَّديد مِن الكِتاب المُقَدَّس

²⁹ و هَسَّع، يا رَب، شوف تَهديدُم و أَدِّي خَدّامينَك أن يِتكَلَّمو بِكِلمَتَك بِشَجاعَه كَتيرَه.

أعمال الرُّسُل 4:29 Iomraidhean Croise

أعمال الرُّسُل 13:46

و بُولُس و بَرْنَابَا رَدّو عَليهُم بِشَجاعَه و قالو: ”كان لازِم نَكَلِّمكُم بِكِلمَة الله في الأوَّل. و لَكِن عَلَشان إنتو أبيتوها، و حَكَمتو عَلى نُفوسكُم أنَّكُم ما مُستَحِقّين لِلحَياة الأبَديَّه، شوفو! نَدَوِّر لِلأُمَم.

أعمال الرُّسُل 14:3

و بُولُس و بَرْنَابَا قَعَدو وَكِت طَويل، يِتكَلَّمو بِدون خوف عَن الرَّب. و الرَّب كان بِشهَد لِكِلمَة نِعمَتو، و بِدّيهُم قُوَّه لِيَعمِلو عَلامات و عَجايِب.

أعمال الرُّسُل 19:8

و بُولُس دَخَل بيت الرَّب. و كان بِتكَلَّم بِدون خوف مُدَّة تلاتَه شُهور، يِتفاكَر و يَرَضّي عَن حاجات مَلَكوت الله.

أعمال الرُّسُل 26:26

و المَلِك بِيَعرِف بِالحاجات دي، و أنا بَقدَر أتكَلَّم قِدّامو بِالحُرّيَّه. و ما بَصَدِّق أي حاجَه مِن داك مَدسوسَه مِنّو، عَلَشان دا ما حَصَل في رُكن.

أعمال الرُّسُل 28:31

و كان بِبَشِّر بِمَلَكوت الله، و بِعَلِّم البِخُص بِالرَّب يَسُوع المَسيح بِدون خوف، و ما في واحِد يَمنَعو.

أعمال الرُّسُل 4:13

و لَمّا شافو شُجاعَة بُطْرُس و يُوحَنَّا، و لِقوهُم رُجال ما مِتعَلِّمين و زي أي زول تاني، هُم إتعَجَّبو. و عِرفوهُم كانو مَعَ يَسُوع.

أعمال الرُّسُل 4:21

و بَعَد ما هَدَّدوهُم زِيادَه، فَكّوهُم. و هُم ما قِدرو يَلقو كيف يَعمِلو ليهُم حاجَه بَطّالَه بِسَبَب النّاس. عَلَشان كُل النّاس كانو بِمَجِّدو الله عَلى الحَصَل.

أعمال الرُّسُل 4:31

و لَمّا صَلّو، المَحَل الهُم كانو بِتلَمّو فيهو إتهَزَّ. و كُلُّهُم إتمَلو مِن الرّوح القُدُس. و كانو بِيِتكَلَّمو بِكَلام الله بِشَجاعَه.

أعمال الرُّسُل 9:27

لَكِن بَرْنَابَا اَخَدو و جابو لِلرُّسُل، و حَكى ليهُم كيف شَاوُل شاف الرَّب في السِّكَّه، و إنّو الرَّب كَلَّمو، و كيف بَشَّر بِإسم يَسُوع في دِمَشق بِدون خوف.

أعمال الرُّسُل 9:28

و شَاوُل كان بِدخُل و بِمرُق مَعاهُم في أُورُشَلِيم، و بِبَشِّر بِإسم الرَّب بِدون خوف.

١ كُورِنْثُوس 14:13

بِالسَّبَب دا، الزّول البِتكَلَّم بِلُغَه، خَليهو يَصَلّي عَشان يَتَرجِمو.

٢ كُورِنْثُوس 3:12

و إذا عِندَنا رَجاء زي دا، عِندَنا شَجاعَه كَتيرَه.

فيلِبّي 1:14

و أكتَر الأخوان بِقو مِتأكِّدين في الرَّب بِسَبَب جَنازِيري. و عِندَهُم شَجاعَه أكتَر عَشان يِتكَلَّمو بِكِلمَة الله بِدون خوف.

١ تَسَالُونِيكِي 2:2

و تِعِبنا قَبل كِدا، و شَتَمونا في فيلِبّي، زي ما إنتو عارفين. لَكِن شَجَّعنا في إلَهنا أن نَكَلِّمكُم بِإنجيل الله، و لَو هُم قاوَمونا شَديد.

٢ تِيمُوثَاوُس 4:17

و لَكِن الرَّب وَقَف مَعاي و شَدَّدني عَلَشان أبَشِّر بِالإنجيل، و كُل الأُمَم بِسمَعو. و هو خَلَّصني مِن خَشم الأسَد.