أعمال الرُّسُل 4:21 - كِتاب العَهد الجَّديد مِن الكِتاب المُقَدَّس

²¹ و بَعَد ما هَدَّدوهُم زِيادَه، فَكّوهُم. و هُم ما قِدرو يَلقو كيف يَعمِلو ليهُم حاجَه بَطّالَه بِسَبَب النّاس. عَلَشان كُل النّاس كانو بِمَجِّدو الله عَلى الحَصَل.

أعمال الرُّسُل 4:21 Iomraidhean Croise

مَتَّى 15:31

حَتّى النّاس إستَغرَبو لَمّا شافو النّاس الما بِتكَلَّمو، و النّاس الكانو بِيَمشو بِعَصايَه بِقو طَيبين، و العُرُج بِمشو، و العَميانين بِشوفو. و هُم مَجَّدو الله بِتاع إِسْرَائِيل.

مَتَّى 21:46

و لَمّا جَرَّبو يَمسِكوهو، خافو مِن الجُّموع، عَشان النّاس قالو هو نَبي.

مَتَّى 26:5

و لَكِن قالو: ”مُش في وَكِت العيد، عَشان يِمكِن تَكون في فِتنَه بين النّاس.“

مَتَّى 9:33

و بَعَد ما طَلَّع الشّيطان، الأبكَم إتكَلَّم. و النّاس إستَغرَبو و قالو: ”حاجَه زي دي ما شافوها أبَداً في إِسْرَائِيل.“

مَتَّى 9:8

و لَمّا النّاس شافو دا، إستَغرَبو و مَجَّدو الله الأدّا لِلنّاس سُلطَه زي دي.

لُوقَا 13:17

و لَمّا قال كِدا، كُل عُدوانو بِقو خَجلانين. و كُل النّاس كانو مَبسوطين مِن كُل الأعمال العَظيمَه الهو عَمَلا.

لُوقَا 20:19

و مُعَلِّمين القانون و القُسُس الكُبار طَلَبو أن يَقبُضو عَليهو في زات السّاعَه، و لَكِن خافو مِن النّاس. عَشان فِهمو إنّو قال المَثَل دا عَليهُم.

لُوقَا 20:6

لَكِن إذا قُلنا: مِن النّاس، كُل النّاس بِرمونا بِحُجار، عَشان هُم مِتأكِّدين إنّو يُوحَنَّا نَبي.“

لُوقَا 22:2

القُسُس الكُبار و مُعَلِّمين القانون كانو بِفَتِّشو كيف يَكتُلوهو. عَشان هُم كانو خايفين مِن النّاس.

لُوقَا 5:26

و كُلَّهُم إتعَجَّبو و حَمَدو الله، و كانو خايفين جِدّاً و قالو: ”شُفنا حاجات عَجيبَه النَّهار دا.“

أعمال الرُّسُل 4:17

و لَكِن عَشان ما يِتفَرتَك زِيادَه بين النّاس، خَلّونا نَهَدِّدهُم ما يِتكَلَّمو مَعَ أي واحِد مِن النّاس بَعَد دا، بِالإسِم دا.“

أعمال الرُّسُل 4:22

عَشان الرّاجِل البِقي كوَيس بِسَبَب العَلامَه دي، كان عُمرو أكتَر مِن أربَعين سَنَه.

أعمال الرُّسُل 5:13

و ما في واحِد مِن التّانيين عِندو شَجاعَه حَتّى يوصَل بيهُم. لَكِن النّاس كانو بِحتَرِموهُم.

أعمال الرُّسُل 5:26

عَلَشان كِدا، الرَئيس مَرَق مَعَ الضُّبّاط و جاب الرُّسُل بِدون شِدَّه، عَشان كانو بِخافو مِن النّاس يِمكِن يَضرُبوهُم بِحُجار.

أعمال الرُّسُل 5:40

و هُم إتَّفَقو مَعاهو و نادو الرُّسُل و جَلَدوهُم. و أمَرُم ما يِتكَلَّمو بِإسم يَسُوع. و بَعَد دا خَلّوهُم يَمشو.