أعمال الرُّسُل 3:14 - كِتاب العَهد الجَّديد مِن الكِتاب المُقَدَّس

¹⁴ و لَكِن إنتو نَكَرتو القُدّوس البار، و طَلَبتو مِن بِيلاطُس أن يَدّيكُم راجِل كاتِل النّاس.

أعمال الرُّسُل 3:14 Iomraidhean Croise

مَتَّى 27:20

و القُسُس الكُبار و الشُّيوخ إتكَلَّمو مَعَ النّاس لِغايَة ما إتَّفَقو يَطلُبو بَراباس و يَكتُلو يَسُوع.

مَرْقُس 1:24

و هو كورَك، و قال: ”مالنا و مالَك، يا يَسُوع النّاصِري؟ إنتَ جيت عَشان تَخرِبنا؟ أنا عارِف مِنو إنتَ. إنتَ قُدّوس الله.“

مَرْقُس 15:11

لَكِن القُسُس الكُبار حَرَّكو النّاس عَشان يَطلُبو مِن بِيلاطُس يَفِك ليهُم بَراباس بِدالو.

مَرْقُس 15:7

و كان في راجِل إسمو بَراباس. و كان في السِّجِن مَعَ ناس الفِتنَه الكانو عَمَلو كَتل في الفِتنَه.

لُوقَا 1:35

و المَلاك رَدَّ و قال ليها: ”الرّوح القُدُس بِجي عَليكي، و قُدرَة العالي تَضَلِّلِك. و عَشان كِدا القُدّوس المَولود مِنِّك بِسَمّوهو إبن الله.

لُوقَا 23:25

و فَكَّ ليهُم الزّول الكان إترَمى في السِّجِن بِسَبَب فِتنَه و كَتل، الهُم طَلَبو مِنّو يَفِكّو. و لَكِن سَلّم يَسُوع لِإرادَتُم.

يُوحَنَّا 16:10

و عَلى البِر عَشان أنا ماشي لِأبوي، و إنتو ما بِتشوفوني تاني.

يُوحَنَّا 18:40

و كورَكو تاني مَرَّه و قالو: ”لا، ما الرّاجِل دا، لَكِن بَراباس.“ و بَراباس كان حَرامي.

أعمال الرُّسُل 13:28

و لَمّا ما لِقو عَليهو سَبَب لِلموت، طَلَبو مِن بِيلاطُس أن يَكتُلو.

أعمال الرُّسُل 2:27

عَلَشان إنتَ ما بِتخَلّي نَفسي في الهاويَه، ولّا تَخَلّي قُدّوسَك يَرجَع لِلتُّراب.

أعمال الرُّسُل 22:14

و هو قال: ’إلَه أبَهاتنا إختارَك عَشان تَعرِف إرادتو و تَشوف البار و تَسمَعو يتكَلَّم بِصوتو.

أعمال الرُّسُل 4:27

بِالحَق هِيرُودُس و بِيلاطُس البُنْطي إتلَمّو مَعَ الأُمَم و ناس إِسْرَائِيل في المَدينَه دي، ضِد خَدّامَك القُدّوس يَسُوع الأنتَ مَسَحتو،

أعمال الرُّسُل 5:28

و قال: ”أدّيناكُم أمر ما تَعَلِّمو بِالإسم دا. لَكِن شوفو، إنتو مَليتو أُورُشَلِيم بِتَعليمكُم، و عاوزين تَخُتّو عَلينا دَم الإنسان دا.“

أعمال الرُّسُل 7:52

ياتو نَبي مِن الأنبياء، أبَهاتكُم ما طَرَدوهو؟ و هُم كَتَلو النّاس الإتنَبّو مِن قُبّال بِالبار الجّاي. و هَسَّع إنتو نَكَرتوهو و كَتَلتوهو.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

يَعْقُوب 5:6

حَكَمتو عَلى البار و كَتَلتوهو. و هو ما يَعاكِسكُم.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

١ يُوحَنَّا 2:1

يا أولادي، أكتِب ليكُم دا عَشان ما تَعمِلو خَطيَّه. و لَكِن إذا واحِد يَعمِل خَطيَّه، عِندَنا وَسيط مَعَ الأبو، يَسُوع المَسيح البار.

رؤيا 3:7

و أكتِب كَمان لِمَلاك الكَنيسَه الفي فِيلَادَلْفِيَا: ديل الحاجات البِقولو القُدّوس الحَقيقي، العِندو مُفتاح دَاوُد. و هو يَفتَح و ما في واحِد يَقفِل، و يَقفِل و ما في واحِد يَفتَح.