أعمال الرُّسُل 28:4 - كِتاب العَهد الجَّديد مِن الكِتاب المُقَدَّس

⁴ و لَمّا ناس الجَّزيرَه شافو الدَّبيب مَسَك بِإيدو، قالو بَعضَهُم لِبَعض: ”ما في شَك الزّول دا كاتِل النّاس، و لَو هو مُخَلَّص مِن البَحَر، العَدِل ما خَلّاهو يَعيش.“

أعمال الرُّسُل 28:4 Iomraidhean Croise

مَتَّى 23:35

و كِدا، كُلّو دَم البارين الجَّرى عَلى الأرض بِجي عَليكُم، مِن دَم هابيل البار لِدَم زَكَرِيَّا إبن بَرَخِيّا الإنتو كَتَلتوهو بين المَحَل القُدّوس و مَحَل الضَّبيحَه.

مَتَّى 27:25

و كُل النّاس قالو: ”دَمّو عَلينا و عَلى أولادنا!“

لُوقَا 13:2

و رَدَّ و قال ليهُم: ”تَفتَكِرو الجَّليليّين ديل كانو خاطيين أكتَر مِن كُل الجَّليليّين التّانيين عَشان تِعِبو كِدا؟

لُوقَا 13:4

ولّا التَّمَنطاشَر ديل الوَقَع عَليهُم البِنَا العالي في سِلْوَام و كَتَلُم. تَفتَكِرو هُم كانو خاطيين أكتَر مِن كُل النّاس القاعِدين في أُورُشَلِيم؟

يُوحَنَّا 7:24

ما تَحكُمو زي ما تَشوفو مِن بَرَّه، لَكِن أحكُمو حُكم عادِل.“

أعمال الرُّسُل 28:2

و ناس الجَّزيرَه عَمَلو لينا مَعروف فوق العادَه، عَشان هُم وَلَّعو نار و قِبلو كُلُّنا، عَشان الدُّنيا كانَت مَطَرَه و كان في بَرد.

أعمال الرُّسُل 28:3

و بُولُس جَمَع شوَيَة خَشَب، و خَتّاها عَلى النّار. و دَبيب مَرَق بِسَبَب الحَر، و مَسَكو بِإيدو.

أعمال الرُّسُل 28:5

لَكِن بُولُس هَزَّ الدَّبيب لِلنّار و ما كان في عَوَجَه.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“