أعمال الرُّسُل 28:31 - كِتاب العَهد الجَّديد مِن الكِتاب المُقَدَّس

³¹ و كان بِبَشِّر بِمَلَكوت الله، و بِعَلِّم البِخُص بِالرَّب يَسُوع المَسيح بِدون خوف، و ما في واحِد يَمنَعو.

أعمال الرُّسُل 28:31 Iomraidhean Croise

مَتَّى 4:23

و يَسُوع كان ماشي في كُل الجَّليل، و بِعَلِّم في بِيوت الرَّب، و بِبَشِّر بِشارات المَلَكوت، و يَشيل كُلّو عَيى مِنَّهُم و كُلّو ضُعف في وَسط النّاس.

مَرْقُس 1:14

و بَعَد ما يُوحَنَّا كان مَحبوس، يَسُوع جا لِلجَّليل، و بَشَّر بِإنجيل الله.

لُوقَا 8:1

و بَعَد شوَيَه، كان بِمُر عَلى كُلّو مَدينَه و حِلَّه يَنادي و يَبَشِّر بِمَلَكوت الله. و الإتناشَر كانو مَعاهو،

أعمال الرُّسُل 1:3

و بَعَد تَعبو، هو وَرّا نَفسو ليهُم و أدّا ليهُم بينات كَتيرَه الوَرّاهُم هو حَي. و هو كان بِبَيِّن نَفسو ليهُم مُدَّة أربَعين يوم، و بِكَلِّمُم عَن حاجات مَلَكوت الله.

أعمال الرُّسُل 20:25

و هَسَّع شوفو، أنا بَعرِف إنتو ما بِتشوفو وَشّي تاني مَرَّه، إنتو، يا كُل الأنا مَشيت بِينُم بَبَشِّر بِالمَلَكوت.

أعمال الرُّسُل 23:11

و في اللّيل البَعدو، الرَّب وَقَف جَمبو و قال ليهو: ”شِد حيلَك، زي ما شِهِدتَ لَي في أُورُشَلِيم، كِدا، لازِم تَشهَد في رُومِيَه كَمان.“

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

أعمال الرُّسُل 28:30

و بُولُس قَعَد سَنَتين كُلّو في بيت هو أجَّرو لِنَفسو. و كان بِقبَل كُل البِدخُلو ليهو.

أعمال الرُّسُل 4:29

و هَسَّع، يا رَب، شوف تَهديدُم و أَدِّي خَدّامينَك أن يِتكَلَّمو بِكِلمَتَك بِشَجاعَه كَتيرَه.

أعمال الرُّسُل 4:31

و لَمّا صَلّو، المَحَل الهُم كانو بِتلَمّو فيهو إتهَزَّ. و كُلُّهُم إتمَلو مِن الرّوح القُدُس. و كانو بِيِتكَلَّمو بِكَلام الله بِشَجاعَه.

أعمال الرُّسُل 5:42

و كانو كُلّو يوم في الهيكَل و في البُيوت، و ما بَطَّلو أبَداً بِعَلِّمو و بِبَشِّرو بِيَسُوع المَسيح.

أعمال الرُّسُل 8:12

و لَكِن لَمّا صَدَّقو فِيلُبُّس، و هو بِبَشِّرُم بِمَلَكوت الله و بِإسم يَسُوع المَسيح، هُم إتعَمَّدو، رُجال و نِسوان.

فيلِبّي 1:14

و أكتَر الأخوان بِقو مِتأكِّدين في الرَّب بِسَبَب جَنازِيري. و عِندَهُم شَجاعَه أكتَر عَشان يِتكَلَّمو بِكِلمَة الله بِدون خوف.

٢ تِيمُوثَاوُس 2:9

و فِشانّو أنا بَتحَمَّل التَّعب حَتّى الجَّنازِير زي مُذنِب. لَكِن كِلمَة الله ما مَربوطَه.

٢ تِيمُوثَاوُس 4:17

و لَكِن الرَّب وَقَف مَعاي و شَدَّدني عَلَشان أبَشِّر بِالإنجيل، و كُل الأُمَم بِسمَعو. و هو خَلَّصني مِن خَشم الأسَد.