أعمال الرُّسُل 27:2 - كِتاب العَهد الجَّديد مِن الكِتاب المُقَدَّس

² و رِكِبنا مُركَب مِن أَدْرَامِيت قَرَّبَت تَسافِر لِلمَحَلّات عَلى الطَّرف، الفي آسيا. و أرَستَرخُس، راجِل مِكِدوني مِن تَسَالُونِيكِي، كان مَعانا.

أعمال الرُّسُل 27:2 Iomraidhean Croise

لُوقَا 8:22

و في يوم مِن الأيام، دَخَل المُركَب، هو و تَلاميذو، و قال ليهُم: ”خَلّونا نَمشي لِلجَّمب الآخِر مِن البَحَر.“ و سافَرو.

أعمال الرُّسُل 16:17

و هي مَشَت وَرا بُولُس و الكانو مَعاهو، و كُورَكَت و قالَت: ”الرُّجال ديل، هُم خَدّامين الله العالي، و يَبَشِّروكُم بِطَريق الخَلاص.“

أعمال الرُّسُل 17:1

و بَعَد ما مَرّو بِأَمْفِيبُولِيس و أَبُولُونِيَّه، جو لِتَسَالُونِيكِي. و كان فيها بيت الرَّب اليَهودي.

أعمال الرُّسُل 19:19

و كَتيرين مِن الإشتَغَلو بِالسِّحِر، جَمَعو الكُتُب و حَرَقوها قِدّام النّاس. و لَمّا حَسبو التَّمَن، لِقو الجُّملَه خَمسين ألف حِتَّت مِن الفِضَّه.

أعمال الرُّسُل 19:29

و المَدينَه إتمَلَت دَوشَه. و كُلُّهُم جَرو مَعَ بَعض لِمَحَل اللِعب، و قَبَضو غَايُوس و وَأَرِسْتَرْخُس مِن مَكِدونيَّه، صاحِبين بُولُس في السَّفَر.

أعمال الرُّسُل 2:9

نِحنا ناس فَرتيَّه و ناس ماديَّه و ناس عِلاميَّه و ناس السّاكنين في العِراق و في اليَهُودِيَّه و في كَبَّدوكيَّه و في بُنتُس و في آسيا.

أعمال الرُّسُل 21:5

و لَكِن لَمّا الوَكِت فات، مَرَقنا و مَشينا. و كُلُّهُم مَشو مَعانا مَعَ النِّسوان و الأولاد لِبَرَّه المَدينَه. و رَكَعنا عَلى رُكبَتينا عَلى الرَّملَه و صَلينا.

أعمال الرُّسُل 28:10

و إحتَرمونا بِإحتِرام عَظيم. و لَمّا سافَرنا، قَدَّمو لينا الحاجات المُحتاجين ليها.

أعمال الرُّسُل 28:12

و نَزَلنا في سِرَكوسا و قَعَدنا تَلاتَة أيام.

أعمال الرُّسُل 28:16

و لَمّا دَخَلنا رُومِيَه، أدّو إذِن لِبُولُس يَقعُد بَراهو مَعَ العَسكَري الكان بِحرَسو.

أعمال الرُّسُل 28:2

و ناس الجَّزيرَه عَمَلو لينا مَعروف فوق العادَه، عَشان هُم وَلَّعو نار و قِبلو كُلُّنا، عَشان الدُّنيا كانَت مَطَرَه و كان في بَرد.

كُولُوسِّي 4:10

وَأَرِسْتَرْخُس، المَحبوس مَعاي، يَسَلِّم عَليكُم، و مَرْقُس كَمان و هو إبن أُخُت بَرْنَابَا. و إنتو قِبِلتو أوامِر عَنّو، و إذا جا ليكُم، أقبَلوهو.

فِلِيمُون 1:24

و كَمان مَرْقُس و أَرِسْتَرْخُس و دِيمَاس و لُوقَا العامِلين مَعاي.