أعمال الرُّسُل 27:1 - كِتاب العَهد الجَّديد مِن الكِتاب المُقَدَّس

¹ و لَمّا كانو دايرين نَسافِر بِمُركَب لِإِيطَالِيَه، سَلَّمو بُولُس و مَسجونين تانيين لِرَئيس العَساكِر، إسمو يُولِيُوس مِن قِسم أُغُسْطُس.

أعمال الرُّسُل 27:1 Iomraidhean Croise

مَتَّى 27:54

و لَمّا رَئيس الجّيش و المَعاهو الكانو يَحرَسو يَسُوع شافو الزَّلزَلَه و الحَصَل، كانو خايفين جِدّاً، و قالو: ”بِالحَق، دا كان إبن الله!“

لُوقَا 23:47

و رَئيس الجّيش لَمّا شاف الحَصَل، مَجَّد الله و قال: ”بِالحَق الإنسان دا كان بار.“

لُوقَا 7:2

و رَئيس الجّيش كان عِندو خَدّام مَحبوب ليهو. و كان عَيّان قَريب لِلموت.

أعمال الرُّسُل 10:1

و كان في قَيْصَرِيَّه راجِل إسمو كَرْنِيلِيُوس، رَئيس الجّيش مِن القِسم الإسمو الإيطاليَّه.

أعمال الرُّسُل 10:22

و الرُّجال قالو: ”جينا مِن كَرْنِيلِيُوس، رَئيس الجّيش. هو راجِل صالِح و يَخاف الله. و كُل اليَهود بِشهَدو ليهو. و مَلاك مُقَدَّس جا ليهو، و حَزَّرو أن يَناديك عَشان تَجي لِبيتو، و هو يَسمَع كَلام مِنَّك.“

أعمال الرُّسُل 16:10

”تَعال لِمَكِدونيَّه و ساعِدنا.“ و طَوّالي لَمّا بُولُس شاف الرّؤيَه، طَلَبنا نَمشي لِمَكِدونيَّه عَشان إتأكَّدنا أن الرَّب نادانا لِنَبَشِّرُم.

أعمال الرُّسُل 18:2

و لِقى يَهودي إسمو أَكِيلَا، بُنْطي الجِّنس. و هو كان جا في وَكِت قَريب مِن إِيطَالِيَه مَعَ بِرِيسْكِلا، مَرَتو. عَلَشان كُلُودِيُوس كان أمَر كُل اليَهود يَمشو مِن رُومِيَه. و بُولُس جا ليهُم.

أعمال الرُّسُل 19:21

و لَمّا الحاجات دي تَمَّت، بُولُس قَرَّر بِروحو أن يَمشي لِأُورُشَلِيم بَعَد ما مَرَّ بِمَكِدونيَّه و أَخَائِيَه. و قال: ”بَعَد ما أمشي هِناك، لازِم أشوف رُومِيَه كَمان.“

أعمال الرُّسُل 21:32

و هو حالاً أخَد عَساكِر و ضُبّاط، و جَرى ليهُم. و لَمّا هُم شافو الرَّئيس و العَساكِر، وَقَّفو يَضرُبو بُولُس.

أعمال الرُّسُل 22:26

و لَمّا رَئيس العَساكِر سِمِع، هو مَشى لِرَئيس الجُّيوش و خَبَّرو و قال: ”إنتَ بِتسَوّي شِنو؟ الرّاجِل دا روماني.“

أعمال الرُّسُل 23:11

و في اللّيل البَعدو، الرَّب وَقَف جَمبو و قال ليهو: ”شِد حيلَك، زي ما شِهِدتَ لَي في أُورُشَلِيم، كِدا، لازِم تَشهَد في رُومِيَه كَمان.“

أعمال الرُّسُل 23:17

و بُولُس نادى واحِد مِن رؤساء العَساكِر و قال: ”أُخُد الشّاب دا لِرَئيس الجُّيوش، عَلَشان هو عِندو شي يَخَبِّرو بيهو.“

أعمال الرُّسُل 24:23

و أمَر رَئيس العَساكِر يَحرَس بُولُس، لَكِن يَدّيهو شوَيَة حُرّيَّه، و ما يَمنَع أي واحِد مِن أصحابو يَخدِمو.

أعمال الرُّسُل 25:12

و بَعَد ما فَسْتُوس إتكَلَّم مَعَ مَجلِسو، رَدَّ عَليهو: ”لِقَيصَر رَفَعتَ طَلَبَك، لِقَيصَر بِتَمشي!“

أعمال الرُّسُل 25:25

و لَكِن أنا لِقيتو ما عَمَل حاجَه تِستَحِق الموت. لَكِن عَلَشانو رَفَع طَلَبو لِلمَلِك قَيصَر، قَرَّرتَ أرَسِّلو لِرُومِيَه.

أعمال الرُّسُل 27:11

و لَكِن رَئيس العَساكِر سِمِع لِرَئيس المُركَب و السيد بِتاعو أكتَر مِن القالو ليهُم بُولُس.

أعمال الرُّسُل 27:43

لَكِن رَئيس العَساكِر، عَلَشان كان عاوِز يَخَلِّص بُولُس، وَقَّفُم مِن فِكرُم. و أمَر البِقدَرو يَعومو يَرمو نُفوسُم في الأوَّل و يَمشو لِلطَّرف.

أعمال الرُّسُل 27:6

و هِناك رَئيس العَساكِر لِقى مُركَب مِن الإسكَندَريَّه تَسافِر لِإيطاليَا، و هو دَخَّلنا فيها.

أعمال الرُّسُل 28:1

و لَمّا وِصِلنا بِسَلامَه، لِقينا الجَّزيرَه إسِما مَالِطَه.

أعمال الرُّسُل 28:16

و لَمّا دَخَلنا رُومِيَه، أدّو إذِن لِبُولُس يَقعُد بَراهو مَعَ العَسكَري الكان بِحرَسو.

عِبرانيين 13:24

سَلِّمو عَلى كُلّو رؤساكُم و عَلى كُل القِدِّسين. و هُم المِن إيطاليَا يَسَلِّمو عَليكُم.