أعمال الرُّسُل 26:23 - كِتاب العَهد الجَّديد مِن الكِتاب المُقَدَّس

²³ يَعني، المَسيح بِتوَجَّع و بِكون هو أوَّل واحِد البِقوم مِن بين المَيِّتين، و يَخَبِّر بِالنّور لِلشَّعب و لِلأُمَم.“

أعمال الرُّسُل 26:23 Iomraidhean Croise

مَتَّى 26:24

صَحيح، إبن الإنسان ماشي زي ما مَكتوب عَنّو. لَكِن حُزن لِلزّول داك اليَسَلِّم إبن الإنسان. كان أحسَن لِلزّول داك إذا ما كان مَولود.“

مَتَّى 27:53

و مَرَقو مِن القُبور بَعَد ما يَسُوع قام، و دَخَلو المَدينَه المُقَدَّسَه، و ظَهَرو لِناس كَتير.

لُوقَا 2:32

النّور اليَنَوِّر لِلأُمَم، و هو مَجد شَعب إِسْرَائِيل.“

لُوقَا 24:26

المَسيح ما كان لازِم يِتوَجَّع بِالحاجات دي و يَدخُل مَجدو؟“

لُوقَا 24:46

و هو قال ليهُم: ”مَكتوب كِدا إنّو المَسيح لازِم يِتوَجَّع و يَقوم مِن بين المَيِّتين في اليوم التّالِت.

يُوحَنَّا 10:18

ما في واحِد ياخُدا مِنّي، لَكِن أنا بَدّيها مِن نَفسي. عِندي سُلطَه لِأدِيها، و عِندي سُلطَه باخُدا كَمان. أنا قِبِلتَ الأمر دا مِن أبوي.“

يُوحَنَّا 11:25

يَسُوع قال ليها: ”أنا هو القيامَه و الحَياة. و البِآمِنو بي، و لَو مات بِكون حَي.

أعمال الرُّسُل 13:34

و بِخُصوص الحَق أن الله قَوَّمو مِن بين المَيِّتين، و هو ما بِرجَع لِلتُّراب، هو قال: أنا بَدّيكُم البَرَكات الأمينَه المُقَدَّسَه بِتاعَت دَاوُد.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

أعمال الرُّسُل 26:8

لِشِنو واحِد مِنَّكُم يَفتَكِر ما مُمكِن يَصَدِّق أن الله بِقَوِّم المَيِّتين؟

أعمال الرُّسُل 3:18

و كِدا الله عَمَل الهو كَلَّمنا بيهو مِن قُبّال بِخَشم كُل الأنبياء إنّو مَسيحو لازِم يَتعَب.

أعمال الرُّسُل 3:24

و كِدا كُل الأنبياء مِن صَمُوئِيل و النّاس الإتكَلَّمو بَعدو، إتنَبّو بِالأيام دي.

١ كُورِنْثُوس 15:3

عَشان سَلَّمتَ ليكُم في الأوَّل القِبِلتو أنا كَمان، إنّو المَسيح مات فِشان خَطايانا بِحَسَب الكُتُب.

٢ كُورِنْثُوس 4:4

و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

كُولُوسِّي 1:18

و هو راس الجِّسِم، الكَنيسَه. هو البِدايَه و البِكر مِن بين المَيِّتين، عَشان هو يَكون مِتقَدِّم في كُلّو حاجَه.

عِبرانيين 2:10

و كان كُلّو شي عَشان خاطِر الله، و بيهو كان كُلّو شي. و كِدا، كان مُستَحِق ليهو، لَمّا يَجيب أولاد كَتيرين لِلمَجد، يَعمِل رَئيس خَلاصُم كامِل بِالأتعاب.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.