أعمال الرُّسُل 26:11 - كِتاب العَهد الجَّديد مِن الكِتاب المُقَدَّس

¹¹ و مَرّات كَتيرَه كُنتَ بَعاقِبُم في كُلّو بُيوت الرَّب، و جَرَّبتَ أعمِلُم يَجَدِّفو الله. و عَشان زِعِلتَ مِنَّهُم شَديد، كُنتَ بَطرُدُم حَتّى لِلبِلاد الفي بَرَّه.

أعمال الرُّسُل 26:11 Iomraidhean Croise

مَتَّى 10:17

لَكِن خَلّو بالكُم مِن النّاس، عَشانُم بِسَلِّموكُم لِلمَجالِس، و بِجلِدوكُم في بِيوت الرَّب بِتوعُم،

مَرْقُس 13:9

لَكِن إنتو، خَلّو بالكُم لِنُفوسكُم، عَشان هُم بِسَلِّموكُم لِلمَحاكِم، و يَضرُبوكُم في بُيوت الرَّب. و بِتقومو قِدّام مُديرين و مُلوك فِشانّي أنا، عَشان تَكونو شَهادَه ليهُم.

مَرْقُس 3:28

الحَق أقول ليكُم، كُل الخَطايا بِتكون مَغفورَه لِأولاد النّاس، و الشَّتايِم اليَشتِمو بيها.

لُوقَا 15:17

و لَمّا رَجَع لِنَفسو، قال: كَم مِن النّاس الأبوي بِأجِّرُم عِندَهُم أكِل زِيادَه خالِص، و أنا هِنا بَموت مِن الجوع.

لُوقَا 21:12

لَكِن قُبّال دا كُلّو، بِمسِكوكُم و يَطرُدوكُم، و بِسَلِّموكُم لِبِيوت الرَّب و السُّجون. و بِسوقوكُم قِدّام المُلوك و المُديرين فِشان إسمي.

لُوقَا 6:11

لَكِن هُم كانو زَعلانين جِدّاً، و إتكَلَّمو بَعضَهُم لِبَعض بيَعمِلو شِنو بِيَسُوع.

أعمال الرُّسُل 13:45

و لَمّا اليَهود شافو ناس كُتار، إتمَلو حَسَد، إبتَدو يَقاوِمو القالو بُولُس، و يَجَدِّفو.

أعمال الرُّسُل 18:6

لَكِن لَمّا اليَهود كانو بِقاوِمو و بِشتِموهو، بُولُس هَز هِدومو و قال ليهُم: ”دَمّكُم عَلى روسينكُم! أنا بِدون ذَنب. و مِن هَسَّع بَمشي لِلأُمَم.“

أعمال الرُّسُل 22:19

و قُلتَ: ’يا رَب، هُم بِيَعرِفو أنا كُنتَ بَخُت في السِّجِن البِآمِنو بيك، و بَضرُبُم في كُلّو بيت الرَّب.

أعمال الرُّسُل 22:5

و رَئيس القُسُس و كُلّو مَجلِس الشُّيوخ يَقدَرو يَشهَدو لَي بِداك. و أخَدتَ مِنَّهُم جَوابات لِلأخوان في دِمَشق. و مَشيت لِدِمَشق عَشان أجيب النّاس ديل بِجَنازِير لِأُورُشَلِيم عَشان يَعاقِبوهُم.

أعمال الرُّسُل 9:1

لَكِن شَاوُل كان لِسَّع يتكَلَّم تَهديد، و كَلام كَتَل ضِد تَلاميذ الرَّب. و هو مَشى لِرَئيس القُسُس.

يَعْقُوب 2:7

ما هُم البِجَدِّفو عَلى الإسِم المُحتِرَم البِسَمّوكُم بيهو؟

٢ بُطْرُس 2:16

لَكِنّو كان مَوَبَّخ عَلى خَطِيَّتو لَمّا حُمار ما عِندو صوت إتكَلَّم بِصوت إنسان و مَنَع بَلادَة النَّبي.