أعمال الرُّسُل 24:14 - كِتاب العَهد الجَّديد مِن الكِتاب المُقَدَّس

¹⁴ و لَكِن بَعتَرِف ليكُم بِدا، أنا بِحَسَب الطَّريق البِسَمّوهو حِزب، أعبُد إلَه أبَهاتنا. و بآمِن بِكُل المَكتوب في القانون و الأنبياء.

أعمال الرُّسُل 24:14 Iomraidhean Croise

مَتَّى 10:32

كِدا، كُل البِشهَد بي قِدّام النّاس، أنا كَمان بَشهَد بيهو قِدّام أبوي الفي السَّما.

مَتَّى 22:40

بِالأوامِر ديل، كُل القانون و الأنبياء بِعَلِّقو.“

مَتَّى 7:12

عَشان كِدا، كُل الإنتو عاوِزين النّاس بيَعمِلو ليكُم، أعمِلو إنتو زي دا ليهُم، عَشان دا هو القانون و كَلام الأنبياء.

لُوقَا 1:70

زي ما إتكَلَّم بِخَشُم أنبياهو القِدِّسين الكانو مِن زَمان:

لُوقَا 16:16

القانون و الأنبياء كانو لِغايَة وَكِت يُوحَنَّا. و مِن الوَكِت داك بِبَشِّرو بِمَلَكوت الله. و كُلّو واحِد البِدخُل فيهو، بِدخُل بِقُوَّه.

لُوقَا 16:29

لَكِن إِبْرَاهِيم قال ليهو: عِندَهُم مُوسَى و الأنبياء. خَليهُم يَسمَعو ليهُم.

لُوقَا 24:27

و إبتَدا مِن كِتاب مُوسَى و مِن كُل الأنبياء يَفَسِّر ليهُم الكان مَكتوب عَنّو في كُل الكُتُب.

لُوقَا 24:44

بَعدين هو قال ليهُم: ”شوفو! دا الكَلام الكَلَّمتَكُم بيهو وَكِت أنا كُنتَ مَعاكُم، إنّو كُل المَكتوب عَنّي في قانون مُوسَى و الأنبياء و المَزامير لازِم يَتِم.“

يُوحَنَّا 1:45

و فِيلُبُّس لِقى نَثَنَائِيل و قال ليهو: ”لِقينا الكَتَب عَنّو مُوسَى في القانون و الأنبياء، يَسُوع إبن يُوسِف المِن النَّاصِرَه.“

أعمال الرُّسُل 10:43

و كُل الأنبياء يَشهَدو ليهو أن كُلّو واحِد البِآمِن بيهو بِقبَل بِإسمو غُفران الخَطايا.“

أعمال الرُّسُل 13:15

و بَعَد قِرايَة القانون و الأنبياء، رؤساء بيت الرَّب رَسَّلو ليهُم يَقولو: ”يا أخوان، إذا كان عِندَكُم كِلمَة الشَّجاعَه لِلنّاس، قُولوهو.“

أعمال الرُّسُل 15:5

لَكِن بَعض مِن المؤمِنين مِن حِزب الفَرِّيسِيِّين قامو و قالو: ”الأُمَم لازِم يَكونو مُطَهَّرين. و نَدّيهُم أمر أن يَحفَظو قانون مُوسَى.“

أعمال الرُّسُل 19:23

و حَصَل في الوَكِت داك، دَوشَه كَبيرَه عَن الطَّريق.

أعمال الرُّسُل 19:9

و بَعض مِنَّهُم، روسينُم بِقو قَوّيين و أبو يآمِنو، و شَتَمو الطَّرِيق قِدّام النّاس. عَلَشان كِدا، بُولُس خَلّاهُم و أخَد التَّلاميذ مَعاهو. و كان بِتكَلَّم مَعاهُم كُلّو يوم في مَدرَسَة تِيرَانُّوس.

أعمال الرُّسُل 22:14

و هو قال: ’إلَه أبَهاتنا إختارَك عَشان تَعرِف إرادتو و تَشوف البار و تَسمَعو يتكَلَّم بِصوتو.

أعمال الرُّسُل 24:22

لَكِن فِيلِكْس، عَلَشان كان بِيَعرِف بِالظَّبط عَن الطَّريق دا، صَرَفُم و قال: ”لَمّا لِيسِيَاس، رَئيس الجُّيوش بِجي، أنا بَمتَحِن الحاجات بِتاعتَك.“

أعمال الرُّسُل 24:5

عَشان لِقينا الرّاجِل دا كان بِخرَب و بِحَرِّك دَوشَه بين كُل اليَهود الفي الدُّنيا، و هو رَئيس جَماعَة النّاصِريين.

أعمال الرُّسُل 25:8

و بُولُس قال في رَدّو: ”أنا ما عَمَلتَ خَطيَّه ضِد قانون اليَهود ولّا ضِد الهيكَل ولّا ضِد قَيصَر.“

أعمال الرُّسُل 26:22

و لَكِن فِشان كانَت عِندي مُساعَدَه مِن الله، قَعَدتَ لِليوم دا، شاهِد لِلصَّغير و الكَبير. أنا ما بَقول حاجَه إلّا القالو الأنبياء و مُوسَى إنّو بِكون.

أعمال الرُّسُل 26:27

إنتَ بِتآمِن بِالأنبياء، يا مَلِك أَغْرِيبَاس؟ أنا بَعرِف إنتَ بِتآمِن.“

أعمال الرُّسُل 26:4

كُل اليَهود بِيَعرِفو المَشي بِتاعي مِن وَكِت كُنتَ وَلَد. و كيف مِن بِدايَة حَياتي، كُنتَ بَعيش بين أُمَّتي و في أُورُشَلِيم.

أعمال الرُّسُل 26:6

و هَسَّع أنا واقِف أحاكِم عَلى رَجاء الوَعَد بيهو الله أبَهاتنا.

أعمال الرُّسُل 28:22

لَكِن نِحنا عاوزين نَسمَع فِكرَك، فِشان بِنَعرِف النّاس في كُلّو مَحَل بِقاوِمو الحِزب دا.“

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

أعمال الرُّسُل 3:13

عَشان إله إِبْرَاهِيم و إِسْحَاق و يَعْقُوب، إله أبَهاتنا مَجَّد إبنو يَسُوع. إنتو سَلَّمتوهو و نَكَرتوهو قِدّام بِيلاطُس لَمّا هو كان داير يَفِكّو.

أعمال الرُّسُل 5:30

إله أبَهاتنا قَوَّم يَسُوع مِن بين المَيِّتين، الإنتو كَتَلتوهو لَمّا عَلَّقتوهو عَلى الخَشَب.

أعمال الرُّسُل 7:32

أنا إلَه أبَهاتَك، إلَه إِبْرَاهِيم و إِسْحَاق و يَعْقُوب. و مُوسَى رَجَف و خاف يَعايِن.

أعمال الرُّسُل 9:2

و طَلَب مِنّو جَوابات لِبِيوت الرَّب بِتاعَت اليَهود في دِمَشق، عَشان إذا لِقى ناس الطَّريق، رُجال و نِسوان، بِسوقُم مَربوطين لِأُورُشَلِيم.

رُومِيَه 1:9

عَشان الله، البَخدِمو بِروحي في إنجيل إبنو، بِشهَد لَي كيف أتذَكَّركُم في كُلّو وَكِت في صَلَواتي.

رُومِيَه 3:21

لَكِن هَسَّع بِر الله ظَهَر بِدون القانون، و القانون و الأنبياء يَشهَدو ليهو.

١ كُورِنْثُوس 11:19

عَشان لازِم يَكون في بينكُم إنقِسامات حَتّى ديل الحَق مَعاهُم، بِكونو بيّنين بينكُم.

غَلَاطِيَّه 5:20

و عِبادَة الأصنام، و السَّحِر، و العَداوَه، و الخُصومَه، و الحَسَد، و الغَضَب، و مَحَبَّة النَّفس، و الشَّكلات، و الأقسام،

٢ تِيمُوثَاوُس 1:3

أنا أشكُر الله البَخدِمو بِضَمير نَضيف، زي ما أبَهاتي خَدَموهو، لَمّا أتزَكَّرَك دايماً في صَلَواتي ليل و نَهار.

تِيطُس 3:10

و الرّاجِل البِحِب يَقَسِّم النّاس، حَزِّرو مَرَّه و مَرَّتين. و بَعَد دا، كون بَعيد مِنّو.

١ بُطْرُس 1:11

و فَتَّشو بِكُلّو قُدرَتُم عَن الوَكِت، هو بِجي مِتين و كيف بِجي. دا الوَكِت روح المَسيح الفيهُم كان يَوَرّيهو، لَمّا شِهِد مِن قَبِل بِأوجاع المَسيح و المَجد البِجي بَعدو.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“