أعمال الرُّسُل 23:6 - كِتاب العَهد الجَّديد مِن الكِتاب المُقَدَّس

⁶ و عَلَشان بُولُس عِرِف جُزو مِنَّهُم صَدّوقيين و الجُّزو التّاني فَرّيسيِّين، كورَك في المَجِلس: ”يا رُجال و أخوان، أنا فرِّيسي، إبن فرِّيسي. و بِسَبَب رَجاء قيامَة المَيِّتين يَحكُمو عَلي.“

أعمال الرُّسُل 23:6 Iomraidhean Croise

مَتَّى 10:16

شوف! أرَسِّلكُم زي خِرفان في وَسط مَرفَعين. عَشان كِدا، كونو شاطرين زي الدَّبايب و لَكِن بُسَطاء زي الحَمام.

مَتَّى 22:23

في نَفس اليوم، الصَدّوقيين قَرَّبو ليهو، هُم البِقولو ما في قيامَه. و سألوهو و قالو:

مَتَّى 3:7

و لَمّا شاف كَتير مِن الفَرِّيسِيِّين و الصَّدّوقيين قاعِدين يَجو لِلمَعموديَّه، يُوحَنَّا قال ليهُم: ”يا أولاد الدَّبايب، مِنو خَبَّركُم بِالخَطَر عَشان تَجرو مِن الزَّعل الجّاي؟

أعمال الرُّسُل 22:3

”أنا راجِل يَهودي، إتوَلَدتَ في طَرْسُوس بِتاعَت كِيلِيكِيَّا. لَكِن أنا كِبِرتَ في المَدينَه دي، و كُنتَ تِلميذ تِحِت غَمَالَائِيل. هو عَلَّمني قانون أبَهاتنا بِالتَّمام، و كانَت عِندي غيرَه لِلَّه زي كُلُّكُم اليوم.

أعمال الرُّسُل 22:30

و في اليوم التّاني، فَكّاهو عَلَشان كان عاوِز يَعرِف الحَق عَن البِشتَكو بيهو اليَهود. و أمَر القُسُس الكُبار و كُلّو مَجلِسُم أن يِتلَمّو. و جاب بُولُس و خَتّاهو قِدّامُم.

أعمال الرُّسُل 22:5

و رَئيس القُسُس و كُلّو مَجلِس الشُّيوخ يَقدَرو يَشهَدو لَي بِداك. و أخَدتَ مِنَّهُم جَوابات لِلأخوان في دِمَشق. و مَشيت لِدِمَشق عَشان أجيب النّاس ديل بِجَنازِير لِأُورُشَلِيم عَشان يَعاقِبوهُم.

أعمال الرُّسُل 23:1

بُولُس عايَن لِلمَجِلس و قال: ”يا رُجال و أخوان، أنا عِشتَ قِدّام الله بِضَمير فيهو سَلام حَتّى اليوم دا.“

أعمال الرُّسُل 23:15

عَلَشان كِدا، إنتو، مَعَ المَجِلس، رَسِّلو لِرَئيس الجُّيوش عَشان يَجيبوهو ليكُم، زي ما عاوزين تَمتَحِنو قَضيَّتو بِالتَّمام. و نِحنا نَكون جاهِزين نَكتُلوهو قُبّال ما يَقَرِّب مِن هِنا.“

أعمال الرُّسُل 23:20

و قال: ”اليَهود إتَّفَقو يَطلُبو مِنَّك تَجيب بُولُس لِلمَجِلس بُكرَه، زي ما عاوزين يَسألو عَن قَضيَّتو بِالتَّمام.

أعمال الرُّسُل 23:7

و لَمّا قال دا، حَصَل شَكلَه بين الفَرِّيسِيِّين و الصَّدّوقيين. و الإجتِماع إنقَسَم.

أعمال الرُّسُل 24:15

و عِندي رَجاء بِالله، زي ما هُم كَمان عِندَهُم رَجاء. و بَنتَظِر إنّو بِتكون في قيامَه مِن بين المَيِّتين لِلبارين و الخاطيين.

أعمال الرُّسُل 24:21

إلّا الكِلمَه الوَحيدَه دي، الكورَكتَ بيها و أنا واقِف بِينُم: ’فِشان القيامَه مِن بين المَيِّتين يَحكُمو عَلي اليوم.“

أعمال الرُّسُل 28:20

و بِالسَّبَب دا، ناديتكُم عَشان أشوفكُم و أكَلِّمكُم. عَلَشان خاطِر رَجاء إِسْرَائِيل أنا مَربوط بِالجَّنزير دا.“

فيلِبّي 3:5

أنا كُنتَ مُطَهَّر في اليوم التّامِن، مِن جِنس إِسْرَائِيل، مِن قَبيلَة بنْيَامِين، عِبراني مِن العِبرانيين. في خُصوص القانون، فرِّيسي.

كُولُوسِّي 1:5

فِشان الرَّجاء المَحفوظ ليكُم في السَّما، الإنتو سِمِعتو بيهو قُبّال دا في كِلمَة حَق الإنجيل،

عِبرانيين 6:19

و عِندَنا الرَّجاء دا زي مِرساة لِلنَفس، أمينَه و ثابِتَه. و الرَّجاء دا يَدخُل لِداك، الفي وَرا السِّتارَه.