أعمال الرُّسُل 23:18 - كِتاب العَهد الجَّديد مِن الكِتاب المُقَدَّس

¹⁸ و اَخَدو و جابو لِرَئيس الجُّيوش و قال: ”المَحبوس بُولُس ناداني، و سألني يَجيب الشّاب دا ليك، عَلَشان عِندو شي يَقولو ليك.“

أعمال الرُّسُل 23:18 Iomraidhean Croise

لُوقَا 7:40

و رَدَّ يَسُوع و قال ليهو: ”يا سِمْعَان، عِندي حاجَه أقولا ليك.“ و قال: ”قول، يا مُعَلِّم.“

يُوحَنَّا 18:12

و بَعدين العَساكِر و الضابِط بِتاعُم و خَدّامين اليَهود، قَبَضو عَلى يَسُوع و رَبَطوهو.

أعمال الرُّسُل 16:25

و في نُص اللّيل تَقريباً، بُولُس و سِيلَا كانو يَصَلّو و يَرَتِّلو لِلَّه، و المَحبوسين يَسمَعوهُم.

أعمال الرُّسُل 23:17

و بُولُس نادى واحِد مِن رؤساء العَساكِر و قال: ”أُخُد الشّاب دا لِرَئيس الجُّيوش، عَلَشان هو عِندو شي يَخَبِّرو بيهو.“

أعمال الرُّسُل 23:19

و رَئيس الجُّيوش اَخَدو بِإيدو، و مَشى مَعاهو بِجَنب بَراهو و سَألو: ”عِندَك شِنو تَقولو لَي؟“

أعمال الرُّسُل 27:1

و لَمّا كانو دايرين نَسافِر بِمُركَب لِإِيطَالِيَه، سَلَّمو بُولُس و مَسجونين تانيين لِرَئيس العَساكِر، إسمو يُولِيُوس مِن قِسم أُغُسْطُس.

أعمال الرُّسُل 28:17

و بَعَد تَلاتَة أيام، بُولُس نادى كُبار اليَهود. و لَمّا إتلَمّو، قال ليهُم: ”يا رُجال و أخوان، أنا ما سَوّيت شي ضِد الشَّعب، و لا ضِد عادات أبَهاتنا. لَكِن خَتّوني في السِّجِن في أُورُشَلِيم، و سَلَّموني لِإيدين ناس رومانيين.

أفَسُس 3:1

و بِالسَّبَب دا، أنا، بُولُس، مَحبوس المَسيح يَسُوع فِشانكُم، يا أُمَم.

أفَسُس 4:1

عَلَشان كِدا، أنا، المَحبوس في الرَّب، بَطلُب ليكُم تَعيشو زي ما يِستَحِق الإختِيار الهو إختاركُم ليهو.

فِلِيمُون 1:9

لَكِن فِشان المَحَبَّه، بَطلُب بِالأكتَر، أنا، بُولُس الشّيخ و هَسَّع مَحبوس المَسيح كَمان.