أعمال الرُّسُل 22:30 - كِتاب العَهد الجَّديد مِن الكِتاب المُقَدَّس

³⁰ و في اليوم التّاني، فَكّاهو عَلَشان كان عاوِز يَعرِف الحَق عَن البِشتَكو بيهو اليَهود. و أمَر القُسُس الكُبار و كُلّو مَجلِسُم أن يِتلَمّو. و جاب بُولُس و خَتّاهو قِدّامُم.

أعمال الرُّسُل 22:30 Iomraidhean Croise

مَتَّى 10:17

لَكِن خَلّو بالكُم مِن النّاس، عَشانُم بِسَلِّموكُم لِلمَجالِس، و بِجلِدوكُم في بِيوت الرَّب بِتوعُم،

مَتَّى 27:2

و رَبَطوهو و ساقوهو و سَلَّموهو لِبِيلاطُس المُدير.

مَتَّى 5:22

و لَكِن أنا أقول ليكُم، كُل اليَزعَل عَلى أخوهو، هو قَرَّب لِلحُكم. و اليَقَول لِأخوهو: يا بَليد، هو قَرَّب لِلمَجِلس. و اليَقول: يا غَشيم، هو قَرَّب لِنار جَهَنَّم.

أعمال الرُّسُل 21:11

و جا لينا و أخَد حِزام بُولُس، و رَبَط بيهو إيدينو و رِجلينو و قال: الرّوح القُدُس يَقول: ”كِدا، اليَهود في أُورُشَلِيم ماشين يَربُطو الرّاجِل، سيد الحِزام دا، و بِسَلِّموهو لِإيدين الأُمَم.“

أعمال الرُّسُل 21:33

في الوَكِت دا، رَئيس الجُّيوش قَرَّب ليهو، و قَبَض عَليهو، و أمَرُم يَربُطوهو بِجَنزيرين. و سأل عَنّو مِنو هو، و عَمَل شِنو.

أعمال الرُّسُل 22:5

و رَئيس القُسُس و كُلّو مَجلِس الشُّيوخ يَقدَرو يَشهَدو لَي بِداك. و أخَدتَ مِنَّهُم جَوابات لِلأخوان في دِمَشق. و مَشيت لِدِمَشق عَشان أجيب النّاس ديل بِجَنازِير لِأُورُشَلِيم عَشان يَعاقِبوهُم.

أعمال الرُّسُل 23:1

بُولُس عايَن لِلمَجِلس و قال: ”يا رُجال و أخوان، أنا عِشتَ قِدّام الله بِضَمير فيهو سَلام حَتّى اليوم دا.“

أعمال الرُّسُل 23:15

عَلَشان كِدا، إنتو، مَعَ المَجِلس، رَسِّلو لِرَئيس الجُّيوش عَشان يَجيبوهو ليكُم، زي ما عاوزين تَمتَحِنو قَضيَّتو بِالتَّمام. و نِحنا نَكون جاهِزين نَكتُلوهو قُبّال ما يَقَرِّب مِن هِنا.“

أعمال الرُّسُل 23:20

و قال: ”اليَهود إتَّفَقو يَطلُبو مِنَّك تَجيب بُولُس لِلمَجِلس بُكرَه، زي ما عاوزين يَسألو عَن قَضيَّتو بِالتَّمام.

أعمال الرُّسُل 23:28

و لَمّا كُنتَ داير أعرِف الشِّكايَه البِشتَكوهو بيها، جِبتو لِمَجلِسُم.

أعمال الرُّسُل 23:6

و عَلَشان بُولُس عِرِف جُزو مِنَّهُم صَدّوقيين و الجُّزو التّاني فَرّيسيِّين، كورَك في المَجِلس: ”يا رُجال و أخوان، أنا فرِّيسي، إبن فرِّيسي. و بِسَبَب رَجاء قيامَة المَيِّتين يَحكُمو عَلي.“

أعمال الرُّسُل 26:29

و بُولُس قال: ”كُنتَ بَصَلّي لِلَّه بِقَليل ولّا بِكَتير، ما إنتَ بَس، لَكِن كُل البِسمَعوني اللّيلَه كَمان، يَبقو كِدا زي ما أنا، إلّا الجَّنازِير ديل.“

أعمال الرُّسُل 5:21

و لَمّا سِمِعو دا، دَخَلو الهيكَل في الصَّباح بَدري و إبتَدو يَعَلِّمو. و لَمّا رَئيس القُسُس و المَعاهو جو، جَمَعو المَجِلس و كُلّو شُيوخ إِسْرَائِيل. و رَسَّلو لِلسِّجِن عَشان يَجيبو الرُّسُل.