أعمال الرُّسُل 22:24 - كِتاب العَهد الجَّديد مِن الكِتاب المُقَدَّس

²⁴ رَئيس الجُّيوش أمَرُم ياخُدو بُولُس جُوَّه مَنطِقَة العَساكِر. و قال إنّو يَمتَحِن بِضَرَبات، عَشان يَعرِف لِشِنو النّاس كانو يَكورِكو عَليهو كِدا.

أعمال الرُّسُل 22:24 Iomraidhean Croise

يُوحَنَّا 19:1

بَعدين بِيلاطُس أخَد يَسُوع و جَلَدو.

أعمال الرُّسُل 16:37

و بُولُس قال ليهُم: ”ضَرَبونا قِدّام النّاس بِدون مُحاكَمَه، و نِحنا راجلين رومانيين. و رَمونا في السِّجِن. و هَسَّع يَفِكّونا بِالسِّر؟ لا! لَكِن خَلّوهُم نُفوسُم يَجو و ياخُدونا بَرَّه.“

أعمال الرُّسُل 21:34

و بَعض مِن النّاس كانو يَكورِكو بِشي، و البَعض بِشي تاني. و لَمّا ما قِدِر يَعرِف الحَق عَن دا بِسَبَب الدَوشَه، هو أمَرُم ياخُدو بُولُس جُوَّه مَنطِقَة العَساكِر.

أعمال الرُّسُل 21:37

و وَكِت العَساكِر قَرَّبو ياخُدو بُولُس لِمَنطِقَة العَساكِر، هو قال لِلرَّئيس: ”مِن فَضلَك، مُمكِن أقول ليك حاجَه؟“ و قال ليهو: ”إنتَ بِتَعرِف لُغَة ناس إغريقيين؟

أعمال الرُّسُل 23:10

و لَمّا الشَّكلَه شَدَّدَت، رَئيس الجُّيوش خاف إنَّهُم يَقطَعو بُولُس حِتَّه حِتَّه. و أمَر الجُّيوش يَنزِلو و يَقبُضوهو مِن وَسطُم و يَجيبوهو لِمَنطِقَة العَساكِر.

أعمال الرُّسُل 23:27

اليَهود قَبَضو عَلى الرّاجِل دا، و قَرَّبو يَكتُلوهو. لَكِن جيت مَعَ الجُّيوش و خَلَّصتو، عَشان عِرِفتَ إنّو روماني.

أعمال الرُّسُل 28:18

و ديل بَعَد ما إمتَحَنوني، كانو عاوزين يَفِكّوني، عَلَشان ما لِقو فِيني ذَنب واحِد لِلموت.

عِبرانيين 11:35

و رَجَّعو لِنِسوان أهلم الماتو و قامو مِن بين المَيِّتين. و تانيين إتعَذَّبو و ما قِبلو الفِداء، عَشان يَحَصِّلو عَلى قيامَه أحسَن.