أعمال الرُّسُل 21:39 - كِتاب العَهد الجَّديد مِن الكِتاب المُقَدَّس

³⁹ و بُولُس قال: ”أنا راجِل يَهودي مِن طَرْسُوس، مِن ناس مَدينَه مَعروفَه في كِيلِيكِيَّا. مِن فَضلَك، خَلّيني أكَلِّم النّاس.“

أعمال الرُّسُل 21:39 Iomraidhean Croise

أعمال الرُّسُل 15:23

و كَتَبو الجَّواب، و رَسَّلَوهو مَعاهُم. و الجَّواب قال: ”مِن الأخوان، الرُّسُل و الشُّيوخ لِلأخوان مِن الأُمَم في أَنْطَاكِيَه و سُورِيَّه و كِيلِيكِيَّا. نَسَلِّم عَليكُم.

أعمال الرُّسُل 15:41

و مَرَّه بِسُورِيَّه و كِيلِيكِيَّا يَشَدِّد الكَنايس.

أعمال الرُّسُل 16:37

و بُولُس قال ليهُم: ”ضَرَبونا قِدّام النّاس بِدون مُحاكَمَه، و نِحنا راجلين رومانيين. و رَمونا في السِّجِن. و هَسَّع يَفِكّونا بِالسِّر؟ لا! لَكِن خَلّوهُم نُفوسُم يَجو و ياخُدونا بَرَّه.“

أعمال الرُّسُل 21:37

و وَكِت العَساكِر قَرَّبو ياخُدو بُولُس لِمَنطِقَة العَساكِر، هو قال لِلرَّئيس: ”مِن فَضلَك، مُمكِن أقول ليك حاجَه؟“ و قال ليهو: ”إنتَ بِتَعرِف لُغَة ناس إغريقيين؟

أعمال الرُّسُل 22:3

”أنا راجِل يَهودي، إتوَلَدتَ في طَرْسُوس بِتاعَت كِيلِيكِيَّا. لَكِن أنا كِبِرتَ في المَدينَه دي، و كُنتَ تِلميذ تِحِت غَمَالَائِيل. هو عَلَّمني قانون أبَهاتنا بِالتَّمام، و كانَت عِندي غيرَه لِلَّه زي كُلُّكُم اليوم.

أعمال الرُّسُل 23:27

اليَهود قَبَضو عَلى الرّاجِل دا، و قَرَّبو يَكتُلوهو. لَكِن جيت مَعَ الجُّيوش و خَلَّصتو، عَشان عِرِفتَ إنّو روماني.

أعمال الرُّسُل 23:34

و لَمّا المُدير قَرا الجَّواب، سأل عَنّو، هو مِن ياتا مُديرِيَّه. و لِقاهو مِن كِيلِيكِيَّا.

أعمال الرُّسُل 6:9

و قامو جُزو مِن النّاس الكانو في نوع الدّين اليَهودي البِسَمّوهو بيت الرَّب بِتاع الحُرّين، و القَيْرَوَانِيِّين و الإسكَندَريين و المِن كِيلِيكِيَّا و آسيا، و هُم كانو يَقاوِمو اسْتِفَانُوس.

أعمال الرُّسُل 9:11

و الرَّب قال ليهو: ”قوم و أمشي لِشارِع إسمو الدُّغري، و أسأل في بيت يَهُوذَا عَن راجِل مِن طَرْسُوس إسمو شَاوُل. و شوف! هو قاعِد بِصَلّي.

أعمال الرُّسُل 9:30

و لَمّا الأخوان عِرفو دا، جابوهو لِقَيْصَرِيَّه، و رَسَّلَوهو لِطَرْسُوس.

١ بُطْرُس 3:15

لَكِن قَدِّسو الرَّب المَسيح في قُلوبكُم. و كونو جاهِزين دايماً عَشان تَرُدّو عَلى كُلّو واحِد البِسألكُم عَن سَبَب الرَّجاء الفيكُم. و لَكِن أعمِلوهو بِوَداعَه و إحتِرام.