أعمال الرُّسُل 21:24 - كِتاب العَهد الجَّديد مِن الكِتاب المُقَدَّس

²⁴ أُخُد ديل، و نَضِّف نَفسَك مَعاهُم، و أدفَع القُروش ليهُم عَشان هُم يَحلِقو روسينُم. و كِدا، كُلُّهُم بِيَعرِفو الخَبَّروهُم بيك مُش الحَق، لَكِن إنتَ نَفسَك بِتَحفَظ القانون.

أعمال الرُّسُل 21:24 Iomraidhean Croise

يُوحَنَّا 11:55

و كان عيد الفِصَح بِتاع اليَهود قَريب. و كَتيرين طَلَعو مِن الحِلَل لِأُورُشَلِيم عَشان يَغَسِّلو نُفوسُم زي عادَة اليَهود.

يُوحَنَّا 3:25

و كان في سؤَال بين تَلاميذ يُوحَنَّا و واحِد يَهودي، عَن الغَسيل.

أعمال الرُّسُل 18:18

و بُولُس قَعَد هِناك أيام كَتيرَه. و بَعَد دا، قال ليهُم مَعَ السَّلامَه، و سافَر بِمُركَب لِسُورِيَّه، و أخَد مَعاهو بِرِيسْكِلَّا و أَكِيلَا. و بُولُس كان حَلَق رَاسو في كَنْخِرِيَا، عَلَشان كان عَليهو وَعَد.

أعمال الرُّسُل 21:26

و في اليوم التّاني، بُولُس أخَد الرُّجال، و إتنَضَّف مَعاهُم. و دَخَل الهيكَل عَشان يَبَيِّن تَمام أيام النَّضافَه لِغايَة ما يَقَدِّمو تَقدِمَه عَن كُلّو واحِد مِنَّهُم.

أعمال الرُّسُل 24:18

و لَمّا كُنتَ بَسَوّي دا، لِقوني نَضيف حَسَب القانون في الهيكَل. و ما في زَحمَة النّاس مَعاي ولّا دَوشَه.

١ كُورِنْثُوس 9:20

بِقيت لِليَهود زي يَهودي عَشان أربَح اليَهود. و ليهُم التِحِت القانون، زي ما أنا تِحِت القانون، مَعَ إنّي أنا مُش تِحِت القانون، عَشان أربَح ديل التِحِت القانون.

غَلَاطِيَّه 2:12

عَشان قُبّال ما بَعض مِن الرُّجال جو مِن يَعْقُوب، هو كان ياكُل مَعَ الأُمَم. لَكِن لَمّا هُم وِصلو، كان يَمرُق مِنَّهُم و يَفَرِّق نَفسو، عَشان خاف مِنَّهُم المُطَهَّرين.