أعمال الرُّسُل 21:20 - كِتاب العَهد الجَّديد مِن الكِتاب المُقَدَّس

²⁰ و لَمّا سِمِعو، مَجَّدو الله. و قالو ليهو: ”إنتَ تَشوف، يا أخي، كَم ألف مِن اليَهود آمَنو، و كُلُّهُم عِندَهُم غيرَه لِلقانون.

أعمال الرُّسُل 21:20 Iomraidhean Croise

مَتَّى 9:8

و لَمّا النّاس شافو دا، إستَغرَبو و مَجَّدو الله الأدّا لِلنّاس سُلطَه زي دي.

لُوقَا 12:1

و وَكِت ما آلاف مِن النّاس إتلَمّو لِغايَة ما كانو يَدوسو بَعضَهُم عَلى بَعض، إبتَدا يَكَلِّم تَلاميذو في الأوَّل: ”خَلّو بالكُم مِن خَميرَة الفَرِّيسِيِّين الهو النِفاق.

لُوقَا 15:32

لَكِن واجِب عَلينا نَفرَح و نَكون مَبسوطين، عَشان أخوك دا كان مَيِّت و حِيى تاني، و كان ضايِع و إتلَقى.“

يُوحَنَّا 12:24

الحَق الحَق أقول ليكُم، إلّا تيراب الدُّرَه يَقَع في الأرض و يَموت، يَبقى بَراهو. لَكِن إذا مات، يَجيب ثِمار كَتير.

أعمال الرُّسُل 11:18

و لَمّا سِمِعو دا، سَكَتو و مَجَّدو الله و قالو: ”عَلَشان كِدا الله أدّا لِلأُمَم كَمان التّوبَه لِلحَياة.“

أعمال الرُّسُل 15:1

و بَعض مِن الرُّجال نَزَلو مِن اليَهُودِيَّه لِأَنْطَاكِيَه، و كانو بِعَلِّمو الأخوان و يَقولو: ”إن كان ما تَكونو مُطَهَّرين حَسَب عادَة مُوسَى، ما بِتَقدَرو تَخلَصو.“

أعمال الرُّسُل 15:24

سِمِعنا بَعض النّاس مَرَقو مِنَّنا و حَرَّكوكُم و حَيَّرو نُفوسكُم بِكلماتُم. و نِحنا ما أمَرناهُم يَسَوّو كِدا.

أعمال الرُّسُل 15:5

لَكِن بَعض مِن المؤمِنين مِن حِزب الفَرِّيسِيِّين قامو و قالو: ”الأُمَم لازِم يَكونو مُطَهَّرين. و نَدّيهُم أمر أن يَحفَظو قانون مُوسَى.“

أعمال الرُّسُل 2:41

و القِبلو كَلامو إتعَمَّدو، و إتلَمّو عَليهُم في اليوم داك تَلاتَة آلاف نَفَر تَقريباً.

أعمال الرُّسُل 22:3

”أنا راجِل يَهودي، إتوَلَدتَ في طَرْسُوس بِتاعَت كِيلِيكِيَّا. لَكِن أنا كِبِرتَ في المَدينَه دي، و كُنتَ تِلميذ تِحِت غَمَالَائِيل. هو عَلَّمني قانون أبَهاتنا بِالتَّمام، و كانَت عِندي غيرَه لِلَّه زي كُلُّكُم اليوم.

أعمال الرُّسُل 4:21

و بَعَد ما هَدَّدوهُم زِيادَه، فَكّوهُم. و هُم ما قِدرو يَلقو كيف يَعمِلو ليهُم حاجَه بَطّالَه بِسَبَب النّاس. عَلَشان كُل النّاس كانو بِمَجِّدو الله عَلى الحَصَل.

أعمال الرُّسُل 4:4

و كَتيرين مِن النّاس السِّمِعو الكِلمَه، آمَنو، و عَدَد الرُّجال بِقى خَمسَة آلاف تَقريباً.

أعمال الرُّسُل 6:7

و كِلمَة الله كانَت تَكبَر، و نِمرَت التَّلاميذ بِقَت كَتيرَه جِدّاً في أُورُشَلِيم. و نِمرَه كَتيرَه مِن القُسُس كانو بِطيعُو الإيمان.

رُومِيَه 10:2

عَشانّي أشهَد ليهُم عِندَهُم غيرَه لِلَّه، لَكِن ما حَسَب المَعرِفَه.

غَلَاطِيَّه 1:14

و كُنتَ بَتقَدَّم في دين اليَهودي فوق كَتيرين مِن أصحابي في أُمَّتي، و كُنتَ أشَد مِنَّهُم في الغيرَه في عادات أبَهاتي.

غَلَاطِيَّه 1:24

و كانو بِمَجِّدو الله فِيني.

٢ تَسَالُونِيكِي 1:10

لَمّا هو بِجي عَشان يَقبَل المَجد مِن قِدِّسِينو. و في اليوم داك، المؤمِنين بِدّوهو إحتِرام بِفَرَح. و إنتو كَمان بِتكونو مَعاهُم، عَلَشان إنتو صَدَّقتو شَهادَتنا ليكُم.