أعمال الرُّسُل 21:11 - كِتاب العَهد الجَّديد مِن الكِتاب المُقَدَّس

¹¹ و جا لينا و أخَد حِزام بُولُس، و رَبَط بيهو إيدينو و رِجلينو و قال: الرّوح القُدُس يَقول: ”كِدا، اليَهود في أُورُشَلِيم ماشين يَربُطو الرّاجِل، سيد الحِزام دا، و بِسَلِّموهو لِإيدين الأُمَم.“

أعمال الرُّسُل 21:11 Iomraidhean Croise

يُوحَنَّا 18:1

و لَمّا يَسُوع قال الكَلام دا، مَرَق مَعَ تَلاميذو لِلجَّمب التّاني لِوادي قِدرون. هِناك كانَت في جِنينَه، و يَسُوع و تَلاميذو دَخَلوها.

أعمال الرُّسُل 13:2

و وَكِت ما هُم بِخدِمو الرَب و بِصومو، الرّوح القُدُس قال: ”جَهِّزو لَي بَرْنَابَا و شَاوُل لِلعَمَل الناديتُم ليهو.“

أعمال الرُّسُل 16:6

و بَعَد ما مَرّو بِفِرِيجِيَّه و مَحَلّات غَلَاطِيَّه، الرّوح القُدُس ما خَلّاهُم يِتكَلَّمو بِالكِلمَه في آسيا.

أعمال الرُّسُل 20:23

إلّا الرّوح القُدُس يَشهَد لَي في كُلّو مَدينَه، و يَقول جَنازِير و أتعاب يِستَنّوني.

أعمال الرُّسُل 21:33

في الوَكِت دا، رَئيس الجُّيوش قَرَّب ليهو، و قَبَض عَليهو، و أمَرُم يَربُطوهو بِجَنزيرين. و سأل عَنّو مِنو هو، و عَمَل شِنو.

أعمال الرُّسُل 21:4

و عَلَشان لِقينا التَّلاميذ، قَعَدنا مَعاهُم أُسبوع. و هُم كانو بِقولو لِبُولُس بِالرّوح عَشان ما يَطلَع لِأُورُشَلِيم.

أعمال الرُّسُل 22:25

و لَمّا رَبَطوهو عَشان يَجلِدوهو، بُولُس قال لِرَئيس المِيَّه الواقِف هِناك: ”دا بِالقانون ليكُم تَجلِدو إنسان روماني الما حَكَمو عَليهو؟“

أعمال الرُّسُل 24:27

و لَمّا سَنَتين فاتو، بُورْكِيُوس فَسْتُوس أخَد مَكان فِيلِكْس. و عَلَشان فِيلِكْس كان عاوِز يَبسِط اليَهود، هو ساب بُولُس في السِّجِن.

أعمال الرُّسُل 26:29

و بُولُس قال: ”كُنتَ بَصَلّي لِلَّه بِقَليل ولّا بِكَتير، ما إنتَ بَس، لَكِن كُل البِسمَعوني اللّيلَه كَمان، يَبقو كِدا زي ما أنا، إلّا الجَّنازِير ديل.“

أعمال الرُّسُل 28:17

و بَعَد تَلاتَة أيام، بُولُس نادى كُبار اليَهود. و لَمّا إتلَمّو، قال ليهُم: ”يا رُجال و أخوان، أنا ما سَوّيت شي ضِد الشَّعب، و لا ضِد عادات أبَهاتنا. لَكِن خَتّوني في السِّجِن في أُورُشَلِيم، و سَلَّموني لِإيدين ناس رومانيين.

أعمال الرُّسُل 28:20

و بِالسَّبَب دا، ناديتكُم عَشان أشوفكُم و أكَلِّمكُم. عَلَشان خاطِر رَجاء إِسْرَائِيل أنا مَربوط بِالجَّنزير دا.“

أعمال الرُّسُل 28:25

و ما إتَّفَقو بَعضَهُم مَعَ بَعض، و إبتَدو يَمرُقو، بَعَد ما بُولُس قال كِلمَه واحدَه: ”الرّوح القُدُس كَلَّم أبَهاتكُم كوَيس بِإِشَعْيَاء النَّبي،

أعمال الرُّسُل 8:29

و الرّوح قال لِفِيلُبُّس: ”قَرِّب و أمشي مَعَ العَرَبيَه دي.“

أعمال الرُّسُل 9:16

و أنا بَوَرّيهو كَم لازِم يِتوَجَّع عَشان إسمي.“

أفَسُس 3:1

و بِالسَّبَب دا، أنا، بُولُس، مَحبوس المَسيح يَسُوع فِشانكُم، يا أُمَم.

أفَسُس 4:1

عَلَشان كِدا، أنا، المَحبوس في الرَّب، بَطلُب ليكُم تَعيشو زي ما يِستَحِق الإختِيار الهو إختاركُم ليهو.

أفَسُس 6:20

و أنا سَفير في جَنازِير فِشان الإنجيل. و صَلّو عَلَشان أتكَلَّم بِشَجاعَه زي أنا لازِم أتكَلَّم.

١ تِيمُوثَاوُس 4:1

و الرّوح يَقول بِكِلمات بَايِنَه، بَعض مِن النّاس بِخَلّو الإيمان في الزَّمَن الأخير، و يَمشو وَرا أرواح بِغِشّو و تَعاليم شياطين.

٢ تِيمُوثَاوُس 2:9

و فِشانّو أنا بَتحَمَّل التَّعب حَتّى الجَّنازِير زي مُذنِب. لَكِن كِلمَة الله ما مَربوطَه.

عِبرانيين 10:34

و إنتو تِعِبتو سَوا مَعَ المَحبوسين، و لَمّا مَسَكو بُضاعَتكُم بِقُوَّه، إنتو قِبِلتو دا بِفَرَح، عَلَشان إنتو نُفوسكُم عِرِفتو عِندَكُم مال أحسَن البِستَمِر.

عِبرانيين 3:7

عَلَشان كِدا، زي الرّوح القُدُس بِقول: ”النَّهار دا، إذا تَسمَعو صوتو،

١ بُطْرُس 1:12

الله وَرّاهُم إنّو شُغلُم كان لِفايدَتكُم و ما لِفايدَة نُفوسُم. و هُم الخَبَروكُم عَن الحاجات السِّمِعتو هَسَّع مِن البَشَّروكُم بِالإنجيل بِالرّوح القُدُس المُرسَل مِن السَّما. المَلائكَه كَمان عاوِزين بِشِدَّه يَعرِفو عَن الحاجات ديل.