أعمال الرُّسُل 20:28 - كِتاب العَهد الجَّديد مِن الكِتاب المُقَدَّس

²⁸ أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

أعمال الرُّسُل 20:28 Iomraidhean Croise

مَتَّى 16:18

و أنا أقول ليك، إنتَ بُطْرُس، و أنا بَبني كَنيسَتي عَلى الحَجَر دا، و قُدرَة الموت ما بِتَغلِبوها.

مَتَّى 2:6

و إنتي، يا بيت لَحَم، بَلَد يَهُوذَا، ما الأصغَر بين مُديرين يَهُوذَا. عَلَشان مِنِّك يَجي مُدير يَحكُم عَلى النّاس بِتاع إِسْرَائِيل.“

مَرْقُس 13:9

لَكِن إنتو، خَلّو بالكُم لِنُفوسكُم، عَشان هُم بِسَلِّموكُم لِلمَحاكِم، و يَضرُبوكُم في بُيوت الرَّب. و بِتقومو قِدّام مُديرين و مُلوك فِشانّي أنا، عَشان تَكونو شَهادَه ليهُم.

لُوقَا 12:32

ما تَخافو، يا المُراح الصَّغير، عَشان أبوكُم رَضيان يَدّيكُم المَلَكوت.

لُوقَا 21:34

لَكِن خَلّو بالكُم لِنُفوسكُم، عَشان ما بِتكونو حَزنانين في قُلوبكُم بِحاجات فاضيَه و سَكَر و هُموم الحَياة دي، و اليوم داك بِجي ليكُم زي الفَخ.

أعمال الرُّسُل 13:2

و وَكِت ما هُم بِخدِمو الرَب و بِصومو، الرّوح القُدُس قال: ”جَهِّزو لَي بَرْنَابَا و شَاوُل لِلعَمَل الناديتُم ليهو.“

أعمال الرُّسُل 14:23

و بُولُس و بَرْنَابَا إختارو ليهُم شُيوخ في كُلّو كَنيسَه، و بِالصَّلاه و الصّوم قَدَّموهُم لِلرَّب الآمَنو بيهو.

أعمال الرُّسُل 20:17

و مِن مِيلِيتُس بُولُس رَسَّل، و نادى شُيوخ الكَنيسَه.

أعمال الرُّسُل 20:29

و أنا بَعرِف بَعَد ما مَشيت، دياب مِتوَحِّشين بِدخُلو، و ما بِرحَمو عَلى المُراح.

رُومِيَه 16:16

سَلِّمو بَعضَكُم عَلى بَعض بِسَلام مُقَدَّس. كُلّو كَنايس المَسيح يَسَلِّمو عَليكُم.

١ كُورِنْثُوس 1:2

لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.

١ كُورِنْثُوس 10:32

ما تَكونو سَبَب لِخَطيَّه لِليَهود ولّا لِناس إغريقيين ولّا لِكَنيسَة الله،

١ كُورِنْثُوس 11:22

دا شِنو؟ ما عِندَكُم بُيوت عَشان تاكلو و تَشرَبو فيها؟ و تَحتَقِرو كَنيسَة الله؟ و تَخَجِّلو الما عِندَهُم أكل؟ أقول ليكُم شِنو؟ بَحمَدكُم عَلى دا؟ لا، ما بَحمَدكُم.

١ كُورِنْثُوس 15:9

عَشان أنا صَغَيِر مِن الرُّسُل، أنا الما بَستَحِق يَسَمّوني رَسول، عَشانّي طَرَدتَ كَنيسَة الله.

١ كُورِنْثُوس 6:20

كُنتو مُشتَرين بِتَمَن. عَلَشان كِدا، مَجِّدو الله في جِسِمكُم.

غَلَاطِيَّه 1:13

عَشانكُم سِمِعتو بِطَريق حَياتي قُبّال في الدّين اليَهودي، كيف كُنتَ بَطرُد كَنيسَة الله بِشِدَّه، و جَرَّبتَ أخَرِّبا.

أفَسُس 1:14

و هو عَربون ميراثنا لِفِداء مُلكو، لِحَمد مَجدو.

أفَسُس 1:7

و فيهو عِندَنا الفِداء بِدَمّو، غُفران الخَطايا، بِحَسَب غِنى نِعمَتو.

أفَسُس 4:11

و هو أدّا البَعض يَكونو رُسُل، و البَعض، أنبياء، و البَعض، مُبَشِّرين، و البَعض، رُعاه و مُعَلِّمين.

فيلِبّي 1:1

بُولُس، و تِيمُوثَاوُس، خَدّامين المَسيح يَسُوع، لِكُل المُقَدَّسين في المَسيح يَسُوع الفي فيلِبّي، مَعَ المُلاحِظين و خَدّامين الكَنيسَه.

كُولُوسِّي 1:14

و لينا فيهو الفِداء بِدَمّو، غُفران الخَطايا.

كُولُوسِّي 4:17

و قولو لِلأَرْخِبُّس: ”شوف الخِدمَه الأنتَ قِبِلتا مِن الرَّب، عَشان تَكَمِّلا.“

١ تِيمُوثَاوُس 3:1

الكِلمَه دي أمينَه: إذا أي واحِد يَطلُب يَكون مُلاحِظ، هو عاوِز عَمَل كوَيس.

١ تِيمُوثَاوُس 3:2

و المُلاحِظ لازِم يَكون بِدون عيب، راجِل عِندو مَرَه واحدَه، ماسِك نَفسو، عاقِل، مُحتِرَم، بِفتَح بيتو لِلغَريبين، بِقدَر يَعَلِّم.

١ تِيمُوثَاوُس 3:5

عَلَشان إذا واحِد ما بِيَعرِف كيف يَرَتِّب بيتو كيف بِقدَر يَهتَم بِكَنيسَة الله؟

١ تِيمُوثَاوُس 4:14

ما تَكون كَسلان بِهَديتَك الأدّوها ليك بِالنُّبوَّه لَمّا الشُّيوخ خَتّو إيدينُم عَليك.

١ تِيمُوثَاوُس 4:16

شوف نَفسَك كوَيس و التَعليم. إستَمِر في الحاجات ديل، عَلَشان إذا عَمَلتَ كِدا، بِتَخلَص نَفسَك و البِسمَعو ليك كَمان.

١ تِيمُوثَاوُس 5:17

الشُّيوخ البِقودو كوَيس أحسِبوهُم مُستَحِقّين لِإحتِرام مَرَّتين، و بِالأكتَر البِتعَبو في الكِلمَه و التَعليم.

تِيطُس 1:7

و المُلاحِظ يَكون بِدون لوم عَلَشان هو وَكيل الله. و هو ما لازِم بِكون مِتكَبِّر و ما بِزعَل قَوام، و ما بِسكَر، و ما بِضرُب، و ما طَمّاع في قُروش وَسخان.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

عِبرانيين 12:15

شوفو كوَيس عَشان واحِد ما يَقَع مِن نِعمَة الله، و عَشان عِرق مِن قَلِب مُر ما يَقوم و يَكون سَبَب التَّعب، و ناس كُتار يِتوَسَّخو.

عِبرانيين 13:17

طيعو رؤساكُم و كونو تِحِت سُلطَتُم. عَلَشانُم يَحرَسو عَلى نُفوسكُم زي ديل البِدّو حِساب. طيعوهُم عَلَشان شُغلُم بِكون بِفَرَح، مُش بِحُزن. عَشان إذا بِحُزن، ما في فايدَه ليكُم.

١ بُطْرُس 2:25

عَشانكُم كُنتو زي خِرفان ضايِع، لَكِن رَجَعتو هَسَّع لِراعي نُفوسكُم و مُلاحِظكُم.

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

١ يُوحَنَّا 1:7

و لَكِن إذا نَمشي في النّور زي ما هو في النّور، عِندَنا شَرِكَه بَعَضَنا مَعَ بَعض. و دَم يَسُوع إبنو يَنَضِّفنا مِن كُلّو خَطيَّه.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.